DAANIEELI 4:25 - Qullaawa Maxaafa

²⁵ Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 4:25 ပူးပေါင်းရင်းမြစ်များ

FAARSO 103:19

Kaaliiqihu ayirradu barcimi gordoho no; isi wo'munkura aliidi gashshaanchooti.

FAARSO 106:20

Maganu ayirrinye, hayisso ittanno saada misilera soorritu.

FAARSO 75:7

Yoo yaannohu Maganoho; mito bushaho yee mito keereensanno.

FAARSO 83:18

Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

ERMIYAASI 27:5

‹Jawaata wolqa'yanninna wolqaataame cigile'yanni baattonna aanase noo manna qoleno saada baalanta kalaqoommo; gashshanno gede, hasi'roommohura eemmo.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 2:37

Moote'ya! Ati baalanka roorattohonna mootoollate mooteeti. Gordu Magani gashshootenna wolqa, jawaantenna ayirrinye uyinohe.

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

DAANIEELI 4:16

Mannu hedowiinni fule, lamalu diri geeshsha saadate gariha ikko.

DAANIEELI 4:17

Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.

DAANIEELI 4:2

Wo'munkura Aliidi Magani, assinoeha dhaggete loosonna, maalale kulammo'nera hasi'roommo.