EJJEETTO 11:21 - Qullaawa Maxaafa

²¹ Hakkunni gedensaanni Israeelete Magani Kaaliiqi Sewooninna mannasi baala Israeelete angara sayise uyi; insano qeelantu. Israeeleno hatte gobbara noota Amooraawootu baatto gudisse ragidhu.

EJJEETTO 11:21 ပူးပေါင်းရင်းမြစ်များ

LAYINKI DUDUWO 13:16

Israeelete manni Yihudu manni albinni xooqi. Maganuno Yihudu mannira sayise uyinsa.

LAYINKI DUDUWO 13:5

Israeelete Magani Kaaliiqi Daawitinna sirchisi Israeelete hegere geeshsha mookkanno gede soorramannokki gondooro uyinota diaffinoonni?

FULO 23:31

Danna'neno Duumu Baarinni Mediteraaniyu Baari geeshsha, halallitte gobbanni kayise Efiraaxisi Wayi geeshsha iillisheemmo. Baattote aana noore baala anga'nera sayise eenna albi'nenni shorritine huntinanni.

AMOOTSI 2:9

«Ani kayinni ki'ne daafira yee hojja daguwu gedeere, jawaante ejersu gedee Amooraawoota rumushshunkunni buqqise hunoommo.

KIIRO 21:24

Israeele kayinni qasse, Arnooninni kayisse Yaabooqi Wayi geeshsha noo baatto adhitu. Ikkollana Amoonootu danni qiinshoonniha ikkino daafira Yaabooqinni disa'ino.

MARRO 2:32

Sewooninna olantosi baala Yahaatsi Katamira ninke ledo gaarantara fultu yannara,

IYYAASU 6:2

Kaaliiqi Iyyaasura, «Iyyaarko mootesinna bareedda gaaddosi ledo angakkira sayise eemmohe.

EJJEETTO 11:20

Sewooni kayinni Israeele waajjino daafira, gobbasi giddoonni higge sa'annota giwe, Yahaatsi yinanniwa olantosi gamba assi're Israeelete ledo olamino.