DAANIEELI 9:20 - Qullaawa Maxaafa

²⁰ Umi'yahanna gosa'ya Israeelete cubbo aagintaawanni, Qullaawa Mine gatamaranno gede Kaaliiqa Magano'ya lede huucci'roommo.

DAANIEELI 9:20 ပူးပေါင်းရင်းမြစ်များ

IZIRA 10:1

Izira Maganu Minira albaanni uwe huucci'ranni, ifaaxxanninna wi'lanni hee'reenna, labballu, meentunna ooso, lowo geeshsha bati'ru Israeelete manni iso gaangeesse hururame wi'li.

NEHIMIYA 1:6

Magano, soqqamaanokki Israeelete manni gato daafira hashshanna barra huucci'reemmota huuccatto'ya macciishshie. Ninke Israeelete manni, ani umi'yanna annuwa'ya loonsoommo cubbono ifaaxxeemmo.

FAARSO 145:18

Kaaliiqi woshshidhannosirira, woy taxidhe woshshidhannorira baalaho mule no.

FAARSO 32:5

Hakkunni gedensaanni, cubbo'ya atera egensiisate murci'roommo; huna'yano dimaaxoommo; atera sao'ya kuloommo; atino cubbo'ya baala aguroottoe.

ROSIISAANCHO 7:20

Mitte so'rono assikkinni, wo'manka woyite dancha looso calla loosannohu baattote aana mittuno dino.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

ISAYAASI 58:9

Kunni garinni heedhine huuccidhiniero, anino huuccatto'ne macciishsheemmo. Kaa'lo hasidhine raartinanni woyite, raare'ne hidheemmo. «Gadadisa'ne agurtiniro, manna arrassanna bunshe coyi'ra uurrissiniro,

ISAYAASI 6:5

Anino, «Suume battaabbinoehu suume battaawino manni ledo hee're Moote Olantote Mooticha Kaaliiqa ille'yanni afoommona baoommo! Ane hunsha!» yoommo.

ISAYAASI 65:24

Woshshidhukkinni yee yeemmonsa; huuccidhe guddukkinni qoleemmonsa.

DAANIEELI 10:12

Ledeno, «Daanieeli! Waajjitooti. Wodancha afi'ratto gede umokki Maganikki albaanni shollishate murci'ritto barrinni kayisse huuccattokki macciishshantino. Ani soqqame atewa dayommohuno huuccattokkira dawaro higginohuraati.

DAANIEELI 10:2

Hatte yannara ani Daanieeli 3 lamala wo'ma dadillanni keeshshoommo.

DAANIEELI 11:45

Mediteraaniyu Baarinna biifadu Tsiyooni Ilaali mereero jajjabba mootete dukkanna uurrisanno. Kuni baalu ikke hee'reenna isi umisi ba"anno; kaa'lannosihuno dihee'ranno» yii.

DAANIEELI 9:16

Mooticha'ya! Kunni albaanni wonqonke ikkite assoottoha dancha coye qaagge eeggatena hanqokkinna aarakki qullaawu ilaali aana noohu katamikki Yerusaalamete aaninni hooli. Ninkenna akaakkanke assitino saonni kainohunni Yerusaalamenna mannikki wole gosa oso'litannoha ikkino.

ZAKKAARIYAASI 8:3

Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.

SOQQAMAASINETE LOOSO 4:31

Huuccidhe ka'uta, gamba yite noo dargi shashshafami. Baalunkura Qullaawu Ayyaani wo'meennansa Maganu qaale waajjitukkinni kultu.

ROOMU SOKKA 3:23

Mayira yiniro, mannu baalu cubbo loosino; Maganu uyino ayirrinyeno hoogino.

YAIQOOBI 3:2

Ninke baalunku wo'manka woyite so'neemmo; arrawosi eemadhannohu, isonoo qee'linoho; guuta manchooti.

YOHAANNIS AJUUJA 21:10

Isi Ayyaanunni seeda lowo ilaala haa're masse"e, qullaawu katami Yerusaalame gordunni Maganuwiinni dirritanna leellishie.

YOHAANNIS AJUUJA 21:2

Qullaawu katami haaro Yerusaalame, adhannosehura seesse qixxaabbino seemo gede ikkite gordunni Maganuwiinni dirritanna afummo.