EJJEETTO 10:13 - Qullaawa Maxaafa

¹³ Ki'ne kayinni ane agurtine wole maganna magansidhinoonni. Kunni daafira kunni ka'a digatiseemmo'ne.

EJJEETTO 10:13 ပူးပေါင်းရင်းမြစ်များ

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

LAYINKI DUDUWO 12:5

Himanaanchu Shemaiya Shishaaqi waajje Yerusaalamete gamba yite nooriwa Roobiaamiwanna Yihudu roorrootiwa daye, «Kaaliiqi, ‹Ane agurtinoonni daafira anino Shishaaqi angara sayise oommo'ne› yiino» yiinsa.

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

LAYINKI DUDUWO 21:10

Edoomi gosa hatte yannanni kayisse Yihudu gashshootira gara gibbu. Iyoraami akaakkansa Magano Kaaliiqa agurino daafira, Libina Katami mannino hajajama giwi.

ERMIYAASI 2:13

Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.

ERMIYAASI 2:19

Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.

YOONAASI 2:8

«Kaphu maganna hoode hadhannori baalu, ate hexxa agurtino.

MARRO 32:15

«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.

EJJEETTO 10:14

Martine doodhitinoonni magannara woxaratte. Qarru iillanno'ne yannara hanni gatissanna'ne afeemmona!» yiinsa.

EJJEETTO 2:12

Gibitsete gobbanni fushshinonsaha akaakkansa Magano Kaaliiqa agurtu. Qooxeessinsara heedhanno gosa maganna hoode hadhe magansidhanni Kaaliiqa hanqissu.

EJJEETTO 2:19

Albisu reyihu gedensaanni kayinni, mannu wole maganna magansi'ratenninna insara soqqamatenni annuwansanni roore bushino. Bunshe loosanna qoxxisama diagurino.