DAANIEELI 8:1 - Qullaawa Maxaafa

¹ Belshaatsaari moohihunni sayikki diro, ani Daanieeli kunni albaanni afummotenni baxxitinota wole ajuuja afoommo.

DAANIEELI 8:1 ပူးပေါင်းရင်းမြစ်များ

HIZIQEELI 1:1

Sajjiikki diro shoolki aganira ontikki barra, Baabilooni gobbara Kebaari Wayi mule Yihudunni qafadantinori ledo hee're gordu fa'nameenna, Magano ajuujatenni afoommo.

DAANIEELI 1:17

Maganuno kuri shoolunku wedellira egennonna hayyo uyinsa. Qoleno borrote egenno wodancha uyinsa. Daanieelira kayinni hakkiinni sayise ajuujanna haaqee tirate egenno uyisi.

DAANIEELI 10:2

Hatte yannara ani Daanieeli 3 lamala wo'ma dadillanni keeshshoommo.

DAANIEELI 10:7

Ajuuja laoommohu ane callaati; ledo'ya noo manni mittoreno diafino. Lowo geeshsha waajjino daafira xooqe bai.

DAANIEELI 11:4

Ikkollana wolqasi batidhu deerrinni gashshootisi diigame shoolewa fulanno. Dargasino isi sircho ikkitinokki mootoolla amaddanno; insa giddonnino isi geeshshi wolqa afi'rannohu dihee'ranno.

DAANIEELI 7:1

Baabilooni moote Belshaatsaari moohihunni umi diro ani Daanieeli hashsha goxe hee're haaqee haaqii'roommo; ajuujano afoommo. Afoommo coye baalano borreessoommo. Kuni coyino aane nooho:

DAANIEELI 7:15

Ani Daanieeli tenne ajuuja lae lowo geeshsha waajje yaadummo.

DAANIEELI 7:28

Ani laoommohunna macciishshoommo coyi konneeti. Lowo geeshsha waajjoommohura maseenna albi'ya shibbi yii. Ikkollana baalanka coye wodani'ya giddo maaxe amadoommo.

DAANIEELI 8:15

Ani Daanieeli ajuujate tiro maatiro hedanni hee'reenna hedeweelcho mittu manna lawannorichi daye alba'yaanni uurri.

DAANIEELI 8:2

Elaami awuraajjira kinchunni huxxinoonnihu dannawunnihura Suusa Katamira Ulayi Wayi mule uurre hee're ajuujatenni anenee afummo.

DAANIEELI 9:2

Moohihunni umi diro ani Daanieeli qullaawa maxaaffa la"anni hee're, Kaaliiqi himanaanchu Ermiyaasira kulino garinni Yerusaalame diigante keeshshitannohure 70 dirire hedoommo.