EJJEETTO 10:16 - Qullaawa Maxaafa

¹⁶ Hakkunni gedensaanni giddonsa noota allagga maganna hooltu. Kaaliiqano magansidhu; Kaaliiqino Israeelete gadado lae cinca hoogi.

EJJEETTO 10:16 ပူးပေါင်းရင်းမြစ်များ

KALAQAMA 6:6

Manna baattote aana kalaqasira gaabbi; wodanisinnino dadilli.

LAYINKI MOOTOOLLA 13:23

Kaaliiqi kayinni shaqqillisinni mararinonsata ikkinnina techo geeshsha albisinni dihuninonsa. Hatto assinohu Abirihaami, Yisihaaqinna Yaiqoobi ledo eino gondoori daafira yeeti.

LAYINKI DUDUWO 15:8

Aasa himanaanchu Odeedi beetti Azaariyaasi himanino himana macciishshe jawaati. Yihudunna Biiniyaami gobbara gaaraame Efireemi baattora isi amadino katammara noota tiyyi'nannita kaphu maganna baala gudi. Qullaawu Mini nafara nooha Kaaliiqiha kakkalote dargano haaroonsi.

LAYINKI DUDUWO 33:15

Minaase wole gosa magannanna isi abbe worinota kaphu magani misile Qullaawu Mininni fushshe huni. Qoleno Qullaawa Mine noo gaariranna Yerusaalamete noota kakkalote darguwa baala diigino. Konne baala hoole katamaho gobbaanni fushshe hunino.

LAYINKI DUDUWO 7:14

su'mi'yanni woshshaminohu manni'ya umonsa shollishe huucci'riro, eegamironna bunshetewiinni gaabbe higiro, gordoho hee're macciishsheemmonsa. Cubbonsano agureemmo; baattonsano hurseemmo.

FAARSO 73:21

Wodani'ya aaramanno yannara, giddo'ya fooggaltanno woyite,

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

ERMIYAASI 31:20

«Israeele! Ki'ne anera ayirrado oosooti; roorse baxeemmo'nere di"ikkitinoonni? Hanqe coyi'rummo'nero nafa, ki'ne daafira wodani'ya digoxino; godowi'yano ki'nera dikaajjino. Ani Kaaliiqi ki'ne marareemmo'ne. Konne coye coyi'roommohu ani Kaaliiqaati.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

HOOSEI 14:8

Israeelete mannira kunni ka'a, kaphu maganna ledo mittu xaadino dihee'rannonsa. Ani huuccattonsa macciishsheemmo; towateemmonsa. Lattino haqqicho gede ikkeemmonsa; laalono anewiinni afidhanno» yii.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

LUQAASI 15:20

Kunnira kae annisiwa ha'ri. «Annuno fafowa hee'reenna afe mararisi; dodanni mare beettosi hanqafe sunqisi.

LUQAASI 19:41

Yesuusi Yerusaalame iille laihu gedensaanni katamu daafira wi'li.

YOHAANNISI 11:34

«Hiikko madaartinoonni?» yee xa'mi. Insano, «Mooticha, amo dagge lai!» yitu.

EFESOONI SOKKA 4:32

Mimmiti'nera shaqqaddanna shooshaqoota ikke; Maganu Kiristoosinni cubbo'ne agurino'nente gede, ki'neno mimmiti'ne sao agurre.

MARRO 32:36

Wolqa noonsakkitanna mannu goofita afe, mannasi keereensanno; soqqantannosire baala mararannonsa.

IBIRAAWOOTA 3:10

Kunnira, hattenne ilamara hanqe, ‹Wodaninsa wo'ma woyite so'ranno; doogo'yano diaffino› yiino.

IBIRAAWOOTA 4:15

Cubbo agurranna ninke gede baalu coyinni fonqolaminohu Qeesootu Qari noonke. Isi wolqanke anjera kaa'le afannokkiha di"ikkino.

IYYAASU 24:23

Isino, «Hatto ikkiro, mereero'ne noota wole maganna hunne. Israeelete Magani Kaaliiqira ammanama'ne leellishshe» yiinsa.

EJJEETTO 2:18

Kaaliiqi albisannoha kayisannonsa kiironni, hakku albisi Kaaliiqi ledosi noo daafira, Israeele diininsa anganni gatisino. Mannu qarru batinyinni kainohunni raaranno woyite, Kaaliiqi mararinonsa.

UMI SAAMUEELI 12:10

Hakkunni gedensaanni, ‹Cubbo loonsoommo; Kaaliiqa agurre Ba"aalinna Astaarooti magansi'noommo. Xa kayinni soqqammeemmohena diininke anganni gatisinke› yite Kaaliiqiwa higge raartino.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.

UMI SAAMUEELI 7:4

Israeeleno Ba"aalinna Astaarooti maganna giddonsanni hoolte, Kaaliiqa calla magansidhu.