DAANIEELI 9:27 - Qullaawa Maxaafa

²⁷ Hakku albisi lowo manni ledo 7 diri geeshsha jawaata gondooro eanno; 7 dirinna daratu sa"anno woyite Maganoho uyinanni kakkalonna fushshaate hoolanno. Qullaawu Mini aana baote batte uurrisanno. Kuni ikkannohu Maganu hirqino garinni hakku albisi ba"anno yanna dagga geeshshaati» yii.

DAANIEELI 9:27 ပူးပေါင်းရင်းမြစ်များ

ISAYAASI 28:15

«Reyote ledo namoommoommo; jeennaatu ledo sumuu yinoommo; doga minenkeeti; kaphuno golonkeeti. Qoomamu daanno woyiteno dikisannonke» yitine boo'nitinoonni.

ISAYAASI 28:22

Olantote Mootichi Kaaliiqi gobba hunara kainota macciishshoommona haariimo agurre! Hakkunni ka'a kayinni kaajjado cagaage giddora e'inanni.

ISAYAASI 42:6

«Ani Kaaliiqi keeraanchimmatenni woshshoommohe; angakkino amadeemmohe; gosate gondooro, dagate xawaabba asseemmohe.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ERMIYAASI 7:30

Ki'ne Yihudu manni busha coye assitinoonni; ani giweemmota kaphu maganna abbitine wortine Qullaawa Mine'ya batteessitinoonni.

DAANIEELI 11:31

Olantosino Qullaawa Mine batteessitanno; barru baala shiqinshanni kakkalono hooltanno; baote batte uurrisidhanno.

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 12:11

«Barru barrunkunni shiqinshanni kakkalo gatteenna baote batte uurritanno gede assinanni yannanni kayise 1,290 barri sa"anno.

DAANIEELI 7:25

Wo'munkura Aliidi Magani aana boo'natenni coyi'ranno; qullaawa Wo'munkura Aliidi Magani manna qarrisanno. Amma'note ayyaannanna seera soorrara wo'naalanno. Insano 3 dironna darate isi anga galtanno.

DAANIEELI 8:13

Hakkunni gedensaanni mittu qullaawu sokkaasinchi wole sokkaasincho, «Kuni ajuujatenni leellanno coyi wo'mannohu mamooteeti? Bao abbitanno bunshenna wo'ma woyite kakkallanni darga amade keeshshannohu mageeshshi geeshshaati? Qullaawu Mininna gordu olanto kakkadantanni keeshshitanno gede Maganu wore la"annohu mamooti geeshshaati?» yee xa'manna afoommo.

HOOSEI 3:4

Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

MAATEWOOSI 24:15

Yesuusi lede, «Himanaanchu Daanieeli coyi'rinonte gede, baote batte qullaawa darga uurrite noota affinanni woyite, nabbawannohu wodancho.

MAATEWOOSI 26:28

Tini lowo manni cubbo agursiisate du'nantannoti haaru gondoori mundee'yaati.

MAATEWOOSI 27:51

Hatte yannara, Qullaawu Mini dukko alinni eeli geeshsha dadhante lamewa fultu. Uullano milli yitu; kinnano daddadhantu.

MAARQOOSI 13:14

«Baote batte hee'ra hasiissannokki darga noota affinanni woyite, nabbawannohu wodancho. Hakka woyite Yihudu gobbara noohu ilaallate widira hige xooqo.

LUQAASI 21:20

Yesuusi lede, «Yerusaalame diinu gaaddo doyissite amadde noota affinanni woyite, ba"ate mule noota huwatte.

LUQAASI 21:24

Insa giddonni lowo manna bagadu shaanno; woloota qafande addi addi gobba haa'ne ha'nanni. Dagate yanna sa'a geeshsha Yerusaalame daga kadde gashshitanno» yii.

ROOMU SOKKA 11:26

Israeele baala gattannohu kunni garinniiti. Kunnira, «Gatisaanchu Tsiyooninni daanno; Yaiqoobi sirchiwiinni cubbo hunanno.

ROOMU SOKKA 5:15

Maganu elto kayinni mannu cubbi gedeeta di"ikkitino. Mittu manchi cubbinni lowo manni reyannoha ikkiro, Maganu eltonna afanshi mittu manchi Yesuusi Kiristoosi elto widoonni lowo mannira bati're aamamanno.

ROOMU SOKKA 5:19

Mittu manchi Addaami hajajama giweenna lowo manni cubbaataamo ikkinte gede, Kiristoosi hajajamanni lowo manni keeraa'manno.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.