DAANIEELI 6:4 - Qullaawa Maxaafa

⁴ Hakkunni gedensaanni ledosirinna wole gashshaano Daanieelinna isi loosanno loosi gashshootunnihu aana xe'o hasse su'ma huntasira heddu. Ikkollana Daanieeli lowo geeshsha qorophannohanna ammanaminoha ikkinohura, mitte so'ro woy sao aanasi affara didandiitino.

DAANIEELI 6:4 ပူးပေါင်းရင်းမြစ်များ

KALAQAMA 41:38

Ferioonino ledosi gashshaanora, «Maganu ayyaana afi'rinoha togoo mancho wole diafi'neemmo» yiinsa.

KALAQAMA 43:18

Insa kayinni Yooseefi minira e'inohura waajjite, «Alba ogorrankera worreenna galagale higino birrira gawajjankera, ninkeno wolqatenni borojje assi'rankeranna harrenkeno adhara yee kawiira eessinonke» yitu.

LAWISHSHA 29:27

Suwashshu manni shokkashsho manna dibaxanno; shokkashshu mannino suwashsho giwanno.

ROSIISAANCHO 4:4

Qoleno mannu halchinore afi'rate daafure loosanno gara baala laoommo; mannu hatto ikkannohu olliichosi hinaasino daafiraati. Kunino haafaho; diilallo cu'mate gedeeti.

ERMIYAASI 18:18

Mitu mitu manni, «Amme, Ermiyaasi assineemmota mallona. Seera rosiissanno qeesooti, mala kultanno hayyoolenna, himana kultanno himanaano noonkena, isi yaannore macciishsha agurre amme su'masi hunnona» yii.

ERMIYAASI 18:23

Kaaliiqa ati kayinni, shitaera gantino gano afoottona, bunshensa agurtooti. Cubbonsano maartooti; qeelante ubbanno gede assi; hanqikkinni xaadinsa» yee huucci'roommo.

ERMIYAASI 20:10

Lowo manni, base baalate waajjillu no yee, hashaashamanna macciishshoommo. Qoleno, «Amme isire gashshaanote kullona!» yitino; jaalla'yaati yoommori nafa, «Isi dongiro dogamannohona, dogamiha ikkiro amande rabbisi'neemmosi» yitanno.

ERMIYAASI 29:7

Woroommo'ne katami keere ikkannotanna qiniitaawannota halche. Heedhinoonni katamira qiniisiro ki'nerano qinaanno'nena ane Kaaliiqa huuccidhe"e.

DAANIEELI 3:8

Hatte yannara mitu mitu Baabilooni amaalaasine konne coye irkidhe Yihudoota su'ma huntunsa.

DAANIEELI 5:12

Isi haaqeenna hibbo tiratenna go'lino coye xawise kulate addi guunte afi'rino egennaamootinna hayyicha manchooti. Kunnira annikki Nabukadanatsoori, ‹Bilxaasoori› yee su'ma fushshinosiha Daanieeli woshshi'ri. Isi konne coye tire kulannohe» yitusi.

DAANIEELI 6:22

Doobbiyu gawajjannoekki gede Maganu sokkaasincho soye afoonsa cufino. Togo assinohuno ani keeraancho ikkoommotanna ate aanano sao assoommokkita afinohuraati» yii.

MAATEWOOSI 26:4

Hakkiicho Yesuusa amadde shitanno doogo ma'litu.

MAATEWOOSI 27:18

Togo yiinohu, Yesuusa dhiibbetenni sayisse uyitinota afinohuraati.

LUQAASI 20:20

Kunnira, injiitanno yanna galaalchitanni no. Mite sao coyi'reenna amadde gashshinohu roorreranna wolqara sayisse uyitara, elo labbe giddota haadhannore fushshite Isiwa sokku.

LUQAASI 20:26

Xa'mitino xa'monni mannu albaanni woshshaaddasira didandiitino. Qolino qolonni dhaggeeffatte sammi yite agurtu.

LUQAASI 22:2

Qeesootu roorrootinna Seeru rosiisaano manna waajjitino daafira Yesuusa amadde shitanno doogo hasidhanni no.

YOHAANNISI 19:4

Philaaxoosi layinkimeeshsho gobbara fule, «Assinoti mitte bunshe nafa leeltinoekkita affinanni gede, agarre iso gobbara fushsheemmo'nena» yiinsa.

LAYINKI QORONTOOSI 11:12

Hakkuri wolootu soqqamaasine, «Ninkeno insa gede loonseemmo» yitanni adawadhitannori coye hunate xa asseemmore albillitteno asseemmo.

FILIPHISIYUSI SOKKA 2:15

Hatto ikkiro, bushanna shokkashsho ilama mereero saalsiisannorinna mishiishannori nookkiha fayyaaleeyye Maganu ooso ikkitine gobba baalate aana beeddahimma xabbinanni.

UMI XIMOOTEWOOSI 5:14

Kunnira, aju meenti mine assi're, ooso ile, minensano amanyootunni amadanno gede amaaleemmo. Hatto ikkiro, baarigaaru haa're su'ma hunannore diafi'ranno.

TIITO 2:8

Minshanniri nookki hasaawa hasaawinsa. Kunni garinni qoxxissannonkeri ninke aana haadhe kultannore hoogge saalfattanno.

UMI PHEEXIROOSI 2:12

«Bunshe assitannoreeti» yite he'mitu'nerono, Maganu towatankera daanno barra ammantinokkiri dancha looso'ne la'e Magano galattanno gede, insa ledo heedhinanni yannara danchu amanyooti heero'ne.

UMI PHEEXIROOSI 3:16

Qoltinanni dawaro kayinni shaqqillunnitanna owaantennita ikkito; Kiristoosire ikka'nenni danchu akati'nera sabba buurtannori, bunshe coyi'ransara saalfattanno gede, danchu tii"i hee'ro'ne.

EJJEETTO 14:4

Hatte yannara Israeele Filisxeeme gashshite noohura, Filisxeemete ledo gibbo kalaqantanno gede Kaaliiqi afe assino coye ikkinota annisinna amasi dibuuxxino.

UMI SAAMUEELI 12:4

Insano, «Didogoottonke; miicoottohuno dino; aye angannino adhoottori dino» yite dawartusi.

UMI SAAMUEELI 18:14

Kaaliiqi ledosi noo daafira assannori baalu qiniisi.

UMI SAAMUEELI 22:14

Ahimeleekino, «Baalunku giddonni Daawiti gede ammanaminohu wolu nooni? Isi atera balloho; agaraasinekki hajajannoho; gashshootikki giddono mannu baalu ayirrisannoho.