DAANIEELI 7:13 - Qullaawa Maxaafa

¹³ Hashsha ajuujatenni mannu ila lawannohu gomichunni dukkisame daanna afoommo. Isono hegerera hee'rannohuwa haa'ne abbini.

DAANIEELI 7:13 ပူးပေါင်းရင်းမြစ်များ

FAARSO 110:2

Kaaliiqi gashshootikki roorre Tsiyooninni kayise halashshohe; baarigaarrakki aana roorre afi'ri.

FAARSO 2:8

Daga baalanta amadokki, baatto baalanta gashshootekki asse eemmohena huucci'rie.

FAARSO 47:5

Maganu ayirradu dargasi ha'ri woyite, Kaaliiqi iimira hige ha'ri yannara, ililleettenna buudu xurumbi luulo macciishshinoonni.

ERMIYAASI 49:19

Yordaanoosi mule noo dubbi giddonni fule, daffitino kalo giddora eanno doobbiichi gede ikke, hedeweelcho daye Edoomoota shorre, hasi'roommoha shoomeemmo. Hoolannoehu ane gedeehu ayeti? Ittisannoe gashshaanchino hiikkonneeti?

HIZIQEELI 1:26

Qalchoho aleenni bulu dilqinni seekkinoonnihu, ayirrado barcima lawannori no. Ayirradu barcimira mancho lawannohu ofolle no.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 7:12

Wole moyichubbatano roorrensa haa'ne hoolli. Ikkollana shiima yanna lubbotenni heedhara agurinsa.

DAANIEELI 7:2

Shoolunku raginni ka'ino bubbe lowo baara shaffu.

DAANIEELI 7:22

Hakkunni gedensaanni Hegere Hegerera Hee'rannohu Wo'munkura Aliidi Magani daye, halaalaancho yoo yeenna qullaawootu gashshoote ragidhanno yanna iillitu.

DAANIEELI 7:9

Ani la"anni hee'reenna, ayirradda mootete barcimma, aante aantetenni dirantu. Hegerera Hee'rannohu umisi barcimi aana ofolli; uddanosi kaadete gedeete; shaallote gede waajjote. Isi ofollino barcimi giirate gede buwanno; qalaame barcimu lekkuwa giirate gede wala wala yitanno.

DAANIEELI 8:15

Ani Daanieeli ajuujate tiro maatiro hedanni hee'reenna hedeweelcho mittu manna lawannorichi daye alba'yaanni uurri.

MAATEWOOSI 13:41

Hatte yannara Manchi Beetti sokkaasinesi soyanno; insano manna cubbu giddora eanno gede assitannorenna bunshe loossannore baala Maganu Gashshooti giddonni xinqite fushshitanno.

MAATEWOOSI 24:30

«Hakkunni gedensaanni Manchi Beettihu daasi malaati gordoho leellanno. Hatte yannara gobbate aana noo manni baalu wi'lanno. Manchi Beettino wolqatenninna lowo ayirrinyinni gomichu aana daanna la"anno.

MAATEWOOSI 25:31

Yesuusi lede, «Manchi Beetti sokkaasine baalatenni dukkisame ayirrinyunni daye ayirrinyu barcimira ofollanno.

MAATEWOOSI 26:64

Yesuusino, «Ati yiitto gedeeti. Ikkollana kunni ka'a Manchi Beetti Wo'manka Dandaanno Maganira qiniiteenni ofollinoha affinanni; hattono gordu gomichinni dukkisame daanna la'inanni» yiinsa.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

MAATEWOOSI 8:20

Yesuusi qole, «Yeedaallate bale noonsa; buubbanno cearano minu noonsa. Manchi Beettira kayinni umo worannowi nafa dinosi» yee qolisi.

MAARQOOSI 13:26

Hakkunni gedensaanni, mannu Manchi Beetti gomichu giddo hee're, lowo wolqanninna ayirrinyunni daanna la"anno.

LUQAASI 21:27

Hakkunni gedensaanni Manchi Beetti, lowo wolqanninna ayirrinyunni gomichu giddo daanna mannu la"annosi.

LUQAASI 21:36

Kunnira, daannohu bushu coyi baaluwiinni gatate wolqa afidhinanni gedenna Manchi Beetti albaanni uurra dandiitinanni gede wo'manka woyite jaattine huuccidhe» yii.

LUQAASI 24:27

Hakkunni gedensaanni Musenna himanaanote maxaaffanni kayise, Qullaawa Borro baalate giddo Isi daafira coyi'noonnire xawise kulinsa.

YOHAANNISI 12:34

Hatto yiita mannu, «Seeru giddo, ‹Kiristoosi hegere geeshsha hee'ranno› yine borreessinoonni. Ati kayinni, ‹Manchi Beetti sutama hasiissannosi› mayira yiitto? Kuni Manchi Beettino ayeti?» yii.

YOHAANNISI 3:13

Gordunni dirrinoha Manchi Beetto agurranna gordu iimira fulinohu wolu dino» yii.

YOHAANNISI 5:27

Beettu, Manchi Beetto ikkino daafira, yoo yaanno gede roorre uyinosi.

SOQQAMAASINETE LOOSO 7:56

Kunnira, «Kuneeti, gordu fa'nameenna Manchi Beetti Maganu qiniiteenni nooha la"anni noommo» yii.

UMI TESELONQE 4:17

Hakkunni gedensaanni lubbotenni hee'noommori, Mootichu ledo bubbete aana xaandammora, insa ledo gomichu giddora hawulukammeemmo. Mootichu ledono hegerera hee'neemmo.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

IBIRAAWOOTA 2:14

Mannu maalanna mundee afi'rinoha ikkino garinni, Yesuusino insa gedee manna ikke suudensa karsami. Hatto ikkinohuno, reyosi widoonni hige reyote aana roorre afi'rinoha Sheexaane hunara yeeti.

IBIRAAWOOTA 9:24

Kiristoosi halaalaancho Qullaawu Mini lawishsha ikkinohanna mannu anganni minnoonni Mine dieino. Isi xa ninke daafira Maganu albaanni leellara yee gordo eino.

YOHAANNIS AJUUJA 1:13

Hakko uduunni mereero manchi beetto lawannoha afummo. Isi hunda iillitinota seeda uddano uddi're no; gagasoho culku hiito usudhe no.

YOHAANNIS AJUUJA 1:18

heeshshonnihuno aneeti. Kunni albaanni reyommo; xa kayinni kune hegere heeshshoha ikkoommo; reyotenna jeennaatu roorre anga'ya no.

YOHAANNIS AJUUJA 1:7

Kuneeti, gomichunni daanni no! Qassusiri nafa gattukkinni, mannu baalu ille la"annosi; baattote aana noo manni baaluno, iso lae hururame wi'lanno. Yinoonnirino ikkanno. Hamii'ni!

YOHAANNIS AJUUJA 14:14

Hakkunni gedensaanni laeemmo woyite, waajjo gomicho afummo. Gomichu aana manchi beetto lawannohu ofolle no; umoho culku worraaqa wodhino; iibbitino haanto haa're no.