DAANIEELI 4:32 - Qullaawa Maxaafa

³² Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

DAANIEELI 4:32 ပူးပေါင်းရင်းမြစ်များ

LAYINKI DUDUWO 33:13

Kaaliiqino woxaratino gara lae galagale Yerusaalame hige gashshanno gede assisi. Minaaseno Kaaliiqi Magano ikkinota lede buuxi.

IYYOOBI 42:2

«Baalankare assa dandaattoha ikkoottotanna, hedoottore hoola dandaannohu nookkita afummo.

IYYOOBI 9:12

Hasi'rinore adhiro hoolannosihu ayeti? ‹Ma"assitanni nootto?› yaannosihu nooni?

FAARSO 115:3

Maganinke gordoho no; isi hasi'rinore assanno.

FAARSO 135:6

Gordohonna baattote aana, baaru diime giddo hasi'rinore assanno.

FULO 8:10

Ferioonino, «Hakkawoyiteetiro ga'anni huuccie» yii. Museno, «Maahoyye yootto gede asseemmo; atino Maganinke Kaaliiqi gedeehu wolu magani nookkita hakkawoyite afatto.

FULO 9:14

giwittoro kayinni, gobba baalate aana ane gedeehu wolu nookkita afatto gede, ledokki gashshaanonna mannakki calla ikkikkinni, ate umokkino wolqaataamu qoomaminni ganeemmo.

FULO 9:29

Museno Ferioonira daware, «Katamunni fulayi hee'renni anga'ya kayise Kaaliiqa huucceemmo; belequnna kaadeno uurritanno; atino baatto Kaaliiqita ikkitinota afatto.

ISAYAASI 37:20

Kaaliiqa Maganonke, ati callu Magano ikkoottota daga baala affanno gede xa Asoorootu anganni gatisinke» yaanni huucci'ri.

ISAYAASI 40:15

Daga Kaaliiqi albaanni gambayichu giddo cophi yiino wayi geeshshireeti; keenaasinchu aana noo buko geeshshireeti; giddichuwano albasiinni cu'minoonni buluuli geeshshite.

ISAYAASI 40:17

Daga baala Kaaliiqi albaanni mullareeti; mite yine nafa dikiirrannireeti.

ISAYAASI 45:3

Tunsote maaxante heedhanno jiro eemmohe; hakkunni gedensaanni, su'mikkinni woshshoommohehu, Israeelete Magani Kaaliiqi ane ikkoommota afatto.

ERMIYAASI 27:5

‹Jawaata wolqa'yanninna wolqaataame cigile'yanni baattonna aanase noo manna qoleno saada baalanta kalaqoommo; gashshanno gede, hasi'roommohura eemmo.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 4:31

«Coyi're gudummokkinni, ‹Moote Nabukadanatsoori! Atera hirqinoonni coye macciishshi! Kuneeti gashshootekki atewiinni hoolloonni.

DAANIEELI 5:21

Mannu mereerinni fule, wodanisi soorrameenna saadate gedeeha ikkino; handu gede hayisso itanni gobba harre ledo hosannoha ikkino. Galannowa hoogeenna manninatisi aana loju dirrino. Kuni ikkinohuno Wo'munkura Aliidi Magani mannu gashshooti baalu aana roorre afi'rinotanna gashshoote hasi'rinohura aa dandaannota afa geeshshaati.

IYYAASU 4:24

Kunninni kainohunni baattote aana hee'ranno manni baalu Kaaliiqi wolqa mageeshshi geeshsha jawa ikkitino gede wodanchanno; ki'neno Magano'ne Kaaliiqa ayirrissinanni› yitine kullensa» yiinsa.