DAANIEELI 9:11 - Qullaawa Maxaafa

¹¹ Israeelootu baalunku seerakki diiggino; coyi'roottore baala macciishsha gibbino; ate aana sao assinoommohura soqqamaanchikki Muse seerira borreessinoonni rumo baala ninke aanira abbootto.

DAANIEELI 9:11 ပူးပေါင်းရင်းမြစ်များ

LAYINKI MOOTOOLLA 18:12

Samaariyu uwinohu, Israeele Kaaliiqira hajajama gibbino daafiraati. Kaaliiqi insa ledo eino gondoorono diiggino. Soqqamaanchisi Muse widoonni qole uyino hajajono diwonshitino. Isi yiinota macciishshano hajajamano dihasidhino.

LAYINKI MOOTOOLLA 22:16

‹Ani Israeelete Magani Kaaliiqi Yihudu mootera nabbambi maxaafi giddo borreessinoonni garinni Yerusaalamenna giddose noo manna baala qorichisheemmo.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ISAYAASI 43:28

Kunnira Qullaawu Mini roorrootita battensa reqecci asseemmo; Israeele Yaiqoobi sirchi shollanno gedenna, gudisame goofanno gede assoommo» yii.

ERMIYAASI 16:11

Atino, ‹Kaaliiqi akaakka'ne anera badhe wodhite kaphu maganna magansidhanni insara soqqantino; aneno agurtino; seera'yano diagadhitino.

ERMIYAASI 2:29

Kaaliiqi lede Israeelete, «Ane ledo mayira yekkeerantini? Baalunku anera gara gibbinoonnie.

ERMIYAASI 30:14

Jaalla'ne baala habbino'ne; ki'ne daafira haja dinonsa. Sao'ne batidhino daafiranna, cubbi'ne haammatino daafira, diinu gede asse gawajjoommo'ne; allaggichu gede asse qorichishoommo'ne.

ERMIYAASI 32:23

Insa kayinni dagge tenne baatto ragidhuhu gedensaanni, atera hajajamanna seerakki agadha gibbino. Hajajoottonsareno diwonshitino; konne busha coye baala abboottonsahu kunni daafiraati.

ERMIYAASI 40:3

asseemmo yiinore baala kune wonshino. Kuni coyi ikkinohuno manni'ne cubbo loosinohuranna Kaaliiqira hajajama giwino daafiraati.

ERMIYAASI 44:22

Kaaliiqi assitinoonni bunshe baala lae sammi yaa didandiino. Isenkura baatto'ne mannu hee'rannokkita ona ikkitino. Baatto'ne shagaggi'nannitanna su'mi'neno rumonniha ikkinohu kunniraati.

ERMIYAASI 44:23

Tini bao iillitino'nehu wole magannara kakkaltinoonnihuraatinna Kaaliiqi aana sao assitine seerasi, wogasinna wodhosi gibbinoonnihuraati» yoommonsa.

ERMIYAASI 6:19

Baatto macciishshi! Manni'ya ane mishinoe; hajajo'yano agadha giwino. Busha coye assate ma'lino; xa hatti heddino bunshe insara dagganno.

DAANIEELI 9:13

Muse seerira borreessinoonni garinni konne baala qoricha ninke aana abbootto. Kaaliiqa Maganonke! Kuni baalu ikke hee'reenna cubbinkenni higatenna halaalu hoode ha'rate maarokki daafira ate dihuucci'noommo.

DAANIEELI 9:5

ninke bunshenkenninna haxawarrimmankenni cubbo loonse sao assinoommo; seerakkinna hajajokki gimboommo.

ZAKKAARIYAASI 1:6

Soqqamaano'ya ikkitino himanaano widoonni qole akaakka'nera hajajonna qorophishiishsha oommonsa; insa kayinni lashshi assitino daafira, shettote qarri amadinonsa; hakkunni gedensaanni aagintaabbe, ‹Olantote Mootichi Kaaliiqi qaafonkenna loosinke garinni, ninkera malino qoricha isi hedinoha uyinonketa huwantoommo› yitino» yii.

ZAKKAARIYAASI 7:12

wodana jaamu kinchi gede kaajjishino; ani Olantote Mootichi Kaaliiqi, albi himanaano widoonni qole Ayyaani'yanni oommonsa Seeranna qaale'ya baalanka macciishsha giwinohura, lowo geeshsha hanqoommo.

ZAKKAARIYAASI 8:13

Ki'ne Yihudunna Israeelete manna, kunni albaanni wole daga mimmitonsa, ‹Yihudunna Israeelete iillitino rumo amaddo'ne› yitanni runtanno. Xa kayinni ani gatiseemmo'ne daafira, galagalte mimmitonsa, ‹Yihudahonna Israeelete iillitino maasso iillito'ne› yitanni maassidhanno. Kunnira, jawaatte! Waajjitinoonte» yaanno.

MARRO 8:20

Magani'ne Kaaliiqi alba'neenni noo daga hunannonte gede, hajajama gibbinisiro ki'neno hunanno'ne.