DAANIEELI 4:17 - Qullaawa Maxaafa

¹⁷ Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.

DAANIEELI 4:17 ပူးပေါင်းရင်းမြစ်များ

UMI MOOTOOLLA 21:25

(Galtesi Elzaabeeli yitinota adhanni, Kaaliiqi giwanno coye assate umosi cubboho sayise hirinohu Akiaabi gedee manchi dino.

LAYINKI DUDUWO 28:22

Akaazi qarru aana qarru lexxanni hee'reennasinni roore cubbo loosatenni Kaaliiqa dadillisi.

FAARSO 103:19

Kaaliiqihu ayirradu barcimi gordoho no; isi wo'munkura aliidi gashshaanchooti.

FAARSO 12:8

Mannu busha coye ayirrisanno yannara, bushu manni hasi'ri gede ikkanno.

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

FULO 9:16

Kayinnilla, reyattokki gede assoommohehu, wolqa'ya afatto gedenna su'mi'ya gobba baalate ayirranno gede assateeti.

ISAYAASI 6:3

Ku'u ku'unniwiinni haa'ranna baalunku, «Qullaawu! Qullaawu! Qullaawu! Olantote Mootichi Kaaliiqi, ayirrinyisi kalqe baala wo'mino» yitu.

ISAYAASI 6:8

Hakkunni gedensaanni Kaaliiqi, «Aye soqqo? Soqqamannonkehu ayeti?» yaanna macciishshoommo. Anino, «Ani ha'reemmona, ane soqqie» yoommo.

HIZIQEELI 25:17

Lowo geeshsha qorichisheemmo; lowo geeshsha rabbisi'reemmo; hanqo'ya leellisheemmonsa yannara, ani Kaaliiqa ikkoommota affanno» yii.

HIZIQEELI 7:24

Lowo geeshsha busha daga kawa abbe minna'ne ragidhanno gede asseemmo. Wole daga magansidhinanni darguwa batteessitanno gede asseemmo yannara, bareedda'nera goonte diheedhannonsa.

DAANIEELI 11:21

Sokkaasinchu lede, «Isi gedensaanni mittu kaajjadu manchi ka"anno; mootimmate ayirrinye kayinni diuyinannisi; isino hedeweelcho ka"anno; roorreno xagarrotenni adhanno.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 4:2

Wo'munkura Aliidi Magani, assinoeha dhaggete loosonna, maalale kulammo'nera hasi'roommo.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 7:25

Wo'munkura Aliidi Magani aana boo'natenni coyi'ranno; qullaawa Wo'munkura Aliidi Magani manna qarrisanno. Amma'note ayyaannanna seera soorrara wo'naalanno. Insano 3 dironna darate isi anga galtanno.

ROOMU SOKKA 13:1

Maganiweello gashshootu nookkihuranna gashshootu aana nooreno isi worino daafira, mannu baalu aleenni noo gashshaanora hajajama hasiissanno.

UMI QORONTOOSI 1:28

Maganu tenne gobba mannira ayirrado lawino coye hunara hasi're, tenne gobbara shollinoha, mishaminohanna haafa coye doorino.

UMI XIMOOTEWOOSI 5:21

Assatto coye baala manna mimmituwiinni roorsittokkinni, woy ayerano godowa hosittokkinni, tenne amaale'ya baala guutatto gede, Maganunna Yesuusi Kiristoosi doorino sokkaasine albaanni eegga yeemmohe.

YOHAANNIS AJUUJA 4:8

Shoolunku kalaqami mittu mittunku lee qoolla afidhino; qoolu giddoyidi nafa gatikkinni illuwa wo'mitinoho. Hashshano barrano fooliishshidhukkinni, «Qullaawu, qullaawu, qullaawu; Hee'rinohu, noohunna daannohu, Wo'manka Dandaannohu Mootichu Maganu» yite faarsitanno.

UMI SAAMUEELI 2:8

Isi buxicho buluulu aaninni kayisanno; gadadaamo ishinu giddonni fushshanno. Ayirraddu ledo ofoshshiishannosi; ayirrinyu barcimano ragisiisannosi. Baattote safo Kaaliiqite; kalqeno kunni xinti aana worino.