DAANIEELI 7:10 - Qullaawa Maxaafa

¹⁰ Giirate buichono ayirradu barcimiwiinni fultanno; isira kumunni kiirranni soqqamaano noosi; albasiinni uurritannori tonne higge tonne kumeeti. Yoono hananfi; maxaaffano fanni.

DAANIEELI 7:10 ပူးပေါင်းရင်းမြစ်များ

UMI MOOTOOLLA 22:19

Mikayano lede, «Xa kune Kaaliiqi yaannore macciishshi! Sokkaasinesi baala qiniiteenninna guraanni uurrite heedheenna, Kaaliiqi gordoho ayirradu barcimisira ofolle nooha afoommo.

LAYINKI DUDUWO 18:18

Mikayano lede, «Xa kune Kaaliiqi yaannore macciishshi! Sokkaasinesi baala qiniiteenninna guraanni uurrite heedheenna Kaaliiqi gordoho ayirradu barcimisira ofolle nooha afoommo.

IYYOOBI 25:3

Halaalinta olantosi kiiro afinohu nooni? Xawaabbisi iillannokkiwi nooni?

FAARSO 103:21

Hedosi wonshitinanniri soqqamaanosi, ki'ne gordu olanto, Kaaliiqa galattesi!

FAARSO 18:8

Sanosinni wiliile fultu; afiisinnino ittanno giiranna buwanno kashili fuli.

FAARSO 50:3

Maganinke daanno; sammi diyaanno; ittanno giira albasiinni no; wolqaataame bubbe gaangaawisira no.

FAARSO 68:17

Maganunniti faradi gaare batinye kumeeti; Mootichu Siina Ilaalinni kae qullaawu minisira daanno.

ISAYAASI 30:27

Kune, Kaaliiqiti wolqasinna xirchisi xeertote leellanno. Buwanunna wiliile hanqisi malaateeti; qaalisi ittanno giiraati.

ISAYAASI 30:33

Lowo dirira albaanni, Asoori moote giirrannihu, giirate dargi qixxaawe no. Hakko hala'ladonna diime ikkino dargano, lowo haqqe duunnoonni; haqqeno ruqanu gedeehu Kaaliiqi fooli itanno.

DAANIEELI 12:1

Shaalado seesallitte uddano uddi'rino sokkaasinchi, «Mannakki agarannohu jawu sokkaasinchi Mikaaeeli hatte yannara leellanno. Mannu kalaqantunkunni ikke egenninokkihu lowo qarri ikkanno. Su'mansa Maganu maxaafira borreessinoonnihu gobbakki manni kayinni hatte yannara gatanno.

DAANIEELI 7:22

Hakkunni gedensaanni Hegere Hegerera Hee'rannohu Wo'munkura Aliidi Magani daye, halaalaancho yoo yeenna qullaawootu gashshoote ragidhanno yanna iillitu.

DAANIEELI 7:26

Hakkunni gedensaanni yoo yaate ofollinanni; gashshootisi roorreno angasinni hoolleenna hegere hegerera ba"anno.

ZAKKAARIYAASI 14:5

Ki'neno ilaala lamewa beehe Etseeli yinanniwa iillino lagichi giddoonni higgine xooqqinanni. Yihudu moote Ooziya yannara, baatto milli yitu waro, akaakka'ne xooqqu gede ikkitine xooqqinanni. Kaaliiqi Magani'ya qullaawa sokkaasinesi baala hoodete adhe daanno.

MAATEWOOSI 25:31

Yesuusi lede, «Manchi Beetti sokkaasine baalatenni dukkisame ayirrinyunni daye ayirrinyu barcimira ofollanno.

MARRO 33:2

Kaaliiqi Siina Ilaalinni dayi; Edoominni soodo arrishsho gede ikke aanansa fuli; Faaraani Ilaalira hee're xawinsa. Tonnu kumi sokkaasine ledosi no; qiniiticho angasinni bubbanno giira fultanno.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 12:22

Ki'ne kayinni Tsiyooni Ilaaliwa dagginoonni. Kumu kumi sokkaasine hagiidhitannowa Heeshshote Magani katama gordu Yerusaalame dagginoonni.

YIHUDA 1:14

Addaaminni kayise lamalki ilama ikkinohu Heenooki, «Kune Mootichu kumu kumi sokkaasine qullaawate ledo daanno.

YOHAANNIS AJUUJA 11:18

Daga hanqitu; ate aarino dayi. Reyitinorira yoo yaatto yanna iillitu; soqqamaanokki himanaanote, qullaawootahonna su'makki ayirrissannorira, shiimmaaddahonna jajjabbaho, daafurinsa guma aatto yanna daggu. Baatto huntannore hunatto yanna iillitu» yitanni magansidhu.

YOHAANNIS AJUUJA 5:11

Laummo woyite, ayirrado barcima, shoolenka kalaqamanna geerra doyissite uurrite noorita, kiirre fullannikkirita kumu kumi sokkaasine huuro macciishshummo.