DAANIEELI 4:27 - Qullaawa Maxaafa

²⁷ Kunnira moote'ya! Ani eemmohe mala macciishshi; cubbo loosa agurte, wo'manka woyite dancha coye assi; sao assa agurte gadadaamma marari. Hatto assittoro lowo yanna keere hee'ratto.

DAANIEELI 4:27 ပူးပေါင်းရင်းမြစ်များ

KALAQAMA 11:4

«Amme mitto katama minnona; hakkiicho birxesi gordo iillanno mine minnona; kunni garinni baatto baalate aana billaallinumokkinni su'minke woshshamanno gede assinona» yitu.

UMI MOOTOOLLA 21:29

«Akiaabi ane albaanni umosi shollishino gara laittoni? Togo ikkinota afanni hee're, isi lubbotenni hee'reenna konne qoomama diabbeemmo. Minisi manni daafira yoommo coye beettisi yannara asseemmo» yii.

FAARSO 119:46

Wogakki mootoollate kuleemmo; horonta disaalfateemmo.

LAWISHSHA 11:2

Boo'nate hoode shollinyu daanno; umo heeshshi assa egennote.

LAWISHSHA 16:6

Baxillunna ammanama cubbo agursiissanno; Kaaliiqa waajja cubbuwiinni agartanno.

LAWISHSHA 28:13

Cubbosi maaxannohu dilatanno; aagintaawannohunna agurannohu kayinni maaro afi'ranno.

ISAYAASI 10:13

Asoori moote lede boollaqi'ranni, «Konne baala assoommohu aneeti; ani jawaataho; egennaamoho; busuleho. Wole gosa danna diigoommo; duu'nitinota jironsa baala adhoommo. Hatte gobbara heedhannore baala bareende'yanni shollishoommo.

ISAYAASI 47:10

« ‹Afannoehu dino› yite, bunshekkinni naaxxootta; hayyokkinna egennokki so'risiissinohe; atenee Maganu gede assite kiirootta.

ISAYAASI 47:8

«Ati wodanikkinni, ‹Ane gedeehu dino› yite, atenee Maganu ledo taashshootta. ‹Galtiweelo di"ikkeemma; woy ilaweelono di"ikkeemma› yite, bashshi assattakkiha hawaqidhe hee'rattati, konne coye macciishshi!

ERMIYAASI 29:7

Woroommo'ne katami keere ikkannotanna qiniitaawannota halche. Heedhinoonni katamira qiniisiro ki'nerano qinaanno'nena ane Kaaliiqa huuccidhe"e.

ERMIYAASI 38:20

Anino, «Sayisse diuyitannohena, kuleemmoheha Kaaliiqi yiino coye calla macciishshi; hakkunni gedensaanni qinaannohe; lubbokkino gattanno.

HIZIQEELI 18:7

Ayeno didoganno; woy aye jajjano wolqatenni diadhanno. Woxe liqiissanno woyite amadisiinsoonnisire baala qolanno; hudi'rinoha itisanno; kallinoha uddisiisanno.

HIZIQEELI 29:3

Mootichu Kaaliiqi Gibitsete mootera, ‹Ha'ranno Wayi giddo ga'rinoha waajjishanno naacha lawattohura, kuneeti ani hanqunni kaoommohe. Atino, Abbayi ateha ikkinota hedde, konne waano seekkoottohu ate ikkootto gede assite coyi'rootto.

HIZIQEELI 29:9

Gibitseno mullicho ikkite gattanno. Hatte yannara, ani Kaaliiqa ikkoommota afatta. Atino mootekkino, «Abbayi ninkeho; konne waa seekkinoommorino ninkeeti» yitinoonnihura,

IYUEELI 2:14

Mayi afino? Miteekke Magani'ne Kaaliiqi hanqunni higannoha ikkanno; intannirinna anganniri fushshaatira ikkanno jajja, halashshe aa dandaanno.

AMOOTSI 6:13

Lodebaari Katama qeeltinoonni daafira hagiidhitinoonni; «Qarinayimi Katamano wolqankenni amandoommo» yitine boollaqidhinoonni.

YOONAASI 3:9

Baotenni ganteemmo gede, miteekke Maganu marare waajjishannoha hanqosi agurannoha ikkanno» yii.

IMBAAQOOMI 1:11

Hakkunni gedensaanni baalankare hombobolattete gede assite fiite adhite hadhanno. Kuri haxawarrooti wolqansa maganu gede assite kiirtanno» yii.

SOFFOONIYAASI 2:15

Kuni katami, «Ane ka'a wolu dino!» yee hawaqi're keerunni hee'rino. Xa kayinni, moyichu hosannowa mulla darga ikke gatanno. Hakkaanni hige sa"annohu baalu addintanni maala'lanni umo shafanni fiiqanno.

MAATEWOOSI 3:8

Xaate aagintaawa'ne leellishanno looso loosse.

LUQAASI 11:41

Finiinchi'nenna xilti'ne giddo noore buxanete uuyye; hakkunni gedensaanni wo'munku coyi fayyaaleessa ikkanno'ne.

SOQQAMAASINETE LOOSO 24:25

Phaawuloosi keeraanchimmannire, umo qee'linannirenna dagganno yoore kulanna macciishshe waajji. Kunnira, «Xa ikkinona ha'ri; injiiero wole woyite woshsheemmohe» yii.

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

SOQQAMAASINETE LOOSO 8:22

Tenne bunshekkira gaabbite aagintaawi; miteekke wodanikki bunshe agurannoheha ikkannona Magano huucci'ri.

LAYINKI QORONTOOSI 5:11

Mooticha waajjate yaa mayaatero anfe manna ammanchiinsheemmo. Ninke ewelummano Maganu egennino. Ki'ne wodanino afino yee hedeemmo.

GALATIYU SOKKA 5:13

Roduuwa'ya! Ki'ne borojjimmatenni fultinara woshshantinoonni. Ikkollana borojjimmatenni fula'ne mimmiti'nera baxillunni soqqantinannita ikkito ikkinnina, maalu yorto wonshitinannita ikkitoonke.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

GALATIYU SOKKA 5:6

Kiristoosi Yesuusinni hee'niro, barcima woy barcima hooga mittoreno dikaa'litanno. Hasiissannoti baxillunni leeltanno amma'na callate.

EFESOONI SOKKA 4:28

Moorannohu kunni ka'a mooroonke; hatteentenni hoogginorira aannore afi'rate, angasinni dancha looso loosanni daafuro.

MARRO 24:13

Arrishsho e'ukkinni diphe galanno uddano qolosina; isino maassi'rannosi. Kunino Magani'ne Kaaliiqi albaanni keeraanchimmate kiiramanno'ne.

MARRO 32:27

Kayinnilla, diinnansa togo assinoommori ninkeeti ikkinnina, Kaaliiqa di"ikkino yite naaxxitara hasi'reemmokki daafira aguroommo› yiino.

MARRO 8:17

Miteekkitine wodani'nenni, ‹Tenne jiro afi'noommohu wolqankenniitinna jawaantenkenniiti› yitine heddinoonte.

UMI PHEEXIROOSI 4:8

Baxillu, batinye cubbo diwanno daafira, wo'munkuri aleenni mimmiti'ne ledo seekkitine baxamme.