DAANIEELI 3:15 - Qullaawa Maxaafa

¹⁵ Xa xurumbu, gingilaatu, maasinqote, kiraarete, baganunna suusullete qoonqo macciishshitinanni woyite uurrisoommo misilera baattote aana gombisantine kumbuultiniro woyyate; kumbuula gibbiniro kayinni hakkawoyintenni bubbanno giira giddo tugantinanni. Anga'yanni gatisanno'ne magani nookkita egenne!» yiinsa.

DAANIEELI 3:15 ပူးပေါင်းရင်းမြစ်များ

LAYINKI MOOTOOLLA 18:35

Tenne gobba baalate maganna mannansa ane anganni gatisidhino yanna nooni? Ki'ne, ‹Kaaliiqi Yerusaalame gatisanno› yitine heddinannihu mayiraatiyya?» yii.

FULO 32:32

Xa kayinni eeggatena konne cubbo agurinsa; agurattonsakkiha ikkiro kayinni, su'ma'ya mannikki su'ma borreessootto maxaafi giddonni hooli» yii.

FULO 5:2

Ferioonino, «Isi afummona, Kaaliiqi ayeti? Isi yiinota macciishshe Israeele mayira agureemmo? Ani Kaaliiqa diegennoommo; Israeeleno hadhara diagureemmo» yii.

ISAYAASI 37:23

Boo'nitanninna boollaqidhanni seyatittohu ayeti? Xonittoehu ani Israeelete Qullaawaatiwe!

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

DAANIEELI 2:9

Haaqee'ya tiro kula hoogginiero kayinni baalunkura mittu gari qorichi iillanno'ne. Ane coyi'rinore soorranno yitine kapho coyi'ratenni yanna seedisi'rate heddinoonni. Kunnira haaqee kultiniero ise tiro qarrissanno'nekkita kunninni anfanni» yiinsa.

DAANIEELI 3:17

Ninke soqqammeemmosi Magani tenne bubbanno giiranninna ate anganni gatisankera dandaanno.

DAANIEELI 6:16

Kunnira Daanieeli amande abbine doobbiyu balera tunganni gede moote hajaji. Daanieelino, «Wo'manka woyite ammanamatenni soqqamattosi Magani gatisohe!» yiisi.

DAANIEELI 6:20

Hakkiira iille dadillaamu qaalinni, «Heeshshote Magani soqqamaancho Daanieeli! Barru baala ammanamatenni soqqamattosi Magani doobbiyu afiinni gatisahera dandiinoni?» yii.

MAATEWOOSI 10:19

Yoote shiqishshanno'ne yannara, coyidhinannire hakka woyite kullanni'nena, ‹Ma coyi'neemmo woy ma garinni coyi'neemmo?› yitine yaaddinoonte.

MAATEWOOSI 27:43

Isi Magano hexxino. « ‹Ani Maganu Beettooti› yiinona, baxinoro hanni Maganu xa gatisossisiyya!» yitu.

MAARQOOSI 13:11

Amande yoote shiqinshi'nero, ‹Ma coyi'neemmo› yitine balaxxine yaaddinoonte. Hakka woyite uyinanni'ne qaale coyidhe. Hakkuno Qullaawu Ayyaaninniiti ikkinnina, ki'ne coyidhinanniha di"ikkino.

LUQAASI 12:11

Xaadu minira haadhe hadhu'nero gashshaanotenna roorrootu albira massitu'nero, ‹Ma dawarreemmo? Hiitto assine coyi'neemmo?› yitine yaaddinoonte.

LUQAASI 13:9

daanno dirira laalo uyituro danchaho. Laalo aa gibburo kayinni murantanno› yiino» yii.

SOQQAMAASINETE LOOSO 4:19

Pheexiroosinna Yohaannisi kayinni, «Maganoho hajajama agurre ki'nera hajajama Maganu albaanni dancha coyetini? Hanni Ki'nenni yiiyye.

SOQQAMAASINETE LOOSO 5:29

Pheexiroosinna ledosi soqqamaasine kayinni, «Mannaho hajajamantenni Maganoho hajajama hasiissannonke.

SOQQAMAASINETE LOOSO 6:15

Hatte yannara hakko songote gamba yee noo manni baalu Isxifaanoosi seekke la"anno woyite albisi sokkaasinenniha lawanno.