DAANIEELI 9:23 - Qullaawa Maxaafa

²³ Huucci'ra hanaffanni heedheennanni Maganu huuccattokki macciishshinohe. Isi baxinohe daafira huuccattokki dawaro kulammohera dayommo. Kunnira kuleemmohe coye macciishshite ajuujate tiro buuxi.

DAANIEELI 9:23 ပူးပေါင်းရင်းမြစ်များ

LAYINKI MOOTOOLLA 19:20

Hakkunni gedensaanni Isayaasi moote Hiziqiyaasira, «Israeelete Magani Kaaliiqi, ‹Asoori moote Senaakireemi seyateennahe huucci'rootto huuccatto macciishshoommo.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

FAARSO ROORE FAARSO 7:10

Ani baxillaanchi'yate; isino ane halchanno.

HIZIQEELI 14:14

Nohi, Daanieelinna Iyyoobi giddonsa heedhuro nafa, keeraanchimmansa insa umonsalla gatissannota ikkinnina wole digatissanno. Konne coye coyi'roommohu ani Mootichu Kaaliiqaati.

HIZIQEELI 24:16

«Koo manchi beetto, baxattotinna ille worte la"attoti galtekki qoomante hedeweelcho reyitannona, hururante wi'litooti; hindiiddono fushshidhooti.

HIZIQEELI 26:12

Diinnakki jirokkinna daddalu uduunnekki saantanno; kinchu huxxuwakkinna biifadda minnakki baala diigganno. Kinna, haqqenna diigammore baala massite baaru giddo huntanno.

DAANIEELI 10:1

Faarisi moote Qiroosi moohihunni sayikki diro, Bilxaasoori yinannihu Daanieeli wole ajuuja afi. Kulloonnisi coyi halaalehona, kayinnilla giddo olu duduwo amadino; tirono ajuujatenni afino.

DAANIEELI 10:19

Isino, «Ate Maganu baxannohena, waajjitooti! Jawaati! Kaajji!» yiinoe. Isi coyi'ri yannara jawaante lexxe, «Mooticha'ya, jawaante oottoena yaattore ledde kulie» yoommosi.

DAANIEELI 6:3

Daanieeli afi'rinotenni addi guuntenni woloota roorinota loosisinni leellishi. Kunnira moote gashshootisi baalu aana roorricha asse worasira hedi.

MAATEWOOSI 24:15

Yesuusi lede, «Himanaanchu Daanieeli coyi'rinonte gede, baote batte qullaawa darga uurrite noota affinanni woyite, nabbawannohu wodancho.

LUQAASI 1:28

Sokkaasinchu isewa daye, «Ati elto wo'mitinoheti, keeru ledokki hee'ro! Maganu ate ledo no. [Ati meentu mereero maassamoottate]» yiise.