DAANIEELI 9:9 - Qullaawa Maxaafa

⁹ Mooticha Maganonke! Aye geeshshano gara gimbummohero, ati maarattohonna saonkeno agurattoho.

DAANIEELI 9:9 ပူးပေါင်းရင်းမြစ်များ

LAYINKI SAAMUEELI 24:14

Daawitino Gaadira, «Kuneeti ani addinta shetoommo. Ikkollana mannu angara eammontenni Kaaliiqi maarannoha ikkino daafira isi qorichishiero woyyate» yee dawari.

UMI MOOTOOLLA 8:30

Alba kunni Mini widira hinge huucci'neemmo yanna baalantera, anenna mannikki huuccatto macciishshi. Gordoho noottowa heedhe macciishshite, saonkeno agurinke.

NEHIMIYA 9:31

Qolteno ati mararattohanna maaratto Magano ikkoottohura, agurattonsaranna hunattonsara dihasi'rootto.

FAARSO 130:4

Kayinnilla ate waajjine hajajammeemmohe gede, maarattonkehu ateeti.

FAARSO 130:7

Israeele! Isi bagamannokki baxillihanna, manna gatisateno wo'manka woyite qixxaawa ikkinohura, Kaaliiqa addaxxi.

FAARSO 86:15

Mooticha'ya, ati maarattohanna mararattoho; hanqate muddamattokkiho; bagamannokkihu baxillikkinna halaalikki bati'raho.

FAARSO 86:5

Ati shaqqadohonna cubbono agurattohona, woshshidhannoherira baalaho bagamannokkiha baxillekki leellishattonsa.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

ISAYAASI 63:7

Kaaliiqi assinonkerira baalaho, Israeelete manna mararino mararrora, bati'ru hegere baxillisinna shaqqillisi daafira, Kaaliiqiha dancha loososinna galatasi duduweemmo.

ERMIYAASI 14:7

Bati'ru cubbinke hasanni noonkeha nafa ikkiro, su'mikkira yite gatisinke; lowo yanna atewiinni fanfe keeshshinoommo; ate aanano sao assinoommo.

HIZIQEELI 20:13

Ikkollana, halallitte gobbara heedhenni ane gibbinoe; agadhanno baalira heeshsho uyitannota hajajo'yanna seera'ya huntino. Fooliishshote Barrano batteessitino; hakkiicho halallitte gobbarano hanqo'ya leellishe hunammonsara kaoommo.

DAANIEELI 9:5

ninke bunshenkenninna haxawarrimmankenni cubbo loonse sao assinoommo; seerakkinna hajajokki gimboommo.

DAANIEELI 9:6

Mootoollankera, gashshaanonkera, akaakkankeranna gobbate aana noo manni baalaho su'mikkinni coyidhinori soqqamaanokki himanaano yitinore dimacciishshinoommo.

DAANIEELI 9:7

Mooticha'ya! Ati wo'manka woyite suwashsho coye assatto; ninke kayinni techo geeshsha uminke aana shollinye abbi'noommo; Yihudahonna Yerusaalamete heedhannori, mulenna xeertote noo gobba baalate billaallitanno gede assootto Israeelooti baalu aana daanno coyi konneeti. Kaimuno atera ammanama hoongoommo daafiraati.

DAANIEELI 9:8

Mooticha'ya! Cubbo loonsoommo daafira uminke, mootoollanke, gashshaanonkenna akaakkanke aana shollinye abbi'noommo.

YOONAASI 4:2

Kunnira, «Kaaliiqa, togo assattota ani balaxe gobba'yara hee're dicoyi'roommo? Atewiinni miliqe Terseesi ha'rate hedoommohuno kunniraati. Ati shaqqadonna maarattoha, hanqoho muddamattokkiha, bagamannokki baxilli wo'minohehanna hanqokkino agurte maaratto Magano ikkoottota afoommo.