DAANIEELI 4:34 - Qullaawa Maxaafa

³⁴ Qoleno, «Lamalu diri saihu gedensaanni ani iima gordoho hee'ranno Magano huucci'rummo; wodani'yano darga higie; Wo'munkura Aliidi Magano galaxxanni, « ‹Gashshootisi hegereho; Mootimmasirano gawalo dino.

DAANIEELI 4:34 ပူးပေါင်းရင်းမြစ်များ

LAYINKI SAAMUEELI 22:31

Magani'ya doogo guutate! Kaaliiqi qaali ximbiiwaminoho; hexxitannosirira baalaho isi wonqote.

UMI DUDUWO 29:10

Daawiti hattenne songo baalate albaanni Kaaliiqa, «Albi awurinke Yaiqoobi Magano Kaaliiqa, hegerenni hegere geeshsha galatu atera iillohe!

UMI DUDUWO 29:13

Maganonke, ninke xa ate galanteemmohe; ayirrado su'makkino guwinseemmo.

IYYOOBI 1:21

«Ama'ya godowinni mullu fuloommo; reemmo woyiteno mullichulla ha'reemmo. Kaaliiqi uyino; Isinni qole adhino; Kaaliiqi su'mi galataminoha ikko» yii.

FAARSO 10:16

Kaaliiqi hegerera moohe hee'ranno; wole maganna magansidhannori baattosi aaninni ba'anno.

FAARSO 102:24

Magano'ya ballo, geedhummokkinni haadhe hooltootie. Kaaliiqa ati hegerera hee'rattoho.

FAARSO 107:15

Assinonsa dhaggeranna, bagamannokkihu baxillisi daafira Kaaliiqa galattosina.

FAARSO 107:22

Kakkalo shiqishshanni galattosi; assinorirano ililleettetenni faarsitosina.

FAARSO 107:31

Assinonsa dhaggeranna, bagamannokkihu baxillisi daafira Kaaliiqa galattosina.

FAARSO 107:8

Assinonsahu dhaggete loosiranna, bagamannokkihu baxillisi daafira, Kaaliiqa galattosina.

FAARSO 111:7

Isi assannori baalu halaalehonna garaho; hajajosino addaxxinannite.

FAARSO 121:1

Ilaallate widira hige laeemmo; kaa'lannoeha maminni afi'reemmo?

FAARSO 123:1

Gordoho hee'rattohu Kaaliiqa'ya ballo, atewa hige laeemmo.

FAARSO 145:13

Gashshootikki hegereho; ati ilamate ilamara mootete. Kaaliiqi gondoorisira ammanaminoho; isi kalaqinore baala mararanno.

FAARSO 146:10

Kaaliiqi hegerera mootete; Tsiyooni, Maganikki hegerera gashshanno. Kaaliiqi galatamo!

FAARSO 50:14

Maganoho galatu kakkalo kakkalle; Wo'munkura Aliidihura xano'ne uyidhe.

FAARSO 66:7

Wolqasinni hegerera gashshanno; illesi dagate aaninni dika'anno; kunnira, haxawarrootu isi albaanni naaxxitoonke.

FAARSO 7:17

Kaaliiqa, halaalaanchimmasi daafira, galateemmosi; Wo'munkura Aliidi Maganira galatunni faarseemmo.

FAARSO 9:2

Atenni tashshi yaannae, hagiidheemmo; Wo'munkura Aliidi Magano, su'mikkira faarseemmo.

FAARSO 92:1

Kaaliiqa! Ate galaxxa, Wo'munkura Aliidi Maganira faarsa hiittoo danchaati!

ISAYAASI 13:11

Kaaliiqi, «Baatto bunshese daafira, bushuulleno cubbinsa daafira qorichisheemmo; boonaleeyye heeshshi asseemmo; kakkachoota shollisheemmo.

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 24:15

Kunnira Soojjaatoonni noori Kaaliiqa ayirrissanno; Giddichuwate heedhannori, Israeelete Magano Kaaliiqa guwissanno.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

ERMIYAASI QURTO 3:38

Danchuno bushuno, Wo'munkura Aliidi Magani yiikkinni di"ikkanno.

DAANIEELI 12:7

Sokkaasinchuno lamenta angasi gordo qole gotti asse Hegerera Hee'ranno Magani su'minni xaaranni, «Sase dironna darate gudanno. Maganu manni aana daanno qarri uurra geeshsha kuni coyi baalu wo'manno» yii.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 4:2

Wo'munkura Aliidi Magani, assinoeha dhaggete loosonna, maalale kulammo'nera hasi'roommo.

DAANIEELI 4:26

Cifichu baattote giddo gatanno gede hajajinohu Maganu kalqe baalate aana roorre afi'rinota affe galagalte higge moohattota leellisharaati.

DAANIEELI 4:3

Maganu leellishanno maalale, mageeshshi geeshsha jawate! Isi loosanno loosi mageeshshi geeshsha jawaataho! Maganu hegere hegerera mootete! Gashshootisirano gawalo dino.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

DAANIEELI 4:36

«Wodani'ya darga higanni hee'reennanni hakkawoyintenni gashshooti'ya ayirrinyinna gaacheenu galagale higie; amaalaano'yanna ayirraddu hagiirrunni haadhue; albinni roorino ayirrinye lendeennae galagale moohoommo.

DAANIEELI 5:18

«Moote'ya! Wo'munkura Aliidi Magani annikki Nabukadanatsoorira mootimmanna jawimma, ayirrinyenna gaacheena uyinosi.

DAANIEELI 5:21

Mannu mereerinni fule, wodanisi soorrameenna saadate gedeeha ikkino; handu gede hayisso itanni gobba harre ledo hosannoha ikkino. Galannowa hoogeenna manninatisi aana loju dirrino. Kuni ikkinohuno Wo'munkura Aliidi Magani mannu gashshooti baalu aana roorre afi'rinotanna gashshoote hasi'rinohura aa dandaannota afa geeshshaati.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

DAANIEELI 7:14

Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

DAANIEELI 7:27

Baatto baalate aana nooti gashshootu roorre, wolqanna gaacheenu baalu qullaawu Wo'munkura Aliidi Magani mannira aamantanno; gashshootunniti roorrensa hegere geeshsha kaajjite heedhanno. Gobba baalate gashshaano insara hajajante soqqantannonsa» yii.

DAANIEELI 9:14

Kaaliiqa Maganonke! Ati loosattori baalu garaho; ninke kayinni hajajama gimboommohe daafira konne baala qarra abboottonke.

YOONAASI 1:14

Kunnira, «Kaaliiqa, kunni manchi lubbo hunnoommo daafira guddootinke; ati hasi'roottore assoottona, keeraancho mancho shinoommohu gede assite kiirtootinke» yite huuccidhu.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

LUQAASI 1:33

Yaiqoobi minirano hegerera moohanno. Gashshootisira gawalo dino» yiise.

LUQAASI 18:13

«Qaraxaasinchu kayinni fafe uurre, iima gordo hige la"ara nafa diuggino. Ikkollana angasinni gagaso ga'nanni, ‹Magano'ya, ani cubbaataamohona cubbo'ya aguri!› yee huucci'ri.

YOHAANNISI 5:26

Annu giddo heeshsho noonte gede, Beettu giddono heeshsho heedhanno gede assino.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

UMI XIMOOTEWOOSI 1:17

Kunnira hegere Mootera, reyannokkihura, illete leellannokkihura, mittu Maganira ayirrinyunna galatu hegerenni hegere geeshsha iillosi! Hamii'ni.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

YOHAANNIS AJUUJA 10:6

gordonna gordu giddo noore, baattonna baattote aana noore, baaranna baaru giddo noore kalaqino Magani hegerehu su'minni xaare, «Kunni ka'a dikeeshshanno;

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 4:10

lemiina shoolunku geerri ayirradu barcimira ofollinohura albaanni kumbuulte hegere geeshsha hee'rannoha guwissu; ba'lattuwansano ayirradu barcimi albaanni worte,

YOHAANNIS AJUUJA 4:9

Kuri kalaqami ayirradu barcimira ofollinohuranna hegere geeshsha hee'rannohura ayirrinye, guweenyanna galata uyitu yannara,