DAANIEELI 7:1 - Qullaawa Maxaafa

¹ Baabilooni moote Belshaatsaari moohihunni umi diro ani Daanieeli hashsha goxe hee're haaqee haaqii'roommo; ajuujano afoommo. Afoommo coye baalano borreessoommo. Kuni coyino aane nooho:

DAANIEELI 7:1 ပူးပေါင်းရင်းမြစ်များ

KALAQAMA 15:1

Hakkunni gedensaanni Kaaliiqi Abiraamira ajuujatenni, «Abiraami! Waajjitooti; wonqo ikke dano baalantenni agareemmohe; lowo maassono eemmohe» yaanna macciishshi.

KALAQAMA 46:2

Maganu hashsha ajuujatenni, «Yaiqoobi! Yaiqoobi!» yee woshshisi. Isino, «Mooticha'ya macciishsheemmona coyi'ri» yii.

IYYOOBI 4:13

Tini hashsha haaqii'roommo haaqee, lowo goxano amaddino manchi gede assite jawaawurrissinoe.

ISAYAASI 30:8

Kaaliiqi ikkitonsa gara dagganno ilama affanno gede borreesse worammora kulinoe.

ISAYAASI 8:1

Kaaliiqi, «Mitto jawa boncoonni kincho haadhe, ‹Maheeri-Shalali-Hashi-Baazi› yite jajjabba fidallanni borreessi.

ERMIYAASI 23:28

Haaqii'rannohu, haaqeesi kulollana; ani kuloommosire kulannohuno coyi'rolla; galawunna gumu mitto ikkinoni?

ERMIYAASI 27:7

Gobbasi wolu angara sa'a geeshsha gosa: Isi, beettisinna beettisi beetti anga galtanno. Hakkunni gedensaanni gosasi wolqaataame daganna jajjabba mootoolla angara higganno.

ERMIYAASI 36:32

Anino wole xaanxoonni goga haa're, borreessaanchu Baarookira oommo. Isino Yihudu moote Iyoaaqeemi giire hunihu aana noo qaale borreessi; mimmito lawannohu lowo qaali aanaho ledami.

ERMIYAASI 36:4

Ani Ermiyaasino Neeriya beetto Baarooki woshsheenna, Kaaliiqi coyi'rinoere baala ani kulanna xaanxoonni gogi aana borreessi.

HIZIQEELI 1:1

Sajjiikki diro shoolki aganira ontikki barra, Baabilooni gobbara Kebaari Wayi mule Yihudunni qafadantinori ledo hee're gordu fa'nameenna, Magano ajuujatenni afoommo.

HIZIQEELI 40:2

Ajuujatenni Kaaliiqi haa're masse, Israeelete gobbara mittu seedu ilaali aana worie. Wodiidi ragaanni, minnoonni katama labbannota mimmitu mule noota kinchu minna afummo.

DAANIEELI 1:17

Maganuno kuri shoolunku wedellira egennonna hayyo uyinsa. Qoleno borrote egenno wodancha uyinsa. Daanieelira kayinni hakkiinni sayise ajuujanna haaqee tirate egenno uyisi.

DAANIEELI 2:1

Nabukadanatsoori moohihunni layinki diro haaqee haaqii'ri. Tenne haaqee haaqii'rihu gedensaanni goxano gibbusi.

DAANIEELI 2:26

Mooteno Bilxaasoori yinanniha Daanieeli, «Haaqii'roommo haaqee tironte ledo kulattoera dandaatto?» yee xa'misi.

DAANIEELI 4:13

«Ma'na'yara goxe hee're laoommo ajuujanni jawaate agarannohu mittu qullaawu sokkaasinchi gordunni dirranna afoommo.

DAANIEELI 4:5

Mitto barra ma'na goxe hee're lowo geeshsha waajjishshanno haaqee haaqii'roommo; ajuujatennino masisanno coye afoommo.

DAANIEELI 5:1

Belshaatsaari moohe noo waro mitto barra kumunni kiirranni ayirraddira lowo jila jili. Insa ledono woyinete xajje agi.

DAANIEELI 5:22

«Ati Belshaatsaarino isi beetto ikkakkinni konne baala affanni heedhenni umokki heeshshi assite joongille dileellishootto.

DAANIEELI 5:30

Hakko hashshanni Baabilooni moote Belshaatsaari shini.

DAANIEELI 7:13

Hashsha ajuujatenni mannu ila lawannohu gomichunni dukkisame daanna afoommo. Isono hegerera hee'rannohuwa haa'ne abbini.

DAANIEELI 7:15

Ani Daanieeli tenne ajuuja lae lowo geeshsha waajje yaadummo.

DAANIEELI 7:7

Konne la"anni hee'reenna xaano wolqaataamu, bushunna waajjishannohu shoolki moyichi fuli. Isira jajjabba siwiilu hinko noosi. Ugaaxe afi'rinore hattenne hinkonni cancane itanninna lekkasinni kakkadanni no. Isi balaxe afummo moyichubbanni baxxinohonna 10 buuda afi'rinoho.

DAANIEELI 8:1

Belshaatsaari moohihunni sayikki diro, ani Daanieeli kunni albaanni afummotenni baxxitinota wole ajuuja afoommo.

IYUEELI 2:28

«Kunni gedensaanni Ayyaana'ya, mannu baalunku aana duneemmo. Ooso'ne labballunna seennu himana coyidhanno. Geerri'neno haaqee haaqii'ranno. Aju manni'neno ajuuja afanno.

AMOOTSI 3:7

Mootichu Kaaliiqi go'lino coye, soqqamaanosi himanaanote balaxe kulikkinni, mitto coyeno diassanno.

IMBAAQOOMI 2:2

Maganuno, «Leellisheemmohe ajuuja borreessi. Saleedu aana leeltanno gede assite xawisse borreessi.

KIIRO 12:6

Kaaliiqi, «Ani yeemmore macciishshe. «Kaaliiqi himanaanchi giddo'ne hee'riro, ajuujatenni leelleemmosi; haaqeetennino coyi'reemmosi.

ROOMU SOKKA 15:4

Umo assine Qullaawa Maxaaffa giddo borreessinoonnire baala rosiisankera borreessinoonni. Qullaawa Maxaaffa widoonni afi'neemmo cincanna jawaante hexxo uyitannonke.

LAYINKI QORONTOOSI 12:1

Adawadha kaa'litannori nookkita ikkiturono, adawadha hasiissuro Mootichu uyinoe xawishshinninna ajuujanni adawadheemmo.

YOHAANNIS AJUUJA 1:19

Kunnira, la'anni noottoha, xa noohanna kunni ka'a daara nooha borreessi!.

YOHAANNIS AJUUJA 10:4

Lamalunku beleqi coyi'rita, ani borreessammora hedummo. Ikkollana, «Lamalunku beleqi coyi'rannoha cuffe maaxxe amadi ikkinnina borreessitooti!» yitanno huuro gordunni macciishshummo.