EJJEETTO 11:26 - Qullaawa Maxaafa

²⁶ Tini gobba ki'ne Amoonootunnita ikkitinoha ikkiro, Israeele Hasebooninna olluuwasera, Aroeerinna olluuwasera, Arnooninna mulesi noo katamma baalantera 300 diro heedhu geeshsha mayira adha hoogginoonniyya?

EJJEETTO 11:26 ပူးပေါင်းရင်းမြစ်များ

ERMIYAASI 48:19

Aroeeri katamira heedhinanniri, doogote uurritine la'e; xooqanni noo mannanna, fule ba"anni noo meento xa'mitine ikkanni noore buuxxe.

SOQQAMAASINETE LOOSO 13:19

Hakkunni gedensaanni Kana"aani heedhannota lamala gosa hune insa gobba insara ragisiisi.

MARRO 2:24

Kaaliiqino, «Xaanni ka'ine Arnooni Xashsho fulle. Kuneeti, Hasebooni moote, Amooraawicha Sewooninna gobbasi anga'nera sayise oommo'nena, iso qassine baattosi ragidhe.

MARRO 2:36

Arnooni Lagichi qaccera noo lagichi Aroeerihu giddo noo kataminni kayise, Geleaadi geeshsha noo katamma giddonni mittu nafa ittisankera dandaanno huxxa afi'rinohu dino. Maganinke Kaaliiqi baalanka angankera sayise uyinonke.

MARRO 3:2

Kaaliiqi kayinni, «Iso, olantosi baalantanna baattosi angakkira sayise oommohena, waajjitooti. Isono Hasebooni gashshinoha Amooraawootu moote Sewooni assitto gede assi» yiie.

MARRO 3:6

Hasebooni mooteha Sewooni katamma assinummonte gede katamma baalanta labballo, meentonna oosonsa co'o assine gundoommo.

IYYAASU 12:2

Lame mootoolla giddonni mittu, Hasebooni hee're gashshinohu Amooraawootu moote Sewooniiti. Gashshootisi Geleaadiha darate amade, Arnooni lagichi qaccera nootenni Aroeeri kataminni kayise hakko lagichi mereero noo katama giddo amade, Amoonootu danni Yaabooqi Wayi geeshsha iillanno.

IYYAASU 12:5

Gashshootisino Hermooni Ilaala, Salekanni kae, Geshuurinna Maaka danni geeshsha iillitannota Baasaani baatto baala mitteenni amade, Geleaadi daratinni kayise, Hasebooni moote Sewooni danni geeshsha iillanno.

IYYAASU 13:10

Qoleno, Hasebooni moohinohu Amooraawootu moote Sewooni hee'rino katammanni kayise, Amooni danni geeshsha iillanno.

IYYAASU 13:16

Danninsa Arnooni lagichi qaccera noohu Aroeerinna katamu lagichi mereero noohunni kayise, Medeba mule noo xawo baala,

IYYAASU 13:17

Hasebooninna alichoho noo katamma baala, hattono Dibooni, Bamooti-Ba"aali, Beetibeaalimioni,

IYYAASU 23:1

Lowo yanna gedensaanni, Kaaliiqi Israeeloota gaangaawinsara noo diinnawiinni fooliishshiishe keere uyinsa. Hatte yannara Iyyaasu lowo geeshsha geedhe no.

EJJEETTO 10:8

Insano Yordaanoosira soojjaatoonni Amooraawootu gobbara Geleaadi heedhanno Israeele gadadissanni 18 diro gashshitu.

EJJEETTO 3:11

Qeneezi beetti Gotooniyaali reyi barri geeshsha baatto 40 diro keere heedhu.

EJJEETTO 3:30

Hakko barra Israeele Moaabi qeeltu; baattono 80 diri geeshsha keere afidhu.

EJJEETTO 5:31

Kaaliiqa, baarigaarrakki baala togo ikkite ba'o; ate baxxannori kayinni, soodo arrishsho gede xabbo. Hakkunni gedensaanni, baatto 40 diri geeshsha keere afidhu.

EJJEETTO 8:28

Kunni garinni Midiyaamoota Israeele qeeltu. Layinkimeeshshono Israeele diseyattino. Gedewooni lubbotenni noo geeshsha gobba 40 diro keere afidhu.

EJJEETTO 9:22

Abemeleeki Israeele 3 diro gashshihu gedensaanni,