DAANIEELI 9:5 - Qullaawa Maxaafa

⁵ ninke bunshenkenninna haxawarrimmankenni cubbo loonse sao assinoommo; seerakkinna hajajokki gimboommo.

DAANIEELI 9:5 ပူးပေါင်းရင်းမြစ်များ

LAYINKI MOOTOOLLA 18:12

Samaariyu uwinohu, Israeele Kaaliiqira hajajama gibbino daafiraati. Kaaliiqi insa ledo eino gondoorono diiggino. Soqqamaanchisi Muse widoonni qole uyino hajajono diwonshitino. Isi yiinota macciishshano hajajamano dihasidhino.

LAYINKI MOOTOOLLA 21:15

Togo asseemmohu akaakkansa Gibitsetenni fushshummohunni kayisse techo geeshsha cubbo loossanni ane hanqissinoe daafiraati» yiino.

IZIRA 9:6

«Magano'ya ballo, cubbinke uminkera iimaanni saino; saonkeno gordo iillitino. Magano'ya ballo, alira atewa hige la"ate nafa saalfatoommo.

FAARSO 106:6

Akaakkanke gede cubbo loonsoommo; bunshe assinoommo; cubbammoommo.

FAARSO 119:102

Rosiisaanchi'ya ate ikkoottohura, yookki lashshi diassoommo.

FAARSO 119:176

Ballehino ge'reewi gede raataawoommo; kayinnilla hajajokki hawoommokki daafira, ane soqqamaanchokki hasie.

FAARSO 18:21

Kaaliiqi seerano agadhoommo; bunshe loosate yee, Magani'yara badhe diwodhoommo.

ISAYAASI 53:6

Ninke wo'munku ge'reewu gede billaalline ba'noommo; baalunku umi uminke doogo hinge ha'noommo; Kaaliiqi kayinni ninke sao isi aana worino.

ISAYAASI 59:13

Atera maahoyye gimbe badhe wodhinoommo; ate hoodeno ha'ra agurroommo. Woloota gadadinse ateno agurre ha'noommo; hendeemmorinna coyi'neemmori baalu kaphohonna so'rote.

ISAYAASI 64:4

Bi're albinni kayisse hexxitannosirira togoo dhagge assinoha, ate gedee Magano affino illenna, macciishshitino macca horonta dino.

ERMIYAASI 14:20

Kaaliiqa, ninke ate aana sao assinoommo; kunnira, ninkehanna akaakkanke cubbo ifaaxxineemmo.

ERMIYAASI 14:7

Bati'ru cubbinke hasanni noonkeha nafa ikkiro, su'mikkira yite gatisinke; lowo yanna atewiinni fanfe keeshshinoommo; ate aanano sao assinoommo.

ERMIYAASI 3:25

Ninkenna akaakkanke ate agurre, cubbo loosankenni ate Maganonke Kaaliiqa dadillinsoommo; hajajokkino diwonshinoommo. Saalanke duqqine, shollinyenkeno imaanimma uddi'noommo» yitinanni.

ERMIYAASI 30:14

Jaalla'ne baala habbino'ne; ki'ne daafira haja dinonsa. Sao'ne batidhino daafiranna, cubbi'ne haammatino daafira, diinu gede asse gawajjoommo'ne; allaggichu gede asse qorichishoommo'ne.

ERMIYAASI 44:3

Kuni ikkinohuno, bunshe assatenni hanqissinoe daafiraati. Kaphu magannarano kakkaltino; insa ki'neno akaakka'neno egentinoonnikki maganna magansidhino.

ERMIYAASI QURTO 1:18

«Kaaliiqi halaalaanchoho; ani isira dihajajamoomma. Wo'mankawa heedhinoonni manni baalu macciishshe; anera iillino qarrano la'e. Ooso'ya seennunna labballu qafadante hadhino.

ERMIYAASI QURTO 1:20

Kaaliiqa'ya ballo, shetto'ya lai! Lubbo'ya dadillu giddo no. Cubbi'yanni kainohunni wodani'ya hiiqqamino. Doogga baalate manna shinanni; gallanni mini waalchira reyo no.

ERMIYAASI QURTO 3:42

«Cubbonna bunshe loonsoommo; atino cubbonke diaguroottonke.

HIZIQEELI 5:6

Yerusaalame kayinni, haxawarrite anera hajajama gibbe, qooxeessisera noo gosanni roore bushshino. Yerusaalame hajajo'ya mishshino; seera'yano wonsha gibbino.

HIZIQEELI 6:9

Kuni mannino hakko marino gobbara hee'ranno; hakko hee'ranno yannara ane qaaganno. Ani qorichishoommonsahunna shollishoommonsahu ammanantinokkire ikkitinohuranna ane agurte kaphu magannara soqqantino daafira ikkinota affanno. Assitino bunshenni kainohunni umonsa gibbanno.

DAANIEELI 9:11

Israeelootu baalunku seerakki diiggino; coyi'roottore baala macciishsha gibbino; ate aana sao assinoommohura soqqamaanchikki Muse seerira borreessinoonni rumo baala ninke aanira abbootto.

DAANIEELI 9:15

«Mooticha Maganonke! Kunni albaanni mannakki jawaata cigilekkinni Gibitsetenni fushshite su'makki techo geeshsha lowo mannira egennamanno gede assootto. Ninke kayinni cubbaataammanna sao assineemmore ikkinoommo.

DAANIEELI 9:9

Mooticha Maganonke! Aye geeshshano gara gimbummohero, ati maarattohonna saonkeno agurattoho.

HOOSEI 1:2

Kaaliiqi Hoosei widoonni qole mannisira qaalesi kula hanafi woyite Hooseira, «Manni'ya ane Kaaliiqiwiinni baxxe ceeggifachiishannoha foorrete looso loosanni no. Atino hadhe ammanantinokki mancho adhi; iseno ise gedeeta foora ooso iltohena» yiisi.

MILKIYAASI 3:7

Akaakka'ne warinni kayissine seeri'yawiinni xeertidhinoonni; diagadhitinoonni. Anewa higge; anino ki'newa higeemmona. Ki'ne kayinni, ‹Atewa hiitto ikkine hingeemmo?› yitinanni.

IBIRAAWOOTA 3:12

Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.