DAANIEELI 5:23 - Qullaawa Maxaafa

²³ Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

DAANIEELI 5:23 ပူးပေါင်းရင်းမြစ်များ

KALAQAMA 14:19

Abiraami maassi'rannisi, «Gordonna baatto kalaqinohu Wo'munkura Aliidi Magani maassi'rohe;

KALAQAMA 2:7

Kaaliiqi Maganu baattote aaninni bushsha haa're, manna bushshunni seekki; sanosirano lubbo aanno foole ufuufi; mannuno lubbo noosi kalaqama ikki.

LAYINKI MOOTOOLLA 14:10

Amesiyaasi, Edoomoota qeelootto daafira boo'nootto. Afi'rootto qeellenni hagiidhite minekki gabbi yite ofollittoro woyyannohe; umikkiranna Yihudu mannira bao abbanno coye mayira hasi'ratto?» yii.

IYYOOBI 12:10

Kalaqamu baalu lubbo, mannu baalu heeshsho isi anga no.

IYYOOBI 31:4

Maganu asseemmore baala la"anno; qaafo'ya baalanta kiiranno.

FAARSO 104:29

Ati insawiinni baxxatto woyite massanno; foolensa haa'ratto woyite reyitanno; fultino bushshi giddora galagalte higganno.

FAARSO 115:16

Gordu Maganunniho; baatto kayinni mannaho uyinote.

FAARSO 139:3

Ha'reemmowanna fooliishshi'reemmowa la"atto; looso'ya baala egennootto.

FAARSO 146:4

Insa reyitanno woyite bushsha e'anno; hakku barri hedonsa baalate gawalote.

LAWISHSHA 20:24

Mannu ha'ranno doogo kulannohu Kaaliiqaati; hatto ikkina, ha'ranno doogo mannu umisinni hiitto ikke afannoyya?

ISAYAASI 13:11

Kaaliiqi, «Baatto bunshese daafira, bushuulleno cubbinsa daafira qorichisheemmo; boonaleeyye heeshshi asseemmo; kakkachoota shollisheemmo.

ISAYAASI 14:13

Wodanikkinni, «Iimira gordo fule, ayirrinyunniha barcima'ya, Maganu beeddahera iimaanni wodheemmo; aliyyeenni maganna gamba yitanno ilaali aana mooheemmo.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

ISAYAASI 33:10

Kaaliiqi daga baalate, «Xa ani mitto coye assammora kaeemmo; ayirrinye'yanna wolqa'ya leellisheemmo'ne.

ISAYAASI 37:19

Maganna ikkitinokkita haqqanna kinna angansanni bocce seekkidhinota tenne gosa misilla Asoorootu giirte huntino.

ISAYAASI 37:23

Boo'nitanninna boollaqidhanni seyatittohu ayeti? Xonittoehu ani Israeelete Qullaawaatiwe!

ISAYAASI 42:5

Gordo kalaqe, qaccetenni qaccete geeshsha diriirsinohu, baattonna aanase noore baala kalaqe, mannahono lubbonna foole worinohu, Maganu Kaaliiqi,

ERMIYAASI 10:23

Kaaliiqa'ya, mannu heeshsho angasi nookkitanna, ha'rinshosino mannu umisi qineessi're dandaannokkita afoommo.

ERMIYAASI 48:26

Kaaliiqi, «Moaabi gosa ane aana naaxxitinona, hayikkissine dimbisse; tufinsa aana gongo'mitanna mannu oso'lonsana.

ERMIYAASI 50:28

Baabilooni olanto Qullaawa Mine'ya diiggino; ikkollana ani rabbisi'reemmo. Hakkunni gedensaanni qafadotenni higgannori, ani Kaaliiqi assoommore Tsiyooni dudubbanno» yii.

ERMIYAASI 50:29

Kaaliiqi, «Digaana bedeeda egentino bagadaano, Baabiloonira gaaddanno gede woshshe. Ane Kaaliiqi Israeelete qullaawi ledo gaarantino daafira, mittuno gate fulannokki gede gaangeessitona. Bushu loosinsa daafira qorichansa uuyyensa; wole beebba assitunte gede, insano hatto asse.

HIZIQEELI 28:17

Danikki xummenni kainohunni naaxxootto; maccaha ikkakki gowwa assitinohe. Kunninni kainohunni woro qole wigidiidoommohe; wole mootoollano atenni jiiltanno gede assoommo.

HIZIQEELI 28:2

«Koo manchi beetto, ani Mootichu Kaaliiqi yeemmore Xiroosi mootera, ‹Wodanikki boo'natenni duu'raminohura, atenee maganu gede assite kiirootto; maganu gede baarunni qoqqowaminohura ayirradu barcimira ofolloottota coyi'rootto. Atenee maganu gede assite kiirittorono, ati manchoho ikkinnina horonta magano di"ikkootto.

HIZIQEELI 28:5

Daddalu hayyo afi'rootto daafira, jirote aana jiro duu'nootto; jirokki batinyinni kainohunni naaxxootto.

HIZIQEELI 31:10

Mootichu Kaaliiqi, «Xa kayinni, lophite gordo iillitu deerrinni, boo'na amaddinose haqqicho hattenne aana ani Mootichu Kaaliiqi asseemmore kuleemmohe.

DAANIEELI 11:12

Afi'rino qeellenninna lowo olanto shee gudasinni boo'nanno. Ikkollana qeellesi anga dikeeshshitannosi.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

DAANIEELI 8:11

Gordu olanto Mootichano hettisi; barru barrunkunni isira shiqinshanni kakkalo gattanno gede assi. Qullaawa Mineno batteessi.

IMBAAQOOMI 2:4

Sokkano, ‹Wodana mokkookku haxawarrira hee'rate hexxo dinosi. Keeraanchu kayinni amma'natenni heeshsho afi'ranno› » yitannote.

SOQQAMAASINETE LOOSO 17:25

Heeshshonna foole, qoleno wolere manna baalaho aannohu iso ikkinohura, mittoreno diqarramanno. Mannu kaa'lono dihasi'ranno.

UMI QORONTOOSI 8:4

Kaphu magannara kakkalate gorrinoonni maala itate daafira coyi'nanni woyite, kaphu maganna tenne gobba aana haafare ikkitinotanna mitto Magano agurranna wolu nookkita anfoommo.

UMI XIMOOTEWOOSI 3:6

Boo'natenni bedeedameenna Sheexaaneho iillitu yoo yinannisikki gede, haaro ammanaancho ikkoonke.

IBIRAAWOOTA 4:13

Maganu albinni go'lanno kalaqami mittuno dino. Isi illera baalunkuri xawoho reqecci yee leellanno; ninkeno xa'mannonke coyira dawaro qolleemmohu isiraati.

YOHAANNIS AJUUJA 9:20

Kunni qoomaminni reyitukkinni gattinori busha looso agurte diaagintaabbino. Durriisahonna culkunni, birrunni, camotenni, kinchunninna haqqetenni seekkinoonnirira la"a, woy macciishsha, woy ha'ra dandiitannokki maganna kaphunnitera soqqama diagurtino.

EJJEETTO 16:23

Hatte yannara Filisxeemete gashshaano, «Maganinke Daagooni, diinanke Samisoni angankera sayise uyinonke» yite maganinsara Daagoonira jawa kakkalo shiqishshara gamba yitu.

UMI SAAMUEELI 17:26

Daawitino mulesi uurre noo manna, «Afummona, konne Filisxeemicha shee konne shollinye Israeelete aaninni hoolannohura ma"assinannisi? Qoleno, Heeshshote Magani olanto uggannohu isi kuni Magano afinokki Filisxeemichi ayeti?» yee xa'mi.

UMI SAAMUEELI 17:36

Ani doobbiichonna wole gawajjanno moyicho shoommohu, Heeshshote Magani olanto ugginoha konne maganiweelo Filisxeemicha hiitto shaa hoogeemmo?