DAANIEELI 5:29 - Qullaawa Maxaafa

²⁹ Hakkunni gedensaanni Belshaatsaari hakkawoyintenni Daanieelira mootennita xiillitte uddano uddisiinsannisi gede, ayirrinyu malaate ikkitinota culku cagaage goowaho worrannisi gedenna gashshootisi giddo sayikki gashshaancho ikkanno gede lallawisiisi.

DAANIEELI 5:29 ပူးပေါင်းရင်းမြစ်များ

KALAQAMA 41:42

Feriooni mootete attami aanaho noo cuuicho angasinni fushshe Yooseefi angara wori; waajjo shaalado uddanono uddisiisisi; goowisirano culku cagaage worisi.

ASTEERI 10:3

Ayihudichu Merdookiyoosi gashshootu ayirrinyira moote Arxekisiisira layinkiho. Merdookiyoosi, gosasira Ayihudete seyannonsa gedenna keere heedhanno gede lowo geeshsha gaaramino. Kunnira gosasi Ayihudete lowo geeshsha ayirradohonna baxaminoho.

LAWISHSHA 1:9

Seesallitte ba'latto umoho, culku irrino goowaho biinfille ledannonte gede, annikkinna amakki amaaleno akata seekkitannohe.

DAANIEELI 2:48

Hakkunni gedensaanni moote Daanieeli jawa ayirrado darga worisi. Lowo afanshano uyisi; Baabilooni gashshootira gashshaancho assisi; mootete amaalaasine baalate sooreessa assisi.

DAANIEELI 5:16

Ati kayinni go'linohanna qarrisino coye baala tira dandaattoha ikkoottota macciishshoommo. Kunnira tenne borro nabbabbe tiro kulittoero, mootennita xiillitte uddano uddi'ratto; ayirrinyu malaate ikkitinota culku cagaage goowaho worrannihe; gashshootiya'rano sayikki darga amadatto gede asseemmohe» yiisi.

DAANIEELI 5:7

Qaalloole, masaalaanonna ayyaanto woshshinannisi gede hirrate coyi'ri. Insano daggeenna moote, «Tenne borro nabbawe tiro kulannoehu mootennita xiillitte uddano uddi'ranno; ayirrinyu malaate ikkitinota culku cagaage goowaho worrannisi; gashshooti'yarano sayikki darga amadanno» yii.

DAANIEELI 6:2

Qoleno isira aante mitturino xeannosikki gede kaa'litannorenna wole gashshaano towattannore Daanieelinna woloota 2 manna doori.