DAANIEELI 9:12 - Qullaawa Maxaafa

¹² Ninkenna albisootinke aana jawa qoomama abbattora coyi'rootto coye wonshootto. Kunnira Yerusaalamete iillino geeshshi qorichi wole mitte gobbarano di"iillino.

DAANIEELI 9:12 ပူးပေါင်းရင်းမြစ်များ

UMI MOOTOOLLA 3:9

Kunnira, bushanna dancha bade afe, mannakki halaalunninna taalotenni gashsheemmo gede egenno uyie. Hakkunni ka'a konne bati'ra mannakki hiitto asse gashsheemmo?» yii.

LAYINKI MOOTOOLLA 22:16

‹Ani Israeelete Magani Kaaliiqi Yihudu mootera nabbambi maxaafi giddo borreessinoonni garinni Yerusaalamenna giddose noo manna baala qorichisheemmo.

IYYOOBI 12:17

Isi gashshaanote egenno hunanno; sooreeyyeno gowwoota assanno.

FAARSO 148:11

Mootenna mannu baalu, daanyuwanna gashshaano baalu galattesi.

FAARSO 2:10

Xaano ki'ne mootoolla, wodana asse; ki'ne gobba gashshitinoonniri qorophe.

LAWISHSHA 8:16

Halaalaano gashshaano baala, anenni gashshitanno.

ISAYAASI 43:28

Kunnira Qullaawu Mini roorrootita battensa reqecci asseemmo; Israeele Yaiqoobi sirchi shollanno gedenna, gudisame goofanno gede assoommo» yii.

ISAYAASI 44:26

Soqqamaano'ya yitinori wo'manno gede, himanaano'ya coyidhinorino halaale ikkanno gede asseemmo. Insa, ‹Yerusaalame lowo manni hee'ranno katama ikkitanno; Yihudu katammano gatamarantanno; diigantino minnano galagalte minantanno› yite coyidhino coye wonsheemmo.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

ERMIYAASI 32:23

Insa kayinni dagge tenne baatto ragidhuhu gedensaanni, atera hajajamanna seerakki agadha gibbino. Hajajoottonsareno diwonshitino; konne busha coye baala abboottonsahu kunni daafiraati.

ERMIYAASI 39:16

«Marte Itiyophiyicha Ebedimeleki, Israeelete Magani Olantote Mootichi Kaaliiqi, coyi'roommonte gede kunni katamira bao ikkinnina ba'raa'ra diabbeemmo; kuni coyi ikkanna ati illekkinni la"atto.

ERMIYAASI 44:23

Tini bao iillitino'nehu wole magannara kakkaltinoonnihuraatinna Kaaliiqi aana sao assitine seerasi, wogasinna wodhosi gibbinoonnihuraati» yoommonsa.

ERMIYAASI QURTO 1:12

Muleseenni hige sa"annohura baalaho, «Kawa higgine ane la'e! Kaaliiqi hanqi buwi yannara, anera iillino qarri geeshshihu amadinosi manchi horonta dino.

ERMIYAASI QURTO 2:13

Yerusaalame! Baxamootta Yerusaalame! Kunni ka'a mayeemmo? Hiitto asse sheshifachisheemmohe? Togo shetinohu horonta wolu dino; dagginohe bao lowo baari gede dannu dinoote; hexxo assi'rattari mitturino dino.

ERMIYAASI QURTO 2:17

Kaaliiqi hedinore baala assino; alba balaxe coyi'rino garinni, kune mararro nookkiha diigino. Diinu hagiidhanno gede assinohe; diinikkira wolqa ledino.

ERMIYAASI QURTO 4:6

Manni'yara iillino qorichi, kaa'lote anga diriirsannohu nookkiha, hedeweelcho Kaaliiqiwiinni dirrinohu, Soddoomu qorichinni rooreho.

HIZIQEELI 13:6

Ajuujansa dharaho; himaninsano kaphoho. Ani kuloommonsahu gede assite himana coyidhanno; ani kayinni disoommonsa. Hatti hakko heedheennanni yitinori wo'mannohu gede assite heddanno.

HIZIQEELI 5:9

Giweemmo coye baala assitinoonni daafira, kunni albaanni asse egennoommokkinna, kunni ka'ano asseemmokki garinni qorichisheemmo'ne.

DAANIEELI 12:1

Shaalado seesallitte uddano uddi'rino sokkaasinchi, «Mannakki agarannohu jawu sokkaasinchi Mikaaeeli hatte yannara leellanno. Mannu kalaqantunkunni ikke egenninokkihu lowo qarri ikkanno. Su'mansa Maganu maxaafira borreessinoonnihu gobbakki manni kayinni hatte yannara gatanno.

IYUEELI 2:2

Hakku barri tunsichunna limixete barraati; gomichunna dhi'mote tunsichi barraati. Lowotinna jawaata bagadaano, soodimari tunsichi gede ikkite ilaalla guggushshitanno. Bi're hundinni kayise hattoo coyi ikke diegennino; hakkunni gedensaannino dihee'ranno.

AMOOTSI 3:2

Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

ZAKKAARIYAASI 1:6

Soqqamaano'ya ikkitino himanaano widoonni qole akaakka'nera hajajonna qorophishiishsha oommonsa; insa kayinni lashshi assitino daafira, shettote qarri amadinonsa; hakkunni gedensaanni aagintaabbe, ‹Olantote Mootichi Kaaliiqi qaafonkenna loosinke garinni, ninkera malino qoricha isi hedinoha uyinonketa huwantoommo› yitino» yii.

ZAKKAARIYAASI 1:8

Mittu sokkaasinchi duumo farashsho gulufe nooha afoommo; isino lagichu giddo uddote haqqe mereero uurre no; isira badheenni duumu, hamarunna waajju faradi uurre no.

ZAKKAARIYAASI 7:12

wodana jaamu kinchi gede kaajjishino; ani Olantote Mootichi Kaaliiqi, albi himanaano widoonni qole Ayyaani'yanni oommonsa Seeranna qaale'ya baalanka macciishsha giwinohura, lowo geeshsha hanqoommo.

MAATEWOOSI 24:21

Hatte yannara kalaqamunni kayise xaa geeshsha ikke egenninokkihu gedensaannino ikkannokkihu lowo qarri daanno.

MAATEWOOSI 5:18

Halaale kuleemmo'ne; gordunna baatto sa'a geeshsha seeru baalu wo'manno ikkinnina, Seeru giddonni shiima fidale woy bicamme diba'anno.

MAARQOOSI 13:19

Hatte yannara kalaqamunni kayise, xaa geeshsha ikke egenninokki qarri daanno. Hakkunni gedensaannino hattoo qarri di"iillanno.

LUQAASI 21:22

Borreessine worroonni himani wo'manno gede, hatti qorichu yannaati.

ROOMU SOKKA 15:8

Hatto yaa'ya, akaakkate uyinoonni hexxo wo'mitanno gedenna Maganu ammanaminoha ikkinota leellishate Kiristoosi Ayihudete soqqamaancho ikkino yaate.