DAANIEELI 8:4 - Qullaawa Maxaafa

⁴ Hakku goci alba galchimira, aliyyeranna wodiidira hige buuddasinni kibbara geegganna afummo. Albisira shiqe ittisasira woy isiwiinni xooqe fulara dandaanno moyichi dino; hasi'rinore baala assanni, albinni roore wolqa lexxi.

DAANIEELI 8:4 ပူးပေါင်းရင်းမြစ်များ

UMI MOOTOOLLA 22:11

Insa giddonni mittichu Kenaina beetti Sedeqiyaasi siwiilunni seekkinoonni buudda haa're Akiaabira, «Kaaliiqi, ‹Tenne buuddanni Sooriyoota qasse qeelle angara adhatto› yaannohe» yiisi.

IYYOOBI 10:7

Sao assoommokkitanna, angakkinnino gatisannoehu nookkita afootto.

FAARSO 44:5

Ate wolqanni diinanke qeelleemmo; su'mikkinni aananke ka'inore kandeemmo.

FAARSO 50:22

Ki'ne ane habbinanniri, xa yeemmota wodanche; ka'a woyite kayinni huneemmo'ne; gatisanno'nehuno dihee'ranno.

FAARSO 7:2

Ati gatisa hoogittoero kayinni, doobbiyu gede dukke massite, hoolannohu nookkiwa cancantannoe.

HIZIQEELI 34:21

Yaradda qoti'nenninna lekka'nenni xiibbine tugginanni; buudda'nenni qassinanni hoshshate giddonni fushshitinanni.

DAANIEELI 11:16

Aliyyenni daanno hoorraanchi ittisannohu nookkiha hasi'rinore baala assanno. Hexxonnitera biifado Israeelete gobba aana uurre ise hunate wolqano afi'ranno.

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 5:19

Jawimmasinni kainohunni addi addi gobbara hee'rannohu addi addi afiinni coyi'ranno manni baalu iso waajje huxi'rino. Hasi'rinoha shaanna gatisa, moohisanna moofisa dandiino.

DAANIEELI 5:30

Hakko hashshanni Baabilooni moote Belshaatsaari shini.

DAANIEELI 7:5

Layinki moyichi lowohonna waajjishannoho. Badhiidi lekkuwanni shankaffi yee uurrinoha Dibi yinanni moyicho lawanno. Hinkosinni 3 midashshu miqqa ga'me hee'reenna, «Hasi'ritto geeshshi maala iti!» yine kullisi.

DAANIEELI 8:7

Ani la"anni hee'reenna ge'rechu gocira lowo geeshsha hanqe kibbe lamenka buudasi hiiqqaqqi; ge'rechu gocino gargadha didandiino. Kunnira ge'rechu goco uulla kare kakkadi; isiwiinni gatisasira dandiinohu dino.

MIKIYAASI 5:8

Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno.

MARRO 33:17

«Kumunni kiirranniri Efireeminna Minaase gaaddo, woraamu gede jajjabbahonna wolqaataammaho. Baarigaarrasi qasanno gaarraanchi gede, ki'neno diina'ne qassine baattote qacce fushshitinanni» yii.