DAANIEELI 8:25 - Qullaawa Maxaafa

²⁵ Lowo geeshsha xagaraamo ikkinohura hanaaqunni duroo'manno; umosi baalunkura aliidiha assanno; lowo manna mittore qorophisiisikkinni shaanno; wo'munkura aliidi moote ikkinoha Magano nafa ugganno; goofimarchoho isi umisi ba"anno. Ikkollana ba"annohu mannu wolqanni di"ikkino.

DAANIEELI 8:25 ပူးပေါင်းရင်းမြစ်များ

IYYOOBI 34:20

Manchu goxinowa hee're, hendikkinni ree gatara dandaanno. Mannu baalu kunni garinni, hakkawoyintenni huxi're ba"ara dandaanno; wolqaataammano, mannu anga kissunsakkinni shaanno.

ERMIYAASI 48:26

Kaaliiqi, «Moaabi gosa ane aana naaxxitinona, hayikkissine dimbisse; tufinsa aana gongo'mitanna mannu oso'lonsana.

ERMIYAASI QURTO 4:6

Manni'yara iillino qorichi, kaa'lote anga diriirsannohu nookkiha, hedeweelcho Kaaliiqiwiinni dirrinohu, Soddoomu qorichinni rooreho.

DAANIEELI 11:12

Afi'rino qeellenninna lowo olanto shee gudasinni boo'nanno. Ikkollana qeellesi anga dikeeshshitannosi.

DAANIEELI 11:45

Mediteraaniyu Baarinna biifadu Tsiyooni Ilaali mereero jajjabba mootete dukkanna uurrisanno. Kuni baalu ikke hee'reenna isi umisi ba"anno; kaa'lannosihuno dihee'ranno» yii.

DAANIEELI 7:26

Hakkunni gedensaanni yoo yaate ofollinanni; gashshootisi roorreno angasinni hoolleenna hegere hegerera ba"anno.

DAANIEELI 7:8

Ani tenne buuddare hedanni hee'reenna mereerinsanni wolu mittu shiimu buudi fule hattenne buudda giddonni 3 buqqise hoolanna laoommo. Kuni shiimu buudi mannunnita labbanno illenna boo'natenni coyi'ranno arrawo afi'rinoho.

DAANIEELI 8:11

Gordu olanto Mootichano hettisi; barru barrunkunni isira shiqinshanni kakkalo gattanno gede assi. Qullaawa Mineno batteessi.

DAANIEELI 9:25

Konne coye wodana assi. Yerusaalame gatamarrara hajajo fultuhunni kayise, Buuraminohu daa geeshsha 7 hige 7 dirinna 7 hige 62 diri sa"anno. Yerusaalameno gatamarranni; doogganna qiishose baala seekkinanni. Ikkollana kuni baalu qarru diro ikkanno.

SOQQAMAASINETE LOOSO 12:23

Heeroodisi Maganoho ayirrinye aa hooginohura, hakkawoyintenni Mootichu sokkaasinchi ganeenna da'muule reyi.

LAYINKI TESELONQE 2:3

Danni bunshe daggukkinninna baonnihu Bunshete Manchi leellikkinni hakku Barri didaannona, mayi doogonnino ikkeenna ayino dogoonke'ne.

LAYINKI TESELONQE 2:8

Hakkunni gedensaanni Mootichu Yesuusi afiisi foolinni hunannohunna ayirrinyunni daanno woyite co'o yee ba"annohu Bunshete Manchi xawo fulanno.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.