DAANIEELI 8:12 - Qullaawa Maxaafa

¹² Mannuno barru barrunkunni shiqinshanni kakkalo shiqisha agure cubbo loosi; halaalaancho amma'nono uulla tugantu; kunni buudira assannori baalu qiniisi.

DAANIEELI 8:12 ပူးပေါင်းရင်းမြစ်များ

IYYOOBI 12:6

Mooraanonna Magano affinokkiri, minensa keere heedhanno, qolteno, ‹Maganu anganke no› yitanno.

FAARSO 119:142

Halaalaanchimmakki hegerera heedhanno; seerikkino wo'manka woyite halaaleho.

FAARSO 119:43

Hexxeemmoti ate yoo ikkitinohura, wo'manka woyite halaale coyi'reemmo gede kaa'lie.

FAARSO 28:5

Insa Kaaliiqi loosonna assino coye baala lashshi assitino daafira, hiiqqaqqe tugannonsata ikkinnina, galagalche dikayisannonsa.

ISAYAASI 59:14

Ninkewiinni halaalu xeerti'rino; keeraanchimmano ninkewa shiqqi diyitanno. Halaalu gudumaaleho darga hooge xiiwamanno; ammanamano bayicho diafidhino.

ERMIYAASI 12:1

Kaaliiqa'ya, abbooshshi'reemmohe kiirolla, ati keeraanchoho. Xa kayinni taashshate daafira xa'mi'reemmohe; bushu mannira mayira qinaannonsa? Hexxinannikki mannira mayira injaannonsa?

DAANIEELI 11:28

Aliyye moote gudhino jajja baala adhe higanno; higanno woyiteno Maganu manni amma'nano hunara hedanno. Hasi'rire baala assihu gedensaanni gobbasi higanno.

DAANIEELI 7:21

Ani la"anni hee'reenna hakku shiimu buudi qullaawootu aana ola kayise qeelinsa.

DAANIEELI 8:4

Hakku goci alba galchimira, aliyyeranna wodiidira hige buuddasinni kibbara geegganna afummo. Albisira shiqe ittisasira woy isiwiinni xooqe fulara dandaanno moyichi dino; hasi'rinore baala assanni, albinni roore wolqa lexxi.

YOHAANNIS AJUUJA 13:7

Maganu manna qasannonna qeelanno roorre uyinisi. Gosate, ga'retenna addi addi afiinni coyi'ranno manni baalu aana roorre uyinisi.

UMI SAAMUEELI 23:9

Daawitno Saaooli busha hedinosita afe, qeesicha Abiyaataari, «Hanni Kaaliiqa xa'mi'neemmona Efuudi haadhe amo!» yiisi.