DAANIEELI 8:21 - Qullaawa Maxaafa

²¹ Meichu goci Giriikete gashshoote leellishanno. Illuwasi qarrira noohu lowo buudi qole umiha Giriikete moote leellishanno.

DAANIEELI 8:21 ပူးပေါင်းရင်းမြစ်များ

DAANIEELI 10:20

Isino lede, «Atewa mayira dayommoro afootto? Ani atewa dayommohu halaalu maxaafira borreessinoonnire kulammoheraati. Qoleno rahe ha're Faarisi gashshoote agaranno sokkaasinchi ledo gaarameemmo. Ani ha'rummohu gedensaanni Giriikete gashshoote agaranno sokkaasinchi daanno. Ikkollana Israeele agaranno sokkaasincho Mikaaeeli agurranna ane kaa'lannohu wolu dino.

DAANIEELI 11:2

Sokkaasinchu lede coy'ranni, «Ani xa kuleemmohe coyino ikkannoho: Wolootu 3 mootoolla Faarisi gobbara mookkanno. Insanni aane daannohu shoolki moote ku'urinni roore dureessa ikkanno; durummatenni wolqa afi'ranno yannara, gano gane woloota Giriikete gashshooti aana kayisanno.

DAANIEELI 11:3

«Hakkunni gedensaanni mittu bareedu moote ka"anno; gashshootisino jawa ikkanno; isino hasi'rinore baala assanno.

DAANIEELI 2:39

Atera gedensaanni ate gashshooti geeshsha jawaatinokkihu shiimu gashshooti ka"anno. Hakkunni gedensaanni sayikkihu baatto baala gashshannohu camote lawishshi gashshooti ka"anno.

DAANIEELI 7:6

Konne la"anni hee'reenna kuneeti wolu daguncho lawanno moyichi fuli. Isirano badhesira ceannita labbannoti 4 qoolla noosi. Isi 4 umo afi'rino; gashshannota roorreno uyinisi.

DAANIEELI 8:20

«Lame buuda afi'rinohu ge'rechu goci Medooninna Faarisi gashshoote leellishannoho.

DAANIEELI 8:22

Umi buudi hiiqqameena fulturi shoole buudda hakku gashshooti shoolewa beehamannota leellishshanno. Shoolunku gashshooti umi gashshooti geeshsha jawaattinore ikkitannokkita kulanno.

ZAKKAARIYAASI 9:13

Yihuda digaanu gede, Israeeleno worbichu gede asse horoonsi'reemmo. Giriikete bagadaano qasammora, Tsiyooni bagadaano bisete gede asse soyemmo.