DAANIEELI 9:2 - Qullaawa Maxaafa

² Moohihunni umi diro ani Daanieeli qullaawa maxaaffa la"anni hee're, Kaaliiqi himanaanchu Ermiyaasira kulino garinni Yerusaalame diigante keeshshitannohure 70 dirire hedoommo.

DAANIEELI 9:2 ပူးပေါင်းရင်းမြစ်များ

LAYINKI DUDUWO 36:21

Kaaliiqi himanaanchu Ermiyaasi widoonni qole coyi'rino garinni, Fooliishshote Barra ayirrisa gibbino daafira baatto 70 diro hoxxe ikkite, fooliishshidhanno yanna afidhanno.

IZIRA 1:1

Himanaanchu Ermiyaasi widoonni qole coyi'rino himani wo'manno gede Kaaliiqi Faarisi moote Qiroosi kakkayisi. Kunni garinni gashshootisi giddo noo manni baalu, isi borreessinanni gede assino lallawa nabbawanno gede soyi.

FAARSO 119:24

Hajajokki hagiirsiissannoe; amaaltannoetino iseeti.

ISAYAASI 64:10

Qullaawa katammakki mulla darga ikkitino; Yerusaalameno ona ikkitino.

ERMIYAASI 1:1

Kuni maxaafi, Biiniyaami ga're iqqi giddo Anatooti yinanni qachira heedhanno qeesooti giddonni mittu Hiliqiya beetti Ermiyaasi kulino sokka amadinoho.

ERMIYAASI 25:18

Yerusaalametenna Yihudu katamma manni, mootoollanna ledonsa gashshaano kunni finiinchinni agganno gede assinoonni. Kunninni kainohunni, tini gobba la"ate lowo geeshsha waajjishshannota mullicho, xononnitanna rumonnita ikkitanno. Techo geeshshano hatto yine woshshinanni.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI 26:6

Yoommota ikkitinannikkiha ikkiro, konne mine Seelo assummo gede asseenna konne katamano baattote aana noo gosa baala rumonniha assite kiirtanno» yii.

ERMIYAASI 27:7

Gobbasi wolu angara sa'a geeshsha gosa: Isi, beettisinna beettisi beetti anga galtanno. Hakkunni gedensaanni gosasi wolqaataame daganna jajjabba mootoolla angara higganno.

ERMIYAASI 29:10

Kaaliiqi, «Baabilooni heedhinannihu 70 diri goofanno waro, alba higeemmo'ne. Oommo'ne hexxo garinnino galagalche qae'ne qoleemmo'ne.

ERMIYAASI 7:34

Baatto mulla ikkitanno Yerusaalamete dooggaranna Yihudu Katamma baalate hagiirrenna qeexaala, adhatenna adhamate ililleette dimacciishshinanni» yii.

ERMIYAASI QURTO 1:1

Mannu wo'me hee'rannoti Yerusaalame, hiitto fano gattu! Gobba gosa ayirrisseenna heedhinoti, galte shiidhino mancho gede hiitto callase gattu! Katammate giddo mootitte ikkite heedhinoti, kuneeti borojjicho ikkitino.

HIZIQEELI 29:11

Mannuno saadano hakkiicho heleqqi diyitanno; 40 diri geeshsha hakkiicho mitturino dihee'ranno.

DAANIEELI 9:3

Xiddu uddano uddi're, buluulu aana ofolle, ita aga agure, Mooticha Magano eegame huucci'rummo.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

ZAKKAARIYAASI 1:12

Sokkaasinchuno, «Olantote Mooticha Kaaliiqa'ya! Yerusaalametenna Yihudu katamma baalantera hanqittonkunni kuneeti xa 70 dirooti; maarattonsara kunni ka'a mageeshshi yanna gattino?» yee xa'mi.

ZAKKAARIYAASI 7:5

«Saihu 70 diri giddo diru eihunni ontikkinna lamalki aganira ittukkinni galte hossanni wi'litinohu ane ayirrasate ikkinokkita mannahonna qeesootaho kulinsa;

MAATEWOOSI 24:15

Yesuusi lede, «Himanaanchu Daanieeli coyi'rinonte gede, baote batte qullaawa darga uurrite noota affinanni woyite, nabbawannohu wodancho.

MAARQOOSI 13:14

«Baote batte hee'ra hasiissannokki darga noota affinanni woyite, nabbawannohu wodancho. Hakka woyite Yihudu gobbara noohu ilaallate widira hige xooqo.

SOQQAMAASINETE LOOSO 8:34

Manchu Filiphoosira, «Himanaanchu konne coye aye daafira coyi'rino? Umisireetinso wolunnireeti? Hanni ballo kulie» yii.

UMI XIMOOTEWOOSI 4:13

Ani daammo geeshsha qullaawa maxaaffa mannaho nabbawate, kulatenna rosiisate jawaati.

YOHAANNIS AJUUJA 1:3

Kuni coyi baalu muli yanna giddo ikkanno daafira, konne himanu qaale nabbawannohu ba'raa'rinoho; konne qaale macciishshitannorinna kunni maxaafi giddo borreessinoonniha wonshitannori ba'raadhinoreeti.