DAANIEELI 4:16 - Qullaawa Maxaafa

¹⁶ Mannu hedowiinni fule, lamalu diri geeshsha saadate gariha ikko.

DAANIEELI 4:16 ပူးပေါင်းရင်းမြစ်များ

LAYINKI SAAMUEELI 18:32

Mooteno Itiyophiyicha, «Beettu Abeseloomi keereho?» yee xa'mi. Isino daware, «Mootichi'ya moote, isira iillinori diinikkiranna ate aana ka'inoheri baalaho iillo» yee dawari.

ISAYAASI 6:10

Ati marte la'annokki gede, macciishshitannokki gedenna huwattannokki gede assi. Qolteno illensanni la'e, maccansanni macciishshite, wodaninsanni wodanchite anewa higge hurtannokki gede, wodanansa dillaawinoha, maccansa beebbinota, illensano tunsitinota assi» yii.

DAANIEELI 11:13

«Aliyye mooteno galagale gobbasi hige albita roortino olanto qixxeessi'ranno. Shiimu diri gedensaanni, seekke qodhisiisi'rinota lowo olanto adhe daanno.

DAANIEELI 12:7

Sokkaasinchuno lamenta angasi gordo qole gotti asse Hegerera Hee'ranno Magani su'minni xaaranni, «Sase dironna darate gudanno. Maganu manni aana daanno qarri uurra geeshsha kuni coyi baalu wo'manno» yii.

DAANIEELI 4:23

Moote'ya! Ati la'anni heedheenna mittu agaraanchu qullaawu sokkaasinchi gordunni dirre, ‹Hattenne haqqicho karre; cifichose kayinni siwiilunninna camotenni seekkinoonni cagaagenni umo xaaxxine baattote giddo agurre; xawoho hayissote mereero hee'rona; gordu lojino aanasi dirrona; 7 diri geeshsha dubbu moyichi ledo hee'rona› yiino.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 7:25

Wo'munkura Aliidi Magani aana boo'natenni coyi'ranno; qullaawa Wo'munkura Aliidi Magani manna qarrisanno. Amma'note ayyaannanna seera soorrara wo'naalanno. Insano 3 dironna darate isi anga galtanno.

DAANIEELI 7:28

Ani laoommohunna macciishshoommo coyi konneeti. Lowo geeshsha waajjoommohura maseenna albi'ya shibbi yii. Ikkollana baalanka coye wodani'ya giddo maaxe amadoommo.

IBIRAAWOOTA 1:11

Insa baalunku ba'anno; ati kayinni hee'ratto; insa uddanote gede akkaltanno.

YOHAANNIS AJUUJA 12:14

Mancho halalla qixxeessinoonnise dargira buubbe hadhanno gede lowo allamurchita lame qoolla uyinise. Hakkiicho hamashshuwiinni faffe sase dironna darate dancha gede towantannase heedhu.