DAANIEELI 5:3 - Qullaawa Maxaafa

³ Soqqamaanosino Yerusaalametenni Maganu Mininni abbinoonniha culku uduunne hakkawoyintenni haadhe shiqishshu; mootenna ayirraddisi, qataanyunna irkote meentisi hakko uduunninni woyinete xajje aggu.

DAANIEELI 5:3 ပူးပေါင်းရင်းမြစ်များ

LAYINKI DUDUWO 36:18

Baabilooni moote Nabukadanatsoori Qullaawu Miniha, mootennihanna ledosi gashshaanoha uduunnu mine soqe noore gudise gobbasi adhe ha'ri.

ISAYAASI 5:14

Jeennaatu egemmansara afoo fa'ne agare no; ayirraddanna cancanni xelleqqisannoha mannansa baala egemmara agare no.

ERMIYAASI 50:28

Baabilooni olanto Qullaawa Mine'ya diiggino; ikkollana ani rabbisi'reemmo. Hakkunni gedensaanni qafadotenni higgannori, ani Kaaliiqi assoommore Tsiyooni dudubbanno» yii.

DAANIEELI 5:2

Woyinete xajje aganni hee're Belshaatsaari annisi Nabukadanatsoori Yerusaalametenni Maganu Mininni haa're abbinore woyinete xajje agate culkunninna birrunni seekkinoonni uduunne abbitanno gede soqqamaanosi hajaji. Hatto assinohuno isinna ayirraddisi, qataanyunna irkote meentisi hakkunni uduunninni agganno gede hasi'reeti.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

DAANIEELI 5:4

Agganni heedhe culkunni, birrunni, camotenni, siwiilunni, haqqetenninna kinchunni seekkinoonni maganna galaxxitu.

HOOSEI 2:8

Ise gide, woyinete xajje, ejersu zayite oommosehu ane ikkoommota diwodanchitino. Ani batise oommose birranna culka Ba"aalira uyitino.

IMBAAQOOMI 1:11

Hakkunni gedensaanni baalankare hombobolattete gede assite fiite adhite hadhanno. Kuri haxawarrooti wolqansa maganu gede assite kiirtanno» yii.

MILKIYAASI 1:12

Ki'ne qeesootu kayinni, kakkalo'ya darga battaawinoha assitine kiiratenninna mishshinoonni sagale shiqisha'nenni ane shollishshinoonnie.

UMI TESELONQE 5:3

Mannu, «Keereho; qarru dino» yaanna, godowinni noo mancho amaddanno game gede, bao hedeweelcho daggannonsa; gatteno diaffanno.

EJJEETTO 19:1

Israeelete moote nookki waro, gaaraame Efireemi gobbara widoonni hee'rannohu mittu Leewaawichi no. Isino Beetelihemete Yihudunni mitte irkote galte adhi.