DAANIEELI 4:19 - Qullaawa Maxaafa

¹⁹ Hatte yannara Bilxaasoori yinannihu Daanieeli lowo geeshsha masino daafira shiima yanna sammi yee keeshshi. Anino, «Bilxaasoori! Haaqeeno tirono yaachishshoonkehe» yuummo. Bilxaasoorino daware, «Moote'ya! Haaqeeno haaqeete tirono atera ikkikkinni diinikkira ikkitara halcheemmo.

DAANIEELI 4:19 ပူးပေါင်းရင်းမြစ်များ

KALAQAMA 31:35

Iseno annase, «Ka"a hoogoommahu godowu dayinoe daafiraatina, mooticha'ya hanqitootie» yitusi. Isino hasi'rinota ikkinnina magannasi diafi'rino.

KALAQAMA 32:18

‹Tini saada soqqamaanchikki Yaiqoobite; isi tenne saada mootichi'ya Eesawura afansha asse soyino; isino kune badhenkeenni daanni no› yii» yee hajajisi.

KALAQAMA 40:12

Yooseefi, «Haaqeete tiro: 3 sinna, 3 barraati.

UMI MOOTOOLLA 18:7

Abidiyu ha'ranni hee're hedeweelcho doogote Eeliyaasinni xaadi. Eeliyaasi ikkinota buuxihu gedensaanni, umo heeshshi yee baatto kise keere haa're, «Mooticha'ya Eeliyaasi! Halaalintanni isi kuni ateenti?» yii.

FULO 32:32

Xa kayinni eeggatena konne cubbo agurinsa; agurattonsakkiha ikkiro kayinni, su'ma'ya mannikki su'ma borreessootto maxaafi giddonni hooli» yii.

ERMIYAASI 29:7

Woroommo'ne katami keere ikkannotanna qiniitaawannota halche. Heedhinoonni katamira qiniisiro ki'nerano qinaanno'nena ane Kaaliiqa huuccidhe"e.

ERMIYAASI 4:19

Hayi qarra! Konne qarra baala hiitto ikke cinca dandeemmo? Hayi wodana'ya! Wodani'ya hiitto shafamanni no! Xurumbunna olu luulo macciishshanni, sammi yee cinca didandeemmo.

DAANIEELI 1:7

Gashshaanote roorrichi su'mansa soorre Daanieeli Bilxaasoori, Hanaaniya Sidiraaqi, Mishaeeli Misaaqi, Azaariya Abidinaago yee fushshi.

DAANIEELI 2:26

Mooteno Bilxaasoori yinanniha Daanieeli, «Haaqii'roommo haaqee tironte ledo kulattoera dandaatto?» yee xa'misi.

DAANIEELI 2:37

Moote'ya! Ati baalanka roorattohonna mootoollate mooteeti. Gordu Magani gashshootenna wolqa, jawaantenna ayirrinye uyinohe.

DAANIEELI 4:24

«Moote'ya! Kuneeti tiro tenneeti; Wo'munkura Aliidihu Maganu ate aana ikkanno gede hirqino coyi kunninni aane nooho:

DAANIEELI 5:12

Isi haaqeenna hibbo tiratenna go'lino coye xawise kulate addi guunte afi'rino egennaamootinna hayyicha manchooti. Kunnira annikki Nabukadanatsoori, ‹Bilxaasoori› yee su'ma fushshinosiha Daanieeli woshshi'ri. Isi konne coye tire kulannohe» yitusi.

DAANIEELI 5:18

«Moote'ya! Wo'munkura Aliidi Magani annikki Nabukadanatsoorira mootimmanna jawimma, ayirrinyenna gaacheena uyinosi.

DAANIEELI 5:19

Jawimmasinni kainohunni addi addi gobbara hee'rannohu addi addi afiinni coyi'ranno manni baalu iso waajje huxi'rino. Hasi'rinoha shaanna gatisa, moohisanna moofisa dandiino.

DAANIEELI 7:15

Ani Daanieeli tenne ajuuja lae lowo geeshsha waajje yaadummo.

DAANIEELI 7:28

Ani laoommohunna macciishshoommo coyi konneeti. Lowo geeshsha waajjoommohura maseenna albi'ya shibbi yii. Ikkollana baalanka coye wodani'ya giddo maaxe amadoommo.

DAANIEELI 8:27

Ani Daanieeli lowo geeshsha daafuroommo daafira xisseennae lowo barra goxoommo. Hakkunni gedensaanni kae moote uyinoe looso loosummo; ajuuja lowo geeshsha yaachishshinoe daafira wodancha didandoommo.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

UMI SAAMUEELI 1:15

Haannano, «Mooticha'ya, diiwedimboomma; ani dadillaame manchootiwe! Wodani'yata Kaaliiqira ku'lanni noommata ikkinnina dimbisannore diagoomma.

UMI SAAMUEELI 24:8

Daawiti godu giddonni fule Saaooli, «Moote'ya!» yee woshshi. Saaoolino caaqqi yaanno woyite, Daawiti iso ayirrise umo heeshshi yee nooha afi.

UMI SAAMUEELI 26:15

Daawitino, «Ati dijawaata manchooti? Ate geeshshihu Israeelete gobbara ayi no? Kune, mittu manchi mootichakki shaara dayino. Mootichakki moote agara mayira hoogittoyya?

UMI SAAMUEELI 3:17

Eelino, «Kaaliiqi kulinoheri maati? Kulinohere mittoreno maaxxootie; maaxittoero kayinni Maganu afohe» yiisi.