DAANIEELI 7:14 - Qullaawa Maxaafa

¹⁴ Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

DAANIEELI 7:14 ပူးပေါင်းရင်းမြစ်များ

FAARSO 102:22

Kaaliiqi su'mi Tsiyooni duduwamanno; Yerusaalameteno galatamanno.

FAARSO 103:19

Kaaliiqihu ayirradu barcimi gordoho no; isi wo'munkura aliidi gashshaanchooti.

FAARSO 145:13

Gashshootikki hegereho; ati ilamate ilamara mootete. Kaaliiqi gondoorisira ammanaminoho; isi kalaqinore baala mararanno.

FAARSO 146:10

Kaaliiqi hegerera mootete; Tsiyooni, Maganikki hegerera gashshanno. Kaaliiqi galatamo!

FAARSO 45:6

Magano! Mootimmakki hegerete; mannakki halaalunni gashshatto.

FAARSO 72:11

Mootoolla baala kumbuultosi; daga baalanti gashshantosi.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FAARSO 8:6

Angakki loosi baalu aana moohisoottosi; baalankare lekkasira woroonni gashshiishitto.

ISAYAASI 16:5

Hatte yannara mittu gashshooti hegere baxillinni uurranno. Daawiti sirchinni mittu ammanaminohu moohanno. Isi rahe halaale hasannohonna taashshe gashshanno mooteeti.)

ISAYAASI 60:12

Atera hajajantannokki gosanna, gashshootu baalu co'o yee ba"anno.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

DAANIEELI 2:35

Siwiilu, doru, camo, birrunna culku baalu hakkawoyintenni cancaname arri yannara ayiddummete aana hee'ranno kuri gede ikkino. Isono bubbe dagge mittoreno gatissukkinni fiite haadhe hadhino. Misilete aana uwi kinchi kayinni baatto baala wo'manni mimmitu aana duunamanni lowo ilaala ikkino.

DAANIEELI 2:37

Moote'ya! Ati baalanka roorattohonna mootoollate mooteeti. Gordu Magani gashshootenna wolqa, jawaantenna ayirrinye uyinohe.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 3:4

Hatte yannara mittu lallawa kulannohu qoonqosi naggi asse, «Ki'ne addi addi gobbanninna addi addi gosanni dagginoonniri, babbaxxino afiinni coyidhinanniri baalu,

DAANIEELI 4:3

Maganu leellishanno maalale, mageeshshi geeshsha jawate! Isi loosanno loosi mageeshshi geeshsha jawaataho! Maganu hegere hegerera mootete! Gashshootisirano gawalo dino.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

DAANIEELI 7:18

Ikkollana Wo'munkura Aliidi Magani gashshoote qullaawoota ikkitinorira ragisiiseenna hegerenni hegere geeshsha angansa keeshshanno» yiie.

DAANIEELI 7:27

Baatto baalate aana nooti gashshootu roorre, wolqanna gaacheenu baalu qullaawu Wo'munkura Aliidi Magani mannira aamantanno; gashshootunniti roorrensa hegere geeshsha kaajjite heedhanno. Gobba baalate gashshaano insara hajajante soqqantannonsa» yii.

ABIDIYU 1:21

Ani Kaaliiqi gatiseemmonsa gosa, Tsiyooni Ilaali aana heedhe, Edoomi gashshitanno. Gashshootuno ane Kaaliiqiha ikkanno.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

LUQAASI 1:33

Yaiqoobi minirano hegerera moohanno. Gashshootisira gawalo dino» yiise.

LUQAASI 10:22

«Wo'manka coye Anni'ya uyinoe. Beettu ayetiro Anna agurranna afinohu mittuno dino. Beetto agurranna woy Beettu xawise kulinosiha agurranna Anna afannohu mittuno dino» yii.

YOHAANNISI 12:34

Hatto yiita mannu, «Seeru giddo, ‹Kiristoosi hegere geeshsha hee'ranno› yine borreessinoonni. Ati kayinni, ‹Manchi Beetti sutama hasiissannosi› mayira yiitto? Kuni Manchi Beettino ayeti?» yii.

YOHAANNISI 3:35

Annu Beettosi baxanno; wo'mankareno angasi worino.

IBIRAAWOOTA 12:28

Kunnira, ninke shafamannokki gashshoote ragi'neemmo daafira Magano galaxxineemmo. Hagiidhanno garinni ayirrinyunninna waajjatenni magansi'nosi.

UMI PHEEXIROOSI 3:22

Isi gordo ha're Maganoho qiniiteenni no; sokkaasine, gashshaanonna wolqaataammu angasira higganno.

YOHAANNIS AJUUJA 1:6

Maganu Annisira soqqammeemmo gede qeesootu gashshoote assinonkehura, Yesuusi Kiristoosira hegere hegerera ayirrinyunna wolqa ikkitosi! Hamii'ni!

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 3:21

« ‹Ani qeelle adhe Anni'ya ledo ayirradu barcimisira ofollummonte gede, qeelinohu ane ledo ayirradu barcimi'yara ofollanno gede asseemmosi.