DAANIEELI 6:22 - Qullaawa Maxaafa

²² Doobbiyu gawajjannoekki gede Maganu sokkaasincho soye afoonsa cufino. Togo assinohuno ani keeraancho ikkoommotanna ate aanano sao assoommokkita afinohuraati» yii.

DAANIEELI 6:22 ပူးပေါင်းရင်းမြစ်များ

KALAQAMA 40:15

Ane Ibiraawootu gobbanni baxummokkinni wolqatenni abbinoonnie; kawiira dayummohu gedensaannino usuru mine tungannie gede assoommo bunshe dino» yiisi.

LAYINKI SAAMUEELI 22:7

Qarru iillie yannara Kaaliiqa woshshi'roommo; kaa'laera Magani'yawa hige raaroommo; Isino Qullaawu Minisira hee're, qoonqo'ya macciishshino; raare'yano isiwa iillitino.

UMI MOOTOOLLA 13:28

harricho gulufe ha'ri. Mare iillanno woyite reeshshu doogote diriireenna harrichunna doobbiichu mule uurrite no. Doobbiichu reeshsha di"itino; harrichono dikisino.

LAYINKI DUDUWO 32:21

Kaaliiqino sokkaasincho soye Asoori olantonna olu hajajaano gudanno gede assi. Asoori mooteno sholle galagale gobbasi higi. Mitto barra maganosi magansi'ranno darga hee'reenna ilino ooso bisetenni shitusi.

FAARSO 118:28

Ati Magano'ya ikkoottohura galaxxeemmohe; jawimmakkino duduweemmo.

FAARSO 26:6

Kaaliiqa, beebbatewiinni xeerti'roommota egensiisate, anga'ya hayishshi'reemmo; ate magansi'rate kakkallanni darga mare doyemmo.

FAARSO 31:14

Kaaliiqa, ani kayinni ate addaxxeemmo; «Ate Magano'yaati» yeemmo.

FAARSO 34:7

Kaaliiqi sokkaasinchi Kaaliiqa waajjitannori ledo hee're agarannonsa; bushu coyi baalunkunnino gatisannonsa.

FAARSO 38:21

Kaaliiqa ballo, ati callachishshootie; Magano'ya anewiinni faffooti.

FAARSO 84:11

Kaaliiqi agaraanchonkeetinna wonqonkeeti; mararannonke; ayirrinyeno aannonke; danchumma assitannorira dancha coye diho'lannonsa.

ISAYAASI 3:10

Keeraano dancha loosinsa laalcho ittanno daafira, «Baraadhinoonni» yiiyyensa.

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

ERMIYAASI 37:18

Qoleno, «Ane usuru mine tugginiehu atera, woy ledokki gashshaanora woy mannikkira ma asseenna'neeti?

DAANIEELI 3:28

Hakkunni gedensaanni moote Nabukadanatsoori, «Sidiraaqi, Misaaqinna Abidinaago Magani galatamo! Isi sokkaasinchosi soye soqqamaanosi gatisino. Insa Maganonsa addaxxite, iso agurranna wole magannara kumbuultannokki gede mootete hajajo gibbe lubbonsa sayisse uyitino.

DAANIEELI 6:20

Hakkiira iille dadillaamu qaalinni, «Heeshshote Magani soqqamaancho Daanieeli! Barru baala ammanamatenni soqqamattosi Magani doobbiyu afiinni gatisahera dandiinoni?» yii.

DAANIEELI 6:23

Mooteno lowo geeshsha hagiidhe, Daanieeli balete giddonni fushshitannosi gede hajaji. Fushshini woyite Magano addaxxinohura bisisi aana mitte madano dianfoonni.

DAANIEELI 6:4

Hakkunni gedensaanni ledosirinna wole gashshaano Daanieelinna isi loosanno loosi gashshootunnihu aana xe'o hasse su'ma huntasira heddu. Ikkollana Daanieeli lowo geeshsha qorophannohanna ammanaminoha ikkinohura, mitte so'ro woy sao aanasi affara didandiitino.

DAANIEELI 6:7

Gashshootikki looso loosate doorammoommo towataasine, amaalaasinenna gobba gashshitannori baalu sumuu yinoommohu mittu coyi no. Hakkuno xaanni kayise 30 barri geeshsha ate agurranna wole magano woy wole mancho huucci'nannikki gede lallawisiisattora hasi'neemmo. Konne lallawa diigannohu hee'riro doobbiyu balera tunganni gede hajaji.

MIKIYAASI 7:7

Ani kayinni Kaaliiqa agadheemmo. Gatisaancho'ya Magano hexxeemmo. Isino macciishshannoe.

KIIRO 20:16

Kaaliiqi widira hinge raarreenna isino macciishshe sokkaancho soye Gibitsetenni fushshinonke. «Xa kune gashshootikki dannira Qaadesi Katamira hee'noommo.

MAATEWOOSI 27:46

Honse saate ikkita Yesuusi, «Eloyi! Eloyi! Lama Sabaqitani?» yee lowo qaalinni coyi'ri. Hatto yaa, «Magano'ya, Magano'ya, mayira agurittoe?» yaate.

SOQQAMAASINETE LOOSO 12:11

Pheexiroosira wodanu higeennasi, «Maganu sokkaasincho soye Heeroodisinna Ayihudete manni agarte noo coyiwiinni gatisinoeta addinta xa afummo» yii.

SOQQAMAASINETE LOOSO 24:16

Kunnira mannunna Maganu albaanni wo'manka woyite dancha hedo heedhannoe gede jaateemmo.

SOQQAMAASINETE LOOSO 27:23

Sai hashsha isiha ikkoommohu magansi'reemmo Magani soyino sokkaasinchi daye mule'ya uurre,

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

LAYINKI XIMOOTEWOOSI 4:17

Ikkollana ani sokka wonshe kuleenna daga baala macciishshitanno gede Mootichu ledo'ya hee're jawaachishinoe. Doobbiichu afiinnino gatoommo.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 11:33

Insa amma'natenni mootoolla qeeltino; dagano taashshite gashshitino. Uyinoonninsata addi addi hexxono afidhino; doobbiyu afoono cuffino.

UMI SAAMUEELI 17:37

Doobbiichu kottenninna wolu moyichi keltinni gatisinoehu Kaaliiqi xaano kunni Filisxeemichi anganni gatisannoe» yiisi. Saaoolino, «Maahoyye, Kaaliiqi ledokki hee'rona marixa» yiisi.

UMI SAAMUEELI 26:18

Hakkiinni aanche Daawiti, «Mooticha'ya, ane soqqamaanchokki mayira shorrattoe? Ma assummo? Ma hunummohe?