DAANIEELI 9:13 - Qullaawa Maxaafa

¹³ Muse seerira borreessinoonni garinni konne baala qoricha ninke aana abbootto. Kaaliiqa Maganonke! Kuni baalu ikke hee'reenna cubbinkenni higatenna halaalu hoode ha'rate maarokki daafira ate dihuucci'noommo.

DAANIEELI 9:13 ပူးပေါင်းရင်းမြစ်များ

LAYINKI MOOTOOLLA 22:16

‹Ani Israeelete Magani Kaaliiqi Yihudu mootera nabbambi maxaafi giddo borreessinoonni garinni Yerusaalamenna giddose noo manna baala qorichisheemmo.

IYYOOBI 36:13

«Maganiweelu mannira kayinni, wodanaho hanqu dihooganno; ganannonsa woyite nafa, kaa'lansara dihasidhanno.

FAARSO 119:18

Seerikki giddo nooha dhaggete halaale laeemmo gede, ille'ya fanie.

FAARSO 119:27

Wogakki wodancheemmo gede kaa'lie; anino dhaggenniha loosokki marro hige hedeemmo.

FAARSO 119:73

Kalaqoottoehunna seekkoottoehu ateeti; hajajokki roseemmo gede wodancha uyie.

FAARSO 85:4

Magano gatisaanchonke ballo, haaroonsinke; hanqokkino aaninkenni badhara qoli.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 42:9

Kune ani balaxe coyi'roommo coyi wo'mino; xa qole albillittete ikkara noore balaxe kuleemmo'ne» yii.

ISAYAASI 43:22

Kaaliiqi, «Ki'ne Yaiqoobi sirchi Israeele, ane su'ma gana agurtinoonni; ane magansi'ra cee'mitinoonni.

ISAYAASI 64:6

Ninke baalunku cubbunni battaamboommo; keeraanchimmankeno xure fii'noonni hoccooti. Cubbinke batinyinni kainohunni moolle, diilallo giggishshitino daro gede ikkinoommo.

ISAYAASI 64:7

Cubbinkenni kainohunni alba go'loottonkehuranna, facci assite aguroottonke daafira, su'makki ganannohunna, ate hasi'rannohu dino.

ISAYAASI 9:13

Qorichisheennansano Israeelete manni diaagintaawino; Olantote Mooticha Kaaliiqano dihasi'rino.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 30:14

Jaalla'ne baala habbino'ne; ki'ne daafira haja dinonsa. Sao'ne batidhino daafiranna, cubbi'ne haammatino daafira, diinu gede asse gawajjoommo'ne; allaggichu gede asse qorichishoommo'ne.

ERMIYAASI 31:18

«Efireemi, ‹Kaaliiqa! Ninke leenjinshoonnikki booti gedeereeti; ati kayinni hajajammeemmo gede seejjoottonke. Ati Kaaliiqi Maganonke ikkootto daafira, atewa qolinke, ninkeno hingeemmona.

ERMIYAASI 44:23

Tini bao iillitino'nehu wole magannara kakkaltinoonnihuraatinna Kaaliiqi aana sao assitine seerasi, wogasinna wodhosi gibbinoonnihuraati» yoommonsa.

ERMIYAASI 44:27

Kune, ani ki'ne bushu albinni ikkinnina danchummatenni dilaeemmo'ne. Gibitsete baattora heedhinoonniri giddonni mittu nafa gattinikkinni bagadunna hude guddanno'ne.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

ERMIYAASI QURTO 5:21

Kaaliiqa! Atewa qolinke; ninkeno hingeemmona, atewa qolinke; albi ayirrinyeno qolte haaroonsinke.

HIZIQEELI 16:43

Anjekki yannara assoommohere baala hawootta; kunni assootta coyi baalunni hanqisoottae. Kunnira, anino battennihu cubbikki deerrinni qorichisheemmohe. Tiyyi'nanni coyi assoottahu baalu aana, foorre mayira leditta? Konne coye coyi'reemmohu ani Mootichu Kaaliiqaati» yii.

DAANIEELI 9:11

Israeelootu baalunku seerakki diiggino; coyi'roottore baala macciishsha gibbino; ate aana sao assinoommohura soqqamaanchikki Muse seerira borreessinoonni rumo baala ninke aanira abbootto.

HOOSEI 7:10

Israeelete mannira uminsa adawarshi naqqasanno. Kuni baalu ikke hee'reennanni ane Kaaliiqi Maganinsawa dihiggino; horontanni dihasidhinoe.

HOOSEI 7:14

Daallasinsa aana haabbe raartannota ikkinnina wodaninsanni anewa higge dihuuccidhanno. Gidenna woyinete xajje afidhara kayinni dagate gede bisonsa huduuxxitanni huuccidhanno; ane aanano mokkookkitanno.

HOOSEI 7:7

«Baalunku hanqunni giirate booso gede iibbite gashshaanonsa ittu; mootoollansano bado badontenni huntu. Kuni baalunku ikkanna, insa giddonni mittu nafa ane woshshi'rinohu dino» yii.

LUQAASI 24:45

Hakkunni gedensaanni Qullaawa Borro wodanchitanno gede wodanansa fane,

YOHAANNISI 10:35

Qullaawu qaali wo'manka woyite halaale ikkinota anfoonni. Maganu qaalisi dayinonsare magannate yiiro,

YOHAANNISI 6:45

Himanaanote maxaaffa giddo, ‹Mannu baalu Maganuwiinni rosanno› yine borreessinoonni. Kunnira, Anni'yawiinni macciishshe rosinohu baalu anewa daanno.

YOHAANNISI 8:32

Halaale affinanni; halaaluno borojjimmatenni fushshanno'ne» yiinsa.

EFESOONI SOKKA 4:21

Addinta Yesuusire macciishshitinoonni; isire ikka'nenni giddosi noo halaale rossinoonni.

MARRO 29:4

Ikkollana, techo geeshsha Kaaliiqi wodanchitinannire diassino'ne.

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.