EJJEETTO 1:29 - Qullaawa Maxaafa

²⁹ Hattonni Efireemi ga're Gezeeri heedhanno Kana"aanoota fushshite huntinokki daafira, Kana"aanootu sammi yite ledonsa heedhu.

EJJEETTO 1:29 ပူးပေါင်းရင်းမြစ်များ

UMI MOOTOOLLA 9:15

Selemooni Qullaawa Minenna mootete mine minannoha, Yerusaalamete huxxa huxxannohanna katamaho soojjaatoonni noo boono taashshanno manna hajaji. Qoleno Hatsoori, Megidonna Gezeeri yinanni katamma mintannosi gede assi.

UMI MOOTOOLLA 9:16

Hakkunnira albaanni Gibitsete moote Feriooni ola fane, Gezeeri Katama giire hakkiicho heedhannore Kana"aanoota shee gudi. Hakkunni gedensaanni, beettosi Selemoonira uyi yannara Gezeeri Katama isera iqqa asse uyinose.

IYYAASU 10:33

Hatte yannara, Gezeeri moote Hooraami Lakiishi kaa'lara daye no. Kayinnilla, Iyyaasu isonna olantosi qeeli. Insa giddonnino, reyikkinni gatinohu mittu nafa dino.

IYYAASU 16:10

Kuri Efireemootu kayinni, Gezeeri heedhanno Kana"aanoota fushshite dihuntino. Kunnira, Kana"aanootu xaa geeshsha Efireemootu ledo heedhanno. Ikkollana, Efireemootaho borojje ikkite heedhanno.

EJJEETTO 1:28

Israeele jawaattu yannara, wolqate looso loosiisidhinota ikkinnina giddonsanni fushshite dihuntinonsa.

EJJEETTO 1:30

Zaabilooni ga'reno Qidirooninna Nahalali heedhanno Kana"aanoota giddonsanni fushshite dihuntino. Ikkollana wolqate looso loossanni heedhanno gede assitinonsa.