DAANIEELI 2:47 - Qullaawa Maxaafa

⁴⁷ Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

DAANIEELI 2:47 ပူးပေါင်းရင်းမြစ်များ

KALAQAMA 41:39

Feriooni Yooseefira, «Konne coye Maganu atera leellishinohena, ate gedeehu egennaamunna hayyichu manchi wolu dino.

LAYINKI MOOTOOLLA 5:15

Hakkunni gedensaanni Ni"imaani hoodesi noo manni ledo galagale Elsaiwa daye albasiinni uurre, «Gobba baalate Israeelete Magani callu Magano ikkinota xa buuxoommo. Kunnira, ballo ane soqqamaanchikkiwiinni afansha adhi» yiisi.

IYYOOBI 12:19

Qeesootunniha qeesimmate ayirrinye hoolanno; gashshitannoritano gashshootu wolqano hunanno.

FAARSO 136:2

Maganna baalanta roorino Magano galattesi; bagamannokkihu baxillisino hegerehona.

FAARSO 136:3

Mootoollate Mooticha Magano galattesi; bagamannokkihu baxillisino hegerehona.

FAARSO 72:11

Mootoolla baala kumbuultosi; daga baalanti gashshantosi.

FAARSO 82:1

Maganu gordu songo mereero ofollanno; magannate songo giddo yoo yaanni,

FAARSO 96:4

Kaaliiqi lowoho; lowo galati hasiisannosiho; wole maganna baalantenni roore ayirradoho.

HIZIQEELI 26:7

Mootichu Kaaliiqi, «Xiroosira bala tuganno gede, mootoollate moote ikkinoha Baabilooni moote Nabukadanatsoori aliyyenni haa're abbeemmo. Isino, jawaata olanto ledo lowo faradinni, faradi gaaretenninna faradaasinetenni dukkisame daanno.

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 2:19

Hakko hashsha maaxamino coyi Daanieelira ajuujatenni leellisi. Kunnira Daanieeli gordu Magano galaxxanni:

DAANIEELI 2:22

Isi murgo ikke maaxaminohanna, go'lino coye leellishanno. Isiwa wo'manka woyite xawaabbu noo daafira, tunsichoho maaxaminore afanno.

DAANIEELI 2:28

Ikkollana go'lino coye baala leellishanno Magani gordoho no. Isi kunni ka'ira ikkanno coye baala atera leellishinohe. Goxxe heedhe haaqii'rootto haaqeenna wodanikki giddo noo ajuuja kuneeti:

DAANIEELI 2:29

«Moote'ya! Ati goxxe heedhe kunni ka'a ikkanno coye heddanni nootto. Hatte yannara go'lino coye leellishanno Magani kunni ka'a ikkanno coye kulinohe.

DAANIEELI 2:30

Kuni go'lino coyi anera leellinoehu ani wolu manninni roore egennaamo ikkoommohura di"ikkino. Ikkollana ati haaqeete tiro afatto gedenna wodanikki giddo kawanna ka'a higganni noo hedo wodancha dandaatto gedeeti.

DAANIEELI 2:37

Moote'ya! Ati baalanka roorattohonna mootoollate mooteeti. Gordu Magani gashshootenna wolqa, jawaantenna ayirrinye uyinohe.

DAANIEELI 3:15

Xa xurumbu, gingilaatu, maasinqote, kiraarete, baganunna suusullete qoonqo macciishshitinanni woyite uurrisoommo misilera baattote aana gombisantine kumbuultiniro woyyate; kumbuula gibbiniro kayinni hakkawoyintenni bubbanno giira giddo tugantinanni. Anga'yanni gatisanno'ne magani nookkita egenne!» yiinsa.

DAANIEELI 3:28

Hakkunni gedensaanni moote Nabukadanatsoori, «Sidiraaqi, Misaaqinna Abidinaago Magani galatamo! Isi sokkaasinchosi soye soqqamaanosi gatisino. Insa Maganonsa addaxxite, iso agurranna wole magannara kumbuultannokki gede mootete hajajo gibbe lubbonsa sayisse uyitino.

DAANIEELI 3:29

«Togo asse gatisannohu wolu magani dino. Kunnira gashshooti'ya giddo hee'rannohunna addi addi afiinni coyi'ranno manni baalu mereero Sidiraaqi, Misaaqinna Abidinaago Magano xonannohu hee'riro, bisosi murmurre minesino diinge hunnanni gede hajajoommo» yii.

DAANIEELI 4:17

Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

DAANIEELI 5:11

Qullaawa maganna ayyaana afi'rinohu mittu manchi gashshootikki giddo no. Kuni manchi annikki gashshooti yannara magannannite gedee egenno, hayyonna wodancha wo'mitinoha ikkinota anfoonni. Kunnira annikki moote Nabukadanatsoori kiilaano, qaalloole masaalaanonna ayyaanto baalate sooreessa asse shoominosi.

AMOOTSI 3:7

Mootichu Kaaliiqi go'lino coye, soqqamaanosi himanaanote balaxe kulikkinni, mitto coyeno diassanno.

UMI QORONTOOSI 14:25

Wodanaho go'le noonsa coyino xawannonsa; alba higge kumbuulte, «Halaalinta Maganu ki'ne ledo no» yite Magano magansidhanno.

MARRO 10:17

Magani'ne Kaaliiqi magannate Maganooti; mootoollate Mootichaati. Jawa Maganooti; wolqaataamohonna waajjishannoho. Godowa dihosannoho; gubbono di"itannoho.

UMI XIMOOTEWOOSI 6:15

Kiristoositi layinkimeeshshi daa, maassaminohunna callichisi gashshaanna ikkinohu mootoollate Moote, mootoollete Mootichi yiino barra ikkitanno.

IYYAASU 22:22

«Wo'manka roorannohu wolqaataamu Kaaliiqaati! Isi baalunku Mootichaati! Isi baalanka roore wolqaataamo Maganooti! Ninke konne mayira assinoommoro isi afino! Ki'neno mayira assinoommoro affinara hasi'neemmo; halaalinta bunshoommoronna Kaaliiqira noonke amma'na xeinsoommoro, marartinoontenke.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.