DAANIEELI 4:3 - Qullaawa Maxaafa

³ Maganu leellishanno maalale, mageeshshi geeshsha jawate! Isi loosanno loosi mageeshshi geeshsha jawaataho! Maganu hegere hegerera mootete! Gashshootisirano gawalo dino.

DAANIEELI 4:3 ပူးပေါင်းရင်းမြစ်များ

IYYOOBI 25:2

«Gashshannohunna waajjinannihu Maganoho; iima gordoho keere hajajanno.

FAARSO 104:24

Kaaliiqa, ati lowore kalaqootto; baalanka ogimmakkinni seekkootto; baattote ati kalaqoottori wo'mino.

FAARSO 105:27

Insa Gibitsootu mereero maalale assitu; hatte gobbara dhagge loossu.

FAARSO 145:13

Gashshootikki hegereho; ati ilamate ilamara mootete. Kaaliiqi gondoorisira ammanaminoho; isi kalaqinore baala mararanno.

FAARSO 66:7

Wolqasinni hegerera gashshanno; illesi dagate aaninni dika'anno; kunnira, haxawarrootu isi albaanni naaxxitoonke.

FAARSO 72:18

Callisi dhagge assannohu, Israeelete Magani Kaaliiqi galatamo.

FAARSO 77:19

Ati baaru giddoonni higge ha'rootto; bati'ru wayira giddoonni higge saootto; ha'rumikki kayinni illete dileellino.

FAARSO 86:10

Magano, ati jawaho; maala'linanni coye assatto; Maganu ate callaati.

FAARSO 92:5

Kaaliiqa, loosikki mageeshshi geeshsha jawaho! Hedokkino iilline dianfannite.

ISAYAASI 25:1

Kaaliiqa, ati Magano'yaatina, ayirrisi'reemmohe; galatano uyi'reemmohe. Co'o yitino ammanamakkinni, bi're albanni hedoottoha, dhaggete looso loosootto.

ISAYAASI 28:29

Tenne baalanta egenno aannohu Olantote Mootichaati; isi dhaggete amaalaanchooti; egennosino guutate.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

DAANIEELI 2:2

Kunni daafira haaqeesi tirate kiilaano, bitaamma, gojaammanna masaalaano isiwa dagganno gede hajaji. Insano dagge albasiinni uurrituta,

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 4:17

Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.

DAANIEELI 7:14

Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

DAANIEELI 7:27

Baatto baalate aana nooti gashshootu roorre, wolqanna gaacheenu baalu qullaawu Wo'munkura Aliidi Magani mannira aamantanno; gashshootunniti roorrensa hegere geeshsha kaajjite heedhanno. Gobba baalate gashshaano insara hajajante soqqantannonsa» yii.

ROOMU SOKKA 11:33

Maganu jiro, hayyosinna egennosi dandiinannikkite! Yoosino fonqollannikkite; doogosino anfannikkite.

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

UMI XIMOOTEWOOSI 1:17

Kunnira hegere Mootera, reyannokkihura, illete leellannokkihura, mittu Maganira ayirrinyunna galatu hegerenni hegere geeshsha iillosi! Hamii'ni.

IBIRAAWOOTA 1:8

Beettisire qole, «Magano! Mootimmakki barcimi hegerera hee'rannoho; keeraanchimma gashshootikki siqqichooti.

IBIRAAWOOTA 2:4

Hatte yannaranni Maganu malaate dhaggenna addi addi maalale leellishatenni hedosi garinni beehaminohu Qullaawu Ayyaani afanshi widoonni qole insa kultinore dhaawino.

UMI PHEEXIROOSI 4:11

Rosiisannohu, Maganu qaali garinni rosiiso. Soqqamannohuno Maganu aannosi wolqa garinni soqqamo. Kunni garinni, Maganu Yesuusi Kiristoosi widoonni baalunku coyinni galatamanno; ayirrinyunna roorre hegere hegerera isira ikkito. Hamii'ni!

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.