DAANIEELI 4:30 - Qullaawa Maxaafa

³⁰ ‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

DAANIEELI 4:30 ပူးပေါင်းရင်းမြစ်များ

KALAQAMA 10:10

Namiruudi gashshooti Senaoori noore umire 3 katamma, Baabilooni, Erekinna Akaadi giddo amadanno.

ASTEERI 1:4

Moote jiro batidhinoha ayirradonna gaamaara mootete mine 6 agana wo'ma leellishinsa.

FAARSO 104:1

Lubbo'ya, Kaaliiqa galatisi! Kaaliiqa Magano'ya, ati mageeshshi geeshsha lowoho! Gaacheenanna ayirrinye uddi'rootto.

FAARSO 49:20

Wodancha nookkiha jiro duu'nino manchira, saadate gede reyasi digattannote.

FAARSO 73:8

Bunshetenni ceeggifattanni coyidhanno; boo'natenni woloota okkitanno.

LAWISHSHA 11:2

Boo'nate hoode shollinyu daanno; umo heeshshi assa egennote.

LAWISHSHA 16:18

Boo'na baote widira haadhe hadhanno; boollaqi'rano uwate widira qolte massitanno.

LAWISHSHA 29:23

Boonaleessu manchi shollanno; umosi heeshshi assannohu kayinni ayirranno.

ISAYAASI 13:19

Gashshoote baalaho qara ikkinoha, mannisi hexxannosiha Baabilooni gashshoote Soddoomunna Gomooru gede asse diigeemmo.

HIZIQEELI 29:3

Mootichu Kaaliiqi Gibitsete mootera, ‹Ha'ranno Wayi giddo ga'rinoha waajjishanno naacha lawattohura, kuneeti ani hanqunni kaoommohe. Atino, Abbayi ateha ikkinota hedde, konne waano seekkoottohu ate ikkootto gede assite coyi'rootto.

DAANIEELI 4:31

«Coyi're gudummokkinni, ‹Moote Nabukadanatsoori! Atera hirqinoonni coye macciishshi! Kuneeti gashshootekki atewiinni hoolloonni.

IMBAAQOOMI 1:11

Hakkunni gedensaanni baalankare hombobolattete gede assite fiite adhite hadhanno. Kuri haxawarrooti wolqansa maganu gede assite kiirtanno» yii.

LUQAASI 14:11

Isonoo gotti assannohu, heeshshi yaanno; isonoo heeshshi assannohu, gotti yaanno.

LUQAASI 14:9

Ki'ne lamenka jilaho woshshino manchi daye, «Konne darga isira uyi!» yiihero, ati galagalte lowo saalinni woffi yiino darga marte ofollatto.

UMI QORONTOOSI 10:31

Ittinanniha woy agginanniha ikkiro woy aye coyeno assitinanniha ikkiro baalankare Maganu ayirrinyira asse.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.

YOHAANNIS AJUUJA 14:8

Layinki sokkaasinchi, «Dimbissannota foorrennita woyinete xajjesi gosa baalate hayikkisinohu bati'ru Baabilooni uwi! Uwi!» yaanni umi sokkaasinchi hoode ha'ri.

YOHAANNIS AJUUJA 16:19

Jawu Baabilooni katami sasewa beehami; gobba baalate katamma diigantu. Maganu bati'ru Baabiloonire hawinokki daafira, hanqisi woyine wonshinoonni finiinchira aganno gede assi.

YOHAANNIS AJUUJA 17:5

Albise aana, «Bati'ra Baabilooni, foorretenna baattote batte baalate ama» yine wolu afannokki tiro su'ma borreessinoonni.

YOHAANNIS AJUUJA 18:10

Iillinose qarra la'anno woyite, waajjitino daafira xeertote uurrite, «Bati'ranna jawaata Baabilooni, ate aanne'e! Xaano ate aanne'e! Mitte saate giddo baokki daggu» yitanno.

YOHAANNIS AJUUJA 18:21

Hakkunni gedensaanni mittu jawaatu sokkaasinchi lowo daammi geeshshi kincho haa're baaru giddo tuge, «Bati'ra Baabilooni togo assine wigidiinde tunganni; layinkimeeshsho horo dika'anno.