DAANIEELI 4:37 - Qullaawa Maxaafa

³⁷ «Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

DAANIEELI 4:37 ပူးပေါင်းရင်းမြစ်များ

LAYINKI DUDUWO 33:19

Minaase Kaaliiqa huucci'rino huuccatto, Kaaliiqi qolinosi dawaro, aagintaawara albaanni loosino cubbi, loosinoti addi addi bunshe, isi seekkinoti dagate maganna magansi'nanni darguwanna Asheera mokkollonna magansi'ranno maganna baala himanaanote dhagge amaddino maxaaffara borreessante no.

ASTEERI 6:10

Mooteno Haama, «Maahoyyena xa rakke ka'e, mootimmate uddanonna farashsho haadhe konne coye baala mootete mini xullora noohura Ayihudichu Merdookiyoosira assisi. Yiitto coyi giddonni mittuno gatoonke» yiisi.

FAARSO 119:75

Kaaliiqa'ya, yookki halaalaancho ikkitinota afoommo; seejjoottoehuno halaalaancho ikkoottohuraati.

FAARSO 99:4

Ati roore mooteeti; halaale baxatto; Israeelete mereero halaale worootto; taalonna halaalaancho yoo uurrisootto.

FULO 18:11

Gibitsootu aana'ne boo'nitino boo'na lae angansanni gatise fushshino'nena, Kaaliiqi maganna baalanta roorinota xa afummo» yii.

FULO 8:4

Beche'naama kukkubbitanni atewa, mannikkiwanna ledokki gashshaasine baalunkuwa dagganno yiino› yite kulisi» yii.

ISAYAASI 23:9

Tenne malinohu Olantote Mootichi Kaaliiqaati; isi konne coye assinohu boo'nansa agurtanno gede assatenna, ayirradda shollishara hedeeti.

ISAYAASI 5:16

Olantote Mootichi Kaaliiqi kayinni yoo taashshasinni ayirranno. Qullaawu Magani halaalaanchimmasinni ewelummasi egensiisanno.

ERMIYAASI 50:29

Kaaliiqi, «Digaana bedeeda egentino bagadaano, Baabiloonira gaaddanno gede woshshe. Ane Kaaliiqi Israeelete qullaawi ledo gaarantino daafira, mittuno gate fulannokki gede gaangeessitona. Bushu loosinsa daafira qorichansa uuyyensa; wole beebba assitunte gede, insano hatto asse.

HIZIQEELI 16:56

Boo'nitta waro, Soddooma diqacifatootta?

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

DAANIEELI 4:26

Cifichu baattote giddo gatanno gede hajajinohu Maganu kalqe baalate aana roorre afi'rinota affe galagalte higge moohattota leellisharaati.

DAANIEELI 4:3

Maganu leellishanno maalale, mageeshshi geeshsha jawate! Isi loosanno loosi mageeshshi geeshsha jawaataho! Maganu hegere hegerera mootete! Gashshootisirano gawalo dino.

DAANIEELI 4:34

Qoleno, «Lamalu diri saihu gedensaanni ani iima gordoho hee'ranno Magano huucci'rummo; wodani'yano darga higie; Wo'munkura Aliidi Magano galaxxanni, « ‹Gashshootisi hegereho; Mootimmasirano gawalo dino.

DAANIEELI 5:4

Agganni heedhe culkunni, birrunni, camotenni, siwiilunni, haqqetenninna kinchunni seekkinoonni maganna galaxxitu.

MAATEWOOSI 11:25

Hatte yannara Yesuusi, «Gordunna baattote Mooticha Anna'ya, konne coye hayyooletenna egennaammaho golte qaaqquulleho leellishootto daafira galaxxeemmohe.

SOQQAMAASINETE LOOSO 17:24

Alamenna giddose noore baala kalaqino Magani, gordunna baattote Mootichaati. Isi mannu minino mine dihee'ranno.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

YOHAANNIS AJUUJA 15:3

Insa Maganu soqqamaanchita Muse faarsonna Ge'rechu faarso: «Wo'manka Dandaattohu, Mooticha Magano! Loosikki dhaggetenna maalalete! Gosa baalate moote, dooggakki taalotenna halaaleho!

YOHAANNIS AJUUJA 16:7

Kakkalote dargano, «Ee! Wo'manka Dandaattohu Mooticha Magano! Yookki halaalehonna taalote» yitanno huuro macciishshummo.

UMI SAAMUEELI 2:3

«Manna'ya, naaxxate coyi afii'nenni fuloonke; afii-wo'mano coyidhinoonte. Kaaliiqi Maganu egennaamohona, mannu looso baala keene la"annohu isooti.