DAANIEELI 2:48 - Qullaawa Maxaafa

⁴⁸ Hakkunni gedensaanni moote Daanieeli jawa ayirrado darga worisi. Lowo afanshano uyisi; Baabilooni gashshootira gashshaancho assisi; mootete amaalaasine baalate sooreessa assisi.

DAANIEELI 2:48 ပူးပေါင်းရင်းမြစ်များ

LAYINKI SAAMUEELI 19:32

Barzilayi 80 diri geerchooti. Lowo geeshsha dureessa ikkino daafira, moote Daawiti Mahinayimi noo waro sagale shiqishanni towatinosi.

LAYINKI MOOTOOLLA 5:1

Ni"imaani Sooriyu olantora hajajaanchoho. Kaaliiqi Sooriyaho qeelle isi widoonni qole uyino daafira, mootetenna mannu albaanni lowo geeshsha ayirradoho; qoleno bareeda manchooti. Ikkollana taraawannoha gogu dhibba afi'rino.

IYYOOBI 1:3

Afi'rino jirono 7,000 ge'reewooti, 3,000 gaalaati, 500 handate waaxaati, 500 harreeti; qolteno lowo soqqamaano noosi. Hatte yannara, jirotenninna jawaantetenni isi geeshsha ikkanno manchi soojjaati gobbara dino.

ERMIYAASI 5:5

Xa gashshaanonniwa mare insa ledo hasaaweemmo; insa Maganinke Kaaliiqi Seeranna, assitara hasi'rinore baala seekkite affino› yee hedoommo. Insano affe heedhenni isira hajajama gibbino.

DAANIEELI 2:6

Haaqee tironte ledo kula dandiitiniro kayinni, ba'raa'ranna afansha lowo ayirrinyi ledo afidhinanni gede asseemmona rakkine haaqee tironte ledo kulle"e» yiinsa.

DAANIEELI 3:1

Moote Nabukadanatsoori hojja 60 cigile, hala'linye 6 cigile ikkitanno misile culkunni seekkisiise, Baabilooni gashshootira Duura yinanni xawira uurrisi.

DAANIEELI 3:12

Xa kune kayinni Baabilooni gashshitara shoomoottori Sidiraaqi, Misaaqinna Abidinaago yinanni Yihudooti hajajokki diayirrissino; magannakkino magansi'ra gibbino; uurrisootto misilerano dikumbuultanno» yitu.

DAANIEELI 3:30

Hatto yiihu gedensaanni moote Sidiraaqi, Misaaqinna Abidinaago Baabilooni gashshooti giddo ayirrado darga worinsa.

DAANIEELI 4:6

Kunnira haaqeete tiro kultannoe gede Baabilooni noore egennaamma baala anewa dagganno gede assoommo.

DAANIEELI 4:9

‹Egennaammu sooreessa ikkoottohu Bilxaasoori! Qullaawa maganna ayyaani noohetanna go'lino coyi baalu maaxamannohekkita afoommo; kune haaqii'roommo haaqee kuleemmohena tirie› yee kuloommosi.

DAANIEELI 5:11

Qullaawa maganna ayyaana afi'rinohu mittu manchi gashshootikki giddo no. Kuni manchi annikki gashshooti yannara magannannite gedee egenno, hayyonna wodancha wo'mitinoha ikkinota anfoonni. Kunnira annikki moote Nabukadanatsoori kiilaano, qaalloole masaalaanonna ayyaanto baalate sooreessa asse shoominosi.

DAANIEELI 5:16

Ati kayinni go'linohanna qarrisino coye baala tira dandaattoha ikkoottota macciishshoommo. Kunnira tenne borro nabbabbe tiro kulittoero, mootennita xiillitte uddano uddi'ratto; ayirrinyu malaate ikkitinota culku cagaage goowaho worrannihe; gashshootiya'rano sayikki darga amadatto gede asseemmohe» yiisi.

DAANIEELI 5:29

Hakkunni gedensaanni Belshaatsaari hakkawoyintenni Daanieelira mootennita xiillitte uddano uddisiinsannisi gede, ayirrinyu malaate ikkitinota culku cagaage goowaho worrannisi gedenna gashshootisi giddo sayikki gashshaancho ikkanno gede lallawisiisi.

DAANIEELI 5:7

Qaalloole, masaalaanonna ayyaanto woshshinannisi gede hirrate coyi'ri. Insano daggeenna moote, «Tenne borro nabbawe tiro kulannoehu mootennita xiillitte uddano uddi'ranno; ayirrinyu malaate ikkitinota culku cagaage goowaho worrannisi; gashshooti'yarano sayikki darga amadanno» yii.

DAANIEELI 8:27

Ani Daanieeli lowo geeshsha daafuroommo daafira xisseennae lowo barra goxoommo. Hakkunni gedensaanni kae moote uyinoe looso loosummo; ajuuja lowo geeshsha yaachishshinoe daafira wodancha didandoommo.

KIIRO 24:11

Xa rakke qaekki ha'ri; wonara galatakki seekke qolammohera noommo. Xa kayinni Kaaliiqi afi'rattokki gede assinohe» yiisi.

UMI SAAMUEELI 17:25

Qolteno insa insanaawa, «Kuni manchi xaa xaanni daanni Israeele ugganno gara la'ini? Konne mancho shaannohura moote lowo jironna beettosi aannota coyi'rino. Annisi godowi geeshshi gabbarikkinni hee'rannotano kulino» yite hasaabbu.

UMI SAAMUEELI 2:8

Isi buxicho buluulu aaninni kayisanno; gadadaamo ishinu giddonni fushshanno. Ayirraddu ledo ofoshshiishannosi; ayirrinyu barcimano ragisiisannosi. Baattote safo Kaaliiqite; kalqeno kunni xinti aana worino.

UMI SAAMUEELI 25:2

Hakkiicho Maooni Katamira mittu lowo geeshsha dureessu manchi no. Isira Qermeloosi Katami mule loosi'nanni baatto noosi; qoleno 1,000 me"enna 3,000 ge'reewo afi'rino. Manchu su'mi Naabaaliiti; ilaminohu Kaaleebi ga're giddooti; galtesi su'mi Abigiyaati. Ise xumatenna xiinxalla manchooti. Ayiddaannise kayinni busha kaajjadohonna do'nichaho. Isi mitto barra Qermeloosi ge'reewisi orda haxi'ranni hee'reenna,