DAANIEELI 5:1 - Qullaawa Maxaafa

¹ Belshaatsaari moohe noo waro mitto barra kumunni kiirranni ayirraddira lowo jila jili. Insa ledono woyinete xajje agi.

DAANIEELI 5:1 ပူးပေါင်းရင်းမြစ်များ

KALAQAMA 40:20

Hakku sayikki barri Ferioonira ilamino barra ikkino daafira, ledosi gashshaano baalantera jila jili. Feriooni woyinete xajje xorshannohanna sagalete mini murricha usuru mininni fushshiishe, ledosi gashshaano albira shiqqanno gede assi.

ASTEERI 1:3

Isi moohihunni sayikki diro amaalaasinesiranna ledosi gashshaano baalate lowo jila jilino. Hakko jilira Faarisinna Medooni gobbari olu hajajaano, awuraajjunna woradu gashshaasine baala daggino

ISAYAASI 22:12

Hatte yannara Olantote Mootichi Kaaliiqi, umo meexxitinanni gedenna, xiddu uddano uddidhine wi'litinanni gede woshshino'ne.

ISAYAASI 22:14

Olantote Mootichi Kaaliiqi, «Lubbotenni noo geeshsha tini saonsa digurantanno. Konne coye coyi'roommohu ani Olantote Mootichi Kaaliiqaati» yee kulie.

ERMIYAASI 50:35

«Reyo Baabilooni mannira! Reyo gashshaanonsara! Reyo masaalaasinensara!

ERMIYAASI 51:39

Saankaabbe heedheenna, jilaho koyisoommonsa. Dimbita geeshsha hayikkisoommonsa; hakkunni gedensaanni goxxanno; galagalteno dika'anno.

ERMIYAASI 51:57

Ejjeettosi, masaalaanosi, gashshaanosi, olu hajajaanosinna gaaddosi, agge dimbitanno gede asseemmo. Dimbituhu gedensaanni goxxanno; hakkiinnino layinkimeeshsho dika'anno. Ani Moote Olantote Mootichi Kaaliiqi konne coye coyi'roommo.

DAANIEELI 5:30

Hakko hashshanni Baabilooni moote Belshaatsaari shini.

NAHOOMI 1:10

Isiniiwa xaaxamino utinna, moola hayisso giirante ba'annonte gede, ki'ne dimbaanono giirantinanni.