DAANIEELI 7:8 - Qullaawa Maxaafa

⁸ Ani tenne buuddare hedanni hee'reenna mereerinsanni wolu mittu shiimu buudi fule hattenne buudda giddonni 3 buqqise hoolanna laoommo. Kuni shiimu buudi mannunnita labbanno illenna boo'natenni coyi'ranno arrawo afi'rinoho.

DAANIEELI 7:8 ပူးပေါင်းရင်းမြစ်များ

FAARSO 12:3

Kaaliiqa ballo, lame coyi'ranno arrawo baala muri; «Arrawinkenni qeelleemmo; afuu uminkeho; banxummore coyi'ra dandiineemmo» yitannori afoo beeshshi.

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 7:19

Hakkunni gedensaanni wole moyichubba baalatewiinni addiha ikkinohure shoolki moyichire roorse afammora hasi'rummo. Kuni moyichi lowo geeshsha waajjishannohonna afi'riha baala siwiilu hinkonninna camote culunqanni bibbide itannoho; gatinohano lekkasinni kakkadanno.

LAYINKI TESELONQE 2:4

Kuni Bunshete Manchi maganoho yine magansi'nannihunni roore umosi gotti gotti asse, «Ani Maganoho» yaanni Qullaawa Mine ofollanno.

LAYINKI XIMOOTEWOOSI 3:2

Mannu umosi baxannoha, woxe baxannoha, naaxxaleessa, boonaleessa, xonamaancho, iltinonsarira hajajamannokkiha, galata afi'rinokkiha, qullaawa heeshsho afi'rinokkiha,

LAYINKI PHEEXIROOSI 2:18

Kaphonna quwa saino coye coyidhanno; so'rotewiinni xaalla gate fulino manna foorrete halchora aduulte xagartanno.

YIHUDA 1:16

Kuri, uminsata busha yorto ha'runsitanni, wo'manka woyite gunguntannoreetinna mittu coyira nafa hagiidhitannokkireeti; afiinsanni boo'nate qaali fulanno; uminsara injaannore hasidhanni wole manna bokkeessitanno.

YOHAANNIS AJUUJA 13:1

Hakkunni gedensaanni mittu moyichi baaru giddonni fulanna afummo. Isira tonnu buudinna lamalu umi noosi. Mittu mittunku buudi aana worraaqu no; mittu mittunku umi aana Magano xonate su'mi no.

YOHAANNIS AJUUJA 9:7

Kanchafaru olaho qixxeessinoonni farado lawanno; uminsa aana noori culkunni seekkinoonni worraaqqa lawanno. Albinsa mannunniha lawanno.

UMI SAAMUEELI 2:3

«Manna'ya, naaxxate coyi afii'nenni fuloonke; afii-wo'mano coyidhinoonte. Kaaliiqi Maganu egennaamohona, mannu looso baala keene la"annohu isooti.