DAANIEELI 5:4 - Qullaawa Maxaafa

⁴ Agganni heedhe culkunni, birrunni, camotenni, siwiilunni, haqqetenninna kinchunni seekkinoonni maganna galaxxitu.

DAANIEELI 5:4 ပူးပေါင်းရင်းမြစ်များ

UMI MOOTOOLLA 1:49

Adooniyaasi jilaho woshshino manni baalunku konne coye macciishshe lowo geeshsha waajje, mittu mittunni fule faro faro hige ha'ri.

ISAYAASI 42:17

«Misilla hexxite, ‹Ki'ne magannankeeti› yitannore, saalu amadannonsa» yii.

ISAYAASI 42:8

«Su'mi'ya Kaaliiqaati; ayirrinye'ya gutamannohu wolu magani dino; misillano galata'ya beeqqitara dihasi'reemmo.

DAANIEELI 1:8

Daanieeli mootete sagale itatenninna woyinete xajje agatenni battaawannokki gede agadhi. Tenne hedora sumuu yaannosi gede Ashifenaazino huucci'ri.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

DAANIEELI 5:3

Soqqamaanosino Yerusaalametenni Maganu Mininni abbinoonniha culku uduunne hakkawoyintenni haadhe shiqishshu; mootenna ayirraddisi, qataanyunna irkote meentisi hakko uduunninni woyinete xajje aggu.

DAANIEELI 5:5

Hedeweelcho mannu anga fulte caabbiyye worrannihura albaanni nootera maarrangoonnitera Qullaawu Mini xarra aana borreessa hanaffu. Anga borreessitanni heedheenna moote afi.

AMOOTSI 6:7

Kunnira, qafadame ha'rate, ki'ne umire ikkitinanni; hatte yannara la'ma'neranna, misingila'nera gawalo ikkanno.

IMBAAQOOMI 2:19

Haqqe bonce seekkinoonniricho «Baqqi yii!» Kincho soonfe seekkinoonniricho, «Kai!» yaattohura atera aanne'e! Misile mittono go'lino coye kulte affannoni? Misile birranna culka aanaho xalline seekkinoonnite ikkinnina foolu giddo dinoote.

SOQQAMAASINETE LOOSO 17:29

Xa ninke isi ooso ikkinummoro, ‹Magano mannu ogimmanninna hayyonni daashshine seekkinoonni culka woy birra, qoleno kincho bonce seekkinoonni uduunnicho lawanno› yine heda dihasiissanno.