DAANIEELI 7:9 - Qullaawa Maxaafa

⁹ Ani la"anni hee'reenna, ayirradda mootete barcimma, aante aantetenni dirantu. Hegerera Hee'rannohu umisi barcimi aana ofolli; uddanosi kaadete gedeete; shaallote gede waajjote. Isi ofollino barcimi giirate gede buwanno; qalaame barcimu lekkuwa giirate gede wala wala yitanno.

DAANIEELI 7:9 ပူးပေါင်းရင်းမြစ်များ

UMI MOOTOOLLA 22:19

Mikayano lede, «Xa kune Kaaliiqi yaannore macciishshi! Sokkaasinesi baala qiniiteenninna guraanni uurrite heedheenna, Kaaliiqi gordoho ayirradu barcimisira ofolle nooha afoommo.

LAYINKI DUDUWO 18:18

Mikayano lede, «Xa kune Kaaliiqi yaannore macciishshi! Sokkaasinesi baala qiniiteenninna guraanni uurrite heedheenna Kaaliiqi gordoho ayirradu barcimisira ofolle nooha afoommo.

FAARSO 45:8

Uddanokkira kaarbenna shitto assinoonni; daaniichu hinkonni seesiinsoonnihura mootete mine heedhe, gannanni gingilaatinni hagiidhatto.

FAARSO 90:2

Ilaalla kalaqantara albaanni, baattono safantara albaanni, hegere hegerera ati Maganoho.

FAARSO 93:2

Ayirrinyu barcimikki hundinni kayise qixxaawinoho; ati kalaqamaho albaanninni noottoho.

ISAYAASI 6:1

Moote Ooziya reyi diro, Kaaliiqa ayirrinyunni gaamaare ayirradu baarcimi gashshootunnihura ofolle nooha afoommo; uddanosi handaari Qullaawa Minesi wo'me no.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ERMIYAASI 49:38

Mootensanna gashshaanonsa hune, ayirrado barcima'ya hakko wodheemmo.

HIZIQEELI 1:26

Qalchoho aleenni bulu dilqinni seekkinoonnihu, ayirrado barcima lawannori no. Ayirradu barcimira mancho lawannohu ofolle no.

DAANIEELI 7:13

Hashsha ajuujatenni mannu ila lawannohu gomichunni dukkisame daanna afoommo. Isono hegerera hee'rannohuwa haa'ne abbini.

DAANIEELI 7:22

Hakkunni gedensaanni Hegere Hegerera Hee'rannohu Wo'munkura Aliidi Magani daye, halaalaancho yoo yeenna qullaawootu gashshoote ragidhanno yanna iillitu.

MIKIYAASI 5:2

Maganu, «Ati Efiraata baattora hee'rattati Beeteliheme! Ayee geeshshano Yihudu katammanni maa'ne ikkittarono, hundunni kayise hegerera ikkannohu Israeelete gashshaanchi atewiinni fulanno» yaanno.

IMBAAQOOMI 1:12

Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

MAATEWOOSI 17:2

Hakkiicho heedheenna albansaanni danisi wole ikki; albisino arrishshote gede xawi; uddanosino waajjo qoffe ikkite caabbichimma xabbu.

MAATEWOOSI 28:3

Sokkaasinchu albino belequ gede xawanno; uddanosi kaadete gede waajjote.

MAARQOOSI 9:3

uddanosino waajjo qoffe ikkitu; uullate aana ayino hayishshe fushshe afannokki garinni waajjidhu.

SOQQAMAASINETE LOOSO 2:30

Ikkollana Daawiti konne coyi'rinohu, himanaancho ikkinohuraatinna Maganu, ‹Sirchikki giddonni mitto ate darga amadanno gede asseemmo› yiinoha hexxote qaale egennino daafiraati.

SOQQAMAASINETE LOOSO 2:33

Maganu qiniiteenni ofollara gordo ha'ri woyitenna Qullaawu Ayyaani hexxo Annuwiinni adhi yannara konne la'inannihanna macciishshitinanniha ninke aana dunino.

FILIPHISIYUSI SOKKA 3:9

Hatto assoommohu, Seeru aana xintantinota umi'ya keeraanchimma agure, amma'nate aana xintantinota Maganu keeraanchimma Kiristoosi widoonni afi're isi ledo hee'rateeti.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

UMI YOHAANNISI 1:5

Isiwiinni macciishshinoommotinna ki'nera kulleemmo sokka, «Maganu xawaabbaho; tunsichu isiwa horonta dino» yitannote.

YOHAANNIS AJUUJA 1:14

Umisi dananchi waajjo shaallichaho; illesino giirate buwani gedeete.

YOHAANNIS AJUUJA 19:18

Mootoollate maala, gaadaannuwate maala, jawaata olanto maala, faradunna faradaasinete maala, mootoollenna borojje, jajjabbanna shiimmaadda yinikkinni mannu baalu maala daggine itte!» yee naggi yitino qoonqonni lallawi.

YOHAANNIS AJUUJA 20:4

Hakkunni gedensaanni yoote roorre uyinoonniri ofolte noota ayirrado barcimma afummo. Yesuusi xawisino halaale farcidhinohuranna Maganu qaali daafira goowansa gorrinoonni manni lubbuwa afummo. Insa moyicho woy misilesi dimagansidhinoreeti; moyichu malaateno albinsaranna angansara diwodhitinoreeti. Insa reyotenni ka'e Kiristoosi ledo kume diro mookku.

YOHAANNIS AJUUJA 4:2

Hakkawoyintenni Qullaawu Ayyaani aana'ya hee'reenna, kune iima gordoho mittu ofolle nooha ayirrado barcima afummo.