DAANIEELI 2:41 - Qullaawa Maxaafa

⁴¹ Lekkanna lekkate qubbe gama darate siwiilunni, gama darate dorunni seekkinoonnita laootto. Kuni hakko gashshooti lamewa beehaminota leellishanno. Doru ledo karsamino siwiila laittonte gede, hakku gashshootino gamu siwiilu gede kaajjinoha ikkanno.

DAANIEELI 2:41 ပူးပေါင်းရင်းမြစ်များ

DAANIEELI 2:40

Galagaleno baalanka coye hiiqqaqqannohunna butu assannohu siwiilu gede kaajjinohu shoolki gashshooti ka"anno. Siwiilu baalanka coye hiiqqaqqe maniissannonte gede, isino isira albaanni gashshitino mootoolla baala hiiqqaqqe maniissanno.

DAANIEELI 2:42

Lekkate qubbe gamu darati siwiila, gamu darati dora ikkinonte gede, hakku gashshootino gamu darati jawaata, gamu darati wolqiweelo ikkanno.

DAANIEELI 7:24

Tonne buudda hakko gashshootiwiinni fultannoreeti. Hakkunni gedensaanni albiidi mootoollawiinni baxxinohu wolu moote kae tonnu gashshooti giddonni sase galchanno.

DAANIEELI 7:7

Konne la"anni hee'reenna xaano wolqaataamu, bushunna waajjishannohu shoolki moyichi fuli. Isira jajjabba siwiilu hinko noosi. Ugaaxe afi'rinore hattenne hinkonni cancane itanninna lekkasinni kakkadanni no. Isi balaxe afummo moyichubbanni baxxinohonna 10 buuda afi'rinoho.

YOHAANNIS AJUUJA 12:3

Wolu malaatino gordu iima leelli: Lamalu uminna tonnu buudi noosihu duumu lowo dhudhuufi leelli. Mittu mittunku umira shiimu mootete worraaqi no.

YOHAANNIS AJUUJA 13:1

Hakkunni gedensaanni mittu moyichi baaru giddonni fulanna afummo. Isira tonnu buudinna lamalu umi noosi. Mittu mittunku buudi aana worraaqu no; mittu mittunku umi aana Magano xonate su'mi no.

YOHAANNIS AJUUJA 17:12

«Laittoti tonne buudda, xaara gashshoote adhitinokki tonne mootoollaati; ikkollana moyichu ledo mitte saate mookkanno gede roorre uyinanninsa.