DAANIEELI 8:10 - Qullaawa Maxaafa

¹⁰ Gordu olantonna beeddahe iilla geeshsha jawaate lophi. Insa giddonnino gamisa dirrise baattote aana kakkadi.

DAANIEELI 8:10 ပူးပေါင်းရင်းမြစ်များ

ISAYAASI 14:13

Wodanikkinni, «Iimira gordo fule, ayirrinyunniha barcima'ya, Maganu beeddahera iimaanni wodheemmo; aliyyeenni maganna gamba yitanno ilaali aana mooheemmo.

ERMIYAASI 48:26

Kaaliiqi, «Moaabi gosa ane aana naaxxitinona, hayikkissine dimbisse; tufinsa aana gongo'mitanna mannu oso'lonsana.

DAANIEELI 11:28

Aliyye moote gudhino jajja baala adhe higanno; higanno woyiteno Maganu manni amma'nano hunara hedanno. Hasi'rire baala assihu gedensaanni gobbasi higanno.

DAANIEELI 11:30

Roomaawootu markabbatenni dagge qassannosi daafira lowo geeshsha masanno. Badhera hige ha're lowo hanqinni Maganu manni amma'na hunara wo'naalanno. Amma'nansa agurtannori ledo jaaloomanno.

DAANIEELI 7:7

Konne la"anni hee'reenna xaano wolqaataamu, bushunna waajjishannohu shoolki moyichi fuli. Isira jajjabba siwiilu hinko noosi. Ugaaxe afi'rinore hattenne hinkonni cancane itanninna lekkasinni kakkadanni no. Isi balaxe afummo moyichubbanni baxxinohonna 10 buuda afi'rinoho.

DAANIEELI 8:7

Ani la"anni hee'reenna ge'rechu gocira lowo geeshsha hanqe kibbe lamenka buudasi hiiqqaqqi; ge'rechu gocino gargadha didandiino. Kunnira ge'rechu goco uulla kare kakkadi; isiwiinni gatisasira dandiinohu dino.

YOHAANNIS AJUUJA 12:4

Farrisinni beeddahete giddonni sayikki anga gordunni uulla qole waxaaxisi. Mancho iltanno woyite dhudhuufu ilamanno qaaqqo egemmara yee, manchonniwa mare albaseenni uurri.