DAANIEELI 7:4 - Qullaawa Maxaafa

⁴ Umi moyichi doobbiicho lawannoho. Isira allaattete gedee qoolla noosi; ani la"anni hee'reenna qoollasi tatta'u. Moyichono gotti yee mannu gede ikke 2 lekkanni uurranno gede assini; mannu wodanano uyinisi.

DAANIEELI 7:4 ပူးပေါင်းရင်းမြစ်များ

LAYINKI SAAMUEELI 1:23

Saaoolinna Yoonaataani mannu baxanno danchuulleeti; reyo heeshshora dibaxxitannoreeti. Allamurchunni roore rakkannoreeti; doobbiichunni roore jawaattinoreeti.

IYYOOBI 25:6

Roorenka kuni da'muulchu gedee manni, Maganu albaanni mageeshshi geeshsha ajanno!» yii.

FAARSO 9:20

Kaaliiqa, waajjillekki aanansa duuni; insano reyitannore ikkitinota affona.

ERMIYAASI 25:38

Kaaliiqi hanqinninna, marartannokki bagadaanonni kainohunni, baatto ona ikkitanno. Insano ga'rimmosi agure ha'ranno doobbiichi gede ikkite, fulte xooqqanno» yii.

ERMIYAASI 4:13

«La'e kuneeti diinu olanto, gomichu gede ikkite tunsiisse dagganni no; olunniti faradu gaarensano hombobolattetenni roore rakkannote; faraduno risu gede buuwannoho. «Ki'ne hatte yannara, ‹Bayisibao ba'nummo› yitinanni.

ERMIYAASI 4:7

Doobbiichu maaxaminowiinni fulannonte gede, bagadaanono doobbiichu gede ikkite fultanno; insano Yihuda huntara dagganno. Yihudu katamma co'o yite ba'anno; mittuno dihee'ranno» yiinsa.

ERMIYAASI 48:40

Kaaliiqi, «Qoola fane eela hige buuwanno allamurchi gede Moaabi aana doyanno diini daanno.

ERMIYAASI 49:19

Yordaanoosi mule noo dubbi giddonni fule, daffitino kalo giddora eanno doobbiichi gede ikke, hedeweelcho daye Edoomoota shorre, hasi'roommoha shoomeemmo. Hoolannoehu ane gedeehu ayeti? Ittisannoe gashshaanchino hiikkonneeti?

ERMIYAASI QURTO 4:19

Iiminni dirranno allamurchinni roore, buubbe dagge shorritinonke. Ilaallate aana shorritinonke; halallitte gobbara kushe goxxe agartinonke.

HIZIQEELI 17:3

Ani Mootichu Kaaliiqi insara yeemmore affanno gede kulinsa: Xuma baalluwanna hala'lado qoolla noosihu mittu jawu allamurchi no. Kuni allamurchino Libaanoosi Ilaallawa hige buuwi; mitte dagucho aana ofolle birxese hiiqqe haa'ri.

HIZIQEELI 28:2

«Koo manchi beetto, ani Mootichu Kaaliiqi yeemmore Xiroosi mootera, ‹Wodanikki boo'natenni duu'raminohura, atenee maganu gede assite kiirootto; maganu gede baarunni qoqqowaminohura ayirradu barcimira ofolloottota coyi'rootto. Atenee maganu gede assite kiirittorono, ati manchoho ikkinnina horonta magano di"ikkootto.

HIZIQEELI 28:9

Shitahera dagganno woyite atenee xaano maganu gede assite kiiratto ikka? Shitannori angara eatto woyite ati mancho ikkoottota, kayinnilla magano ikkoottokkita afatto.

DAANIEELI 2:38

Baatto baala gashshattoha assinohe; mannaho, saadatenna ceate aana roorre uyinohe. Culku umino ateeti.

DAANIEELI 4:36

«Wodani'ya darga higanni hee'reennanni hakkawoyintenni gashshooti'ya ayirrinyinna gaacheenu galagale higie; amaalaano'yanna ayirraddu hagiirrunni haadhue; albinni roorino ayirrinye lendeennae galagale moohoommo.

DAANIEELI 7:12

Wole moyichubbatano roorrensa haa'ne hoolli. Ikkollana shiima yanna lubbotenni heedhara agurinsa.

DAANIEELI 7:5

Layinki moyichi lowohonna waajjishannoho. Badhiidi lekkuwanni shankaffi yee uurrinoha Dibi yinanni moyicho lawanno. Hinkosinni 3 midashshu miqqa ga'me hee'reenna, «Hasi'ritto geeshshi maala iti!» yine kullisi.

MAATEWOOSI 24:28

Reeshshu noowa doowiru gamba yaanno» yiinsa.

MARRO 28:49

«Kaaliiqi qaalensa egentinoonnikki gosa, baattote qaccenni allamurchu gede buuwise abbe aana'ne dirrisanno.

YOHAANNIS AJUUJA 13:2

Afummo moyichi daguncho lawanno; lekkasi dibi yinanni moyichita labbanno; afiisino doobbiichunniha lawanno. Dhudhuufu wolqasi, ayirrado barcimasinna lowo roorre moyichoho uyisi.