DAANIEELI 5:6 - Qullaawa Maxaafa

⁶ Hakkawoyintenni mootete albi kolossi yii. Masillu batinyinni kainohunni lekka qece qece yitusi; wolqano waa ikkitusi.

DAANIEELI 5:6 ပူးပေါင်းရင်းမြစ်များ

FAARSO 22:14

Wolqa'ya waa ikkitu; miqqa'ya baala addi addinni fultu; wodani'ya gagate gede daaqi.

FAARSO 69:23

La'annokki gede illensa tunsito; wo'manka woyite badhensa ukkito.

ISAYAASI 35:3

Daafurtino anguwa jawaachishshe! Leqe leqe yitino gulubba kaajjishshe!

ISAYAASI 5:27

Insa giddo daafurinohunna gaggawinohu dihee'ranno. Mugannohunna goxannohu dino; qodhonsa ditidhantanno; caaminsa usuraanchino dita"anno.

ERMIYAASI 50:43

Baabilooni moote konne duduwo macciishshanno woyite, wolqasi daaqqanno; waajjillu amadeenna gamaa'mitanni noo mancho gede ikkanno.

HIZIQEELI 21:7

‹Mayira urattto?› yite xa'mitannohe woyite, ‹Albillittete daara noohu bushu duduwi daafira yeeti. Hakku duduwi daanno yannara, wodani'ne daaqanno; anga'ne shaqqitanno; goonte'ne waa ikkitanno; gulubba'neno qece yitanno. Kunino keeshshikkinni ikkanno; digatannoho yaanno Mootichu Kaaliiqi› yite kulinsa» yiie.

HIZIQEELI 7:17

Mittu mittunku anga daafurtanno; guluchuno qece yaanno.

DAANIEELI 2:1

Nabukadanatsoori moohihunni layinki diro haaqee haaqii'ri. Tenne haaqee haaqii'rihu gedensaanni goxano gibbusi.

DAANIEELI 3:19

Hatte yannara Nabukadanatsoori Sidiraaqi, Misaaqinna Abidinaagora lowo geeshsha buwe hanqeenna albisi kolishshi'ri. Kunnira, giira albinni roore 7 ero bubbanno gede hajaji.

DAANIEELI 4:19

Hatte yannara Bilxaasoori yinannihu Daanieeli lowo geeshsha masino daafira shiima yanna sammi yee keeshshi. Anino, «Bilxaasoori! Haaqeeno tirono yaachishshoonkehe» yuummo. Bilxaasoorino daware, «Moote'ya! Haaqeeno haaqeete tirono atera ikkikkinni diinikkira ikkitara halcheemmo.

DAANIEELI 4:5

Mitto barra ma'na goxe hee're lowo geeshsha waajjishshanno haaqee haaqii'roommo; ajuujatennino masisanno coye afoommo.

DAANIEELI 5:5

Hedeweelcho mannu anga fulte caabbiyye worrannihura albaanni nootera maarrangoonnitera Qullaawu Mini xarra aana borreessa hanaffu. Anga borreessitanni heedheenna moote afi.

DAANIEELI 7:28

Ani laoommohunna macciishshoommo coyi konneeti. Lowo geeshsha waajjoommohura maseenna albi'ya shibbi yii. Ikkollana baalanka coye wodani'ya giddo maaxe amadoommo.

NAHOOMI 2:10

Nennewe Katami co'o yee bai; diigame ona ikke gati. Mannu baalunku wodani waajjillunni kainohunni daaqi. Guluchu baalunku qece yii; mannu baalunku halli leqe yii; baalunku albi xawulushshi yii.

IBIRAAWOOTA 12:12

Kunnira, shaqqitinota anga'nenna daafurtinota gulubba'ne jawaachishidhe.