DAANIEELI 9:19 - Qullaawa Maxaafa

¹⁹ Mooticha'ya! Maccakki ninke widira qoli; maarinke; macciishshinke. Kuni kataminna kuni manni atehona, keeshshittokkinni su'mikkira yite mitto coye assinke» yee huucci'roommo.

DAANIEELI 9:19 ပူးပေါင်းရင်းမြစ်များ

LAYINKI DUDUWO 6:21

Ani soqqamaanchikkinna mannikki Israeeleno alba kunni mini widira hinge huucci'neemmo huuccatto macciishshinke. Gordoho noottowa heedhe macciishshite, saonkeno agurinke.

LAYINKI DUDUWO 6:39

iima gordoho heedhe huuccattonsa macciishshite mararinsa. Mannikki cubbo baala aguri.

ISAYAASI 43:7

Insa su'mi'yanni woshshantinoreetinna ayirrinyi'yara kalaqi'roommoreeti; anga'yanni seekki'roommo mannaati» yii.

ERMIYAASI 14:7

Bati'ru cubbinke hasanni noonkeha nafa ikkiro, su'mikkira yite gatisinke; lowo yanna atewiinni fanfe keeshshinoommo; ate aanano sao assinoommo.

ERMIYAASI 14:9

Gara hawino manchi gedenna, kaa'lara dandaannokki olamaanchi gede mayira ikkitto? Kaaliiqa! Ati ledonke noottona, ninkeno mannakkiitina agurtootinke.

ERMIYAASI 25:29

Kune ani guda hanafeemmohu ane kataminni kayiseeti. Qorichishantinikkinni gattinanniha lawino'ne? Baattote aana noo baalira bagado kayiseemmo. Konne coye coyi'roommohu ane Kaaliiqaati» yii.

HIZIQEELI 20:14

Ikkollana, Israeele Gibitsete gobbanni haa're fushshannansa lai manni albaanni su'mi'ya arrassamannota giwoommo daafira hatto diassoommo.

HIZIQEELI 20:22

Ikkollana, Israeele Gibitsetenni fushsha'ya affino gosa su'ma'ya arrassitara hasi'roommokkihura, anenee hooloommo.

HIZIQEELI 20:9

Ikkollana, ledonsa hee'rannohu wole gobba manni afanna Gibitsetenni fushshammonsara xaaroommo daafiranna su'mi'ya arrassamara hasi'roommokkihura hatto diassoommo.

HIZIQEELI 36:22

«Xa kune ani Mootichu Kaaliiqi insara yeemmore baala kulinsa. Kunni ka'a asseemmore, martini gobba baalate xonsiissinoonnihu qullaawu su'mi'ya daafira yee asseemmo ikkinnina ki'ne Israeelete daafira yee di"ikkino.

HIZIQEELI 39:25

Mootichu Kaaliiqi, «Xa kayinni Yaiqoobi sircho ikkitinore Israeelete manna marareemmonsa; galagaleno duroonseemmonsa. Qullaawu su'mi'yano xonamannokki gede assi'reemmo.

DAANIEELI 9:18

Magano'ya! Eeggatena kawa higge huuccattonke macciishshi! Shettonkenna su'mikkinni woshshamanno katamira iillitino bao baala lai. Atewa hinge huucci'neemmohu ati shaqqado ikkootto daafiraati ikkinnina danchummanke hexxine di"ikkino.

AMOOTSI 7:2

Kanchafaru baattote aana fulinoricho baala sholoole itanna afe, «Mooticha Kaaliiqa'ya! Eeggatena mannikki sao aguri. Mannikki Israeele shiima ikkitino daafira hiitto ikkite gata dandiitanno?» yee huucci'roommo.

KIIRO 14:19

Gibitsetenni fultu warinni kayisse, xaa geeshsha saonsa agurittonsante gede xaano jawa maarokkinni kunni manni cubbo agurattora huucci'reemmohe» yii.

KIIRO 6:27

Qoleno Kaaliiqi, «Kunni garinni insa Israeele ane su'minni maassidhuro, anino maassi'reemmo» yii.

LUQAASI 11:8

Jaaloomisi daafira yee kae aa hoogiro nafa, qarrisinosi daafira kae hasi'rannore baala aannosi.

SOQQAMAASINETE LOOSO 15:17

Hatto asseemmohuno, gatino manninna, su'mi'yanni woshshantino daga baala, Mooticha hasidhanno gedeeti.

EFESOONI SOKKA 1:12

Kuni ikkinohu, balanxe Kiristoosa hexxinoommori ninke, Maganu ayirrinye galatunni leellinsheemmo gedeeti.

EFESOONI SOKKA 1:6

Baxannoha Beettosi calla uyinonketera ayirrado eltosi daafira Magano galanto!

EFESOONI SOKKA 3:10

Kuni ikkannohu, gordu gobba gashshaanonna roorrootu beetekiristaanete widoonni addi addi danita Maganu egenno affanno gedeeti.